Tomorri: Takimi dje me Trumpin, nuk do ti hapë Ramës dyert në Uashington, është i përjashtuar

Gazetari Klodian Tomorri ka komentuar takimin për krijimin e Bordit të Paqes në Uashington, ku i pranishëm ishte edhe Edi Rama. Sipas tij, kjo nuk përbën ndryshim thelbësor në raportet me Shtetet e Bashkuara të Amerikës.

Për gazetarin Klodian Tomorrit, Shqipëria nuk ka arsye të shmangë pjesëmarrjen në struktura ndërkombëtare si Bordi i Paqes.

Megjithatë, sipas tij, nënvizoi se prania e Ramës në këtë forum erdhi si rezultat i rrethanave dhe jo si shenjë e një përmirësimi të marrëdhënieve të tij me Shtëpinë e Bardhë.

Tomorri theksoi se, edhe pse Rama ishte i pranishëm në takimin me Trump, nuk pret ndodnjë ndryshim të qëndrimit amerikan ndaj qeverisë shqiptare. Sipas tij, ky takim nuk do të ndikojë në rikthimin e kontakteve të nivelit të lartë mes Ramës dhe administratës amerikane.

‘A duhej të ishte, duhej të ishte Shqipëria pjesë e Bordit të Paqes? Unë mendoj që Shqipëria i ka disa borxhe të mëdha Shteteve të Bashkuara të Amerikës dhe sigurisht nuk ka asgjë të keqe nëse Shqipëria është aty. Nuk shoh asgjë të keqe edhe te fakti që Rama aty përmend çështjen e Kosovës. Ajo është një arenë ndërkombëtare. Pastaj mënyra se si i drejtohet prokurorit, ajo është një çështje tjetër.

Tani, thënë këtë Rama shkoi aty për shkak të disa rrethanave të fatit, po themi, sepse SHBA-së i duheshin sa më shumë shtete, por kjo nuk mendoj se ka për të ndryshuar raportet e demokracive të konsoliduara të perëndimit me qeverinë e Shqipërisë. Unë nuk mendoj se nga nesër, Shtetet e Bashkuara të Amerikës nuk do ja përmendin më kartelet qeverisë, Edi Ramës, në çdo deklaratë që ata ëh lëshojnë për Shqipërinë.

Unë nuk mendoj se ky takim ka për t’i hapur derën e Shtëpisë së Bardhë zotit Rama dhe ka për ta nxjerrë atë nga pozicioni i ngrirjes së raporteve që ëh qeveria e tij ka me Shtetet e Bashkuara, apo që Shtetet e Bashkuara kanë vendosur me qeverinë e tij, por me atë veçanërisht.

Shiko, unë nuk e di nëse shkuarja e Ramës aty ka ardhur për shkak se sigurisht që ai këtu vendos gjithçka dhe i ka thënë presidentit të tij, ti do rrish aty te cepi, do shkoj unë atje, apo ka ardhur edhe për shkak se, edhe për shkak të lobimeve që ai mund të ketë bërë, sepse mund të ketë pasur një barrierë që nuk të duam, apo ku di unë, dhe mund të jetë çarë me lobime.

Por nuk e shoh këtë një zhvillim domethënës në raport me ato që thamë, me fatin e Edi Ramës. Nëse do të ishte kështu do ta kishte shumë kollaj, Edi Rama ka kohë që lobon, dhe ky nuk është një sekret, po e dinë të gjithë, ka kohë që lobon për të rivendosur kontakte me Shtëpinë e Bardhë, ka kohë që lobon për një takim në Shtëpinë e Bardhë me Presidentin Trump, por Edi Rama praktikisht është përjashtuar nga çdo takim me zyrtarë të lartë të Shteteve të Bashkuara të Amerikës’, u shpreh Klodian Tomorri.