Kronike
Vrasësi i Nikulajt ishte nga Shkodra/ Ndërtohet profili
Teksa ka kaluar një javë nga vrasja e biznesmenit Ardian Nikulaj në Shëngjin, policia nuk ka ende asnjë person të dyshuar si autorin e krimit. Megjithatë, prokuroria ka krijuar një profil të vrasësit me provat e mbledhura deri më tani. Sipas këtij profili, personi që dyshohet se qëndron pas vrasjes së biznesmenit është me origjinë nga Shkodra.
Dyshimet për këtë kanë lindur pas kqyrjes së itineratit që ka përshkuar personi në fjalë, i cili mendohet të jetë mes 30 dhe 40 vjeç. Autori dyshohet gjithashtu të ketë pasur akses dhe në kamerat e sigurisë së hotelit të viktimës.
Në këtë mënyrë ai ka arritur që ta mbajë nën vëzhgim 51-vjeçari dhe ka ditur fiks momentin kur ai ishte vetëm brenda në lokal.
Por, për të dalë në përfundime më të sakta, po ekzaminohet serveri si dhe qelizat telefonike të përsonave për të cilët ka dyshime të kenë lidhje me ngjarjen.
Ardian Nikulaj u ekzekutua mesditën e 19 prillit kur sapo kishte hyrë dhe ulur në një tavolinë në lokalin në pronësi të tij në vijën e parë të plazhit të Shëngjinit. Autori, siç u pa nga pamjet, mbante një maskë kirurgjikale, skafandër dhe jelek fosforeshent. Ai futet në lokal, qëllon me armë Nikulajn dhe pasi kryen vrasjen me pistoletë në një distancë shumë të afërt largohet qetësisht me motor nga vendngjarja.
Kronike
Detajet/ “Më ndihmoni po humbas gjak…”, si shqiptarja u masakrua me thikë në Angli
Një grua u godit me thikë jashtë një shkolle fillore, thanë dëshmitarët e tronditur për MailOnline.
Gruaja, që mendohet se ishte shqiptare që jetonte aty pranë, u godit me thikë në mënyrë të përsëritur menjëherë pasi kishte lënë fëmijët e saj në shkollë, ndërsa në vendin e ngjarjes u krijua një pellg gjaku.
Ajo u dëgjua duke bërtitur: ‘Më ndihmo, më ndihmo… po humbas gjak’.
Policia e Bedfordshire konfirmoi se ajo u dërgua në spital ku mbetet me lëndime të rënda pas një sulmi pranë një shkolle në Dunstable Road, Luton, pak pas orës 8:30 të mëngjesit të sotëm.
Një burr u arrestua pak më pas.
Banorët e zonës thanë se viktima kishte pasur probleme me një burrë, ndoshta ish-bashkëshorti, i cili ishte paraqitur në adresën e saj dhe ishte bërë i dhunshëm.
Një burrë tha sot: ‘Ishte e tmerrshme, brutale. Gruaja u ndoq në rrugë nga një burrë, i cili e kapi nga fyti dhe më pas i mbylli gojën me dorë për ta ndaluar të bërtiturat.
Më pas ai e goditi atë disa herë me thikë në të gjithë trupin e saj duke e bërë atë të rrëzohej në rrugë.
Një nënë tjetër tha: ‘E pashë gruan të shtrirë në trotuar. Ajo po qante dhe bërtiste “më ndihmo, më ndihmo”.
“Ajo gjithashtu bërtiste “Po më humb gjaku”.
“Unë njoh njerëz afër vendit ku ajo jeton dhe mesa duket është me origjinë nga Shqipëria. Ajo jeton me fëmijët e saj që shkojnë në shkollën lokale.
“Ajo u sulmua menjëherë pasi i kishte lënë.
Policia ka thënë se fëmijët ishin të sigurt në shkollë.
Oficerët janë vendosur të qëndrojnë në zonë për t’u siguruar.
Një zëdhënës i policisë tha: ‘Policia e Bedfordshire po heton therjen me thikë të një gruaje pranë një shkolle në Dunstable Road, Luton pak pas orës 8:30 të mëngjesit të sotëm.
“Viktima është dërguar në spital me lëndime të rënda. Një person është arrestuar dhe aktualisht ndodhet në paraburgim nga policia.
Të gjithë fëmijët janë të sigurt brenda shkollës dhe nuk ka asnjë kërcënim më të gjerë për publikun. Policia do të mbajë një prani të fortë në zonë për siguri.’
Kronike
“Ishte horror”/ Shqiptarja qëllohet disa herë me thikë, dëshmitarët: Kërkoi ndihmë
Një ngjarje e rëndë është shënuar në Luton të Anglisë, ku një shqiptare është qëlluar me thikë.
Mediat angleze shkruajnë se shqiptarja është qëlluar disa herë me thikë pranë një shkolle fillore dhe u la në një pellg gjaku.
Dëshmitarët thanë se ajo po ulërinte: “Ndihmë, më ndihmoni, po humbas gjak”.
Policia tha se viktima është dërguar në spital ku ndodhet në gjendje të rëndë, ndërsa është arrestuar një burrë pak pas ngjarjes.
Dëshmitarët thanë se viktima kishte probleme me ish-bashkëshortin, i cili ishte paraqitur në banesën e saj dhe ishte bërë i dhunshëm.
“Ishte horror, brutale. Gruaja u ndoq në rrugë nga një burrë që e kapi për fyti dhe më pas i futi dorën në gojë që të mos bërtiste. Më pas e goditi disa herë me thikë në të gjithë trupin dhe e la në rrugë”, tha një dëshmitar.
Edhe ai konfirmoi se gruaja u sulmua sapo la fëmijët në shkollë.
Kronike
Tragjedia në Martanesh/ Reagon KSSH: Minierat janë kthyer në galeri vdekjesh, shteti amniston shkelësit!
Konfederata e Sindikatave të Shqipërisë ka reaguar lidhur me ngjarjen e rëdë që ndodhi sot në një minierë të Martaneshit ku humbi jetën minatori Armond Peshku dhe u plagos miku i tij Hajdar Balla.
Në një reagim në rrjete sociale KSSH shkruan se minierat në vendin tonë janë kthyer në galeri vdekjesh dhe se shteti amniston shkelësit. KSSH bën thirrje më tej që policia të zbardhë ngjarjen, ndërsa kërkon nga Inspektoriati I Punës të rris intensitetin e kontrolleve në galeritë dhe minierat.
Reagimi:
Minierat si galeri vdekjesh dhe shteti që amniston shkelësit! Një tjetër tragjedi u shënua sot në Minierën e Thekës në Martanesh, ku një minator vagonist humbi jetën dhe kolegu i tij mbeti i plagosur rëndë.
Konfederata e Sindikatave të Shqipërisë i shpreh ngushëllime familjes së Armand Peshkut që humbi jetën dhe i uron shërim të shpejtë të plagosurit Hajdar Bala. Nga informacionet paraprake shkak i këtij aksidenti në pune mendohet të jetë mosmarrja e kushteve të sigurisë teknike, çka ngarkon me përgjegjësi përfaqësuesit e firmës.
KSSH i kërkon Policisë Shtetit dhe Prokurorisë të zbardhin rrethanat e kësaj ngjarje të rëndë. KSSH i kërkon Inspektoriatit të Punës të rrisë intensitetin e kontrolleve në galeritë e minierave.
Kronike
Akuzoi babanë për abuzim seksual, e mitura në Kavajë refuzon të bëjë kontroll mjekësor
Detaje të reja kanë dalë në dritë nga ngjarja që u raportua këtë të martë në Kavajë, ku 49-vjeçari Bledar Rako u arrestua nga Policia pasi akuzohej se ka abuzuar seksualisht me të bijën 15-vjeçare. Ka qënë kjo e fundit që në një bisedë me psikologen e shkollës ka rrëfyer se abuzohej nga i ati.
Por në dëshmitë paraprake të dhënë para hetuesve, 49-vjeçari ka mohuar akuzat teksa është shprehur se nuk e ka prekur me dorë të bijën. Njësoj ka pohuar edhe nëna e vajzës, e cila pretendon se e bija po mashtron.
Vajza nga ana tjetër është shprehur se i ati e ka detyruar të kryejne marredhenie seksuale gjatë 4 viteve të fundit, ndërsa hera e fundit që kjo ka ndodhur, ka qenë para një viti. E mitura është dërguar në Durrës për kryerjen e ekzaminimeve mjekësore, por mësohet se ka refuzuar ti nënshtrohet ekzaminimit. Nuk dihet arsyeja pse e mitura refuzon të pranojë ekzaminimet, ndërkohë hetimet janë duke vazhduar, ndërsa 48 vjecari tashme është në pritje të masës së sigurisë që do të caktojë gjykata për të.
Kronike
Minatori humbi jetën në galeri, policia e Bulqizës shoqëron disa persona
Pas aksidentit ku humbi jetën minatori 29-vjeçar Armand Peshku ka humbur jetën në vend, ndërsa Hajdar Bala është transportuar me helikopter për në spitalin e Traumës në Tiranë, Policia e Bulqizës ka shoqëruar disa persona .
U mësua se dy minatorët me detyrë vagonist kanë qenë në frontin e punës në momentin që një masiv i madh gurësh është shembur dhe i ka zënë poshtë.
Ndërkohë, policia pritet të japë detaje në lidhje me personat përgjegjës të cilët janë shoqëruar në ambjentet e policisë së Bulqizës./ Balkanweb
-
Aktualitet10 hours ago
Sherr në mes të rrugës, dhunohen barbarisht shqiptari dhe partnerja e tij
-
Kronike11 hours ago
Del FOTO/ Ky është 29-vjeçari që humbi jetën sot në minierën e Martaneshit
-
Aktualitet11 hours ago
Pamje të rënda/ Protestuesi gjuan me shkelma gruan para Bashkisë së Tiranës
-
Pinknews11 hours ago
‘Është vrasës, më ka goditur’/ Fjolla Morina nxjerr anën e errët të Fisnik Sylës
-
Pinknews10 hours ago
Egla ulëret “e tronditur”/ Çfarë i ndodhi papritur banores?
-
Pinknews11 hours ago
Epo dhe këtë e dëgjuam/ Ndjekësit nxjerrin zbuluar ndërhyrjen e Arbanës në gjoks
-
Kosova12 hours ago
SHBA e shqetësuar me trajtimin e pakicave në Kosovë, thirrje liderëve politikë
-
Kronike12 hours ago
EMRAT/ Kush është minatori që humbi jetën dhe tjetri që u plagos në Martanesh