Aktualitet
6 gjëra që e bëjnë lidhjen të zgjasë përgjithmonë
Marrëdhëniet në çift janë plot sfida, por ka detaje të vogla që mund ta bëjnë dashurinë të zgjasë përgjithmonë. Pra, nuk do të ishte gjë e keqe t’i përfshini këto sjellje në rutinën tuaj për të dalë nga zona e rrezikut që marrëdhëniet kanë pas një periudhe kohe. Veprimet që ne do të propozojmë kanë për qëllim forcimin e aspekteve të tilla si komunikimi, respekti, empatia dhe intimiteti emocional. Zbatojini sa më shumë që ta bëni lidhjen tuaj të zgjasë përgjithmonë!
Puthja e mëngjesit dhe puthja e natës së mirë
Mos lejoni që butësia dhe intimiteti të zhduket me kalimin e viteve. Këto puthje janë një mënyrë për të thënë se falënderoni njëri-tjetrin për këtë ditë së bashku dhe se keni personin për të cilin ëndërroni pranë vetes. Nëse shtoni një përqafim, përvoja do të jetë më e mirë.
Një moment vetëm për ju të dy përpara se të mbarojë dita
Gjithmonë ka aktivitete në pritje, profesione, kohë që nuk përputhen, fëmijë e kafshë shtëpiake, por ju duhet patjetër të gjeni kohë për veten tuaj për t’u siguruar që ndjeheni individualisht por edhe në çift mirë. Të flasësh dhe të dëgjosh me të gjitha shqisa e tua është gjëja më e mirë që mund të bëni për marrëdhënien tuaj dhe vetëvlerësimin e ndjërsjellë.
Mos fantazo skenare negative
Shumë herë ne mendojmë se po vjen më e keqja, se ka një problem që nuk mund të zgjidhet, se tjetri nuk do të ndryshojë, por para se të imagjinohet skenari më i keq, është mirë të marrësh kohë për të folur, ta shprehësh atë që ndjen dhe të gjesh shkaqet e problemit.
Bëni gjëra bashkë
Çështja është të përpiqemi të jemi ai person që mund t’i besoni, ai që do të buzëqesh gjithmonë edhe nëse jashtë bie shi, shkruan classlifestyle. Pjesëmarrja në një festë, në një udhëtim, një gjë që e konsideroni të veçantë për ju si çift do ju bëjë të lumtur dhe do ja vlejë si nismë.
Mos gënjeni kurrë
Kjo është një nga ato pikat që nuk janë të lehta, por nuk do të jetë kurrë e këndshme të gënjesh në çift, pavarësisht nëse besojmë se është gjëja më e mirë, ndershmëria është çelësi në një marrëdhënie, gënjeshtrat e vrasin dashurinë.
Kërkoni dialog
Rrallëherë na pëlqen të pranojmë se kemi gabuar ose se tjetri ka të drejtë, por duhet të kuptojmë që partneri ynë nuk do të përpiqet të na lëndojë, të paktën jo nëse ai me të vërtetë na do, prandaj mos hezitoni të hidhni hapin e parë e të kërkoni dialog.
Aktualitet
Axhami: Filozofia Zogiste në kohë moderne, nën moton “Atdheu mbi të gjitha”
Aktualitet
Vdekja e mistershme e të moshuarve në Dropull, lirohen personat e shoqëruar në polici
Ditën e sotme, u përcollën në banesën e fundit, dy të moshuarit që u gjetën të vdekur dhe me shenja dhune në banesën e tyre. Të afërmit e ardhur nga Greqia dhe bashkëfshatarët në Bodrisht të Dropullit i dhanë lamtumirën e fundit Kosta Ilia, 84 vjeç dhe Kleoniqi Ilia, 88 vjeçe.
Lidhur me ngjarjen e rëndë, e cila vijon ende e pazbardhur, policia ka shoqëruar mbi 10 persona. Ndërkohë pasi kanë dhënë deklarimet e tyre, personat e shoqëruar janë lënë të lirë. Disa pista hetimi janë ngritur për vdekjen e tyre, ku deri tani, nga policia dhe prokuroria është lënë në hije pista e një grabitje të mundshme. Kjo pasi edhe pensioni që i moshuari kishte marrë pak ditë më parë në Greqi iu gjet në portofol. Gjithashtu është hedhur poshtë dhe versioni se çifti mund të ketë vrarë njëri- tjetrin.
Kryefamiljari i cili kishte marrë një plagë në kokë kishte ndërruar jetë në oborrin e shtëpisë ndërsa pak metra larg tij, në brendësi të banesës u gjet e vdekur edhe bashkëshortja gjithashtu me shenja dhune në trup. Sipas policisë të moshuarit u goditën me mjete të forta rrethanore por burime thanë se në vendngjarje nuk është gjetur asnjë mjet i tillë. Për zbardhjen e ngjarjes së rëndë, grupi hetimor është rikthyer sërish në banesën e të moshuarve. Ekspertët kriminalist janë në pritje të ekzaminimeve të disa provave materiale të marra në brendësi të banesës së çiftit të viktimave.
Aktualitet
E pazakontë/ Mjeti përplas biçikletën, motorin, makinën, këmbësorin dhe përfundon në lavazh
Një aksident i rëndë automobilistik është regjistruar këtë të premte në rrugën e ish-Kënetës që lidhet me Unazën e qytetit të Durrësit.
Mësohet se një automjet, i cili po udhëtonte me shpejtësi ka humbur kontrollin duke kaluar trafikndarësen e rrugës për të përfunduar në krahun e kundërt.
Gjatë devijimit, automjeti fillimisht ka aksidentuar një biçiklist, një këmbësor, një motor dhe një automjet të parkuar, për t’u përplasur më pas me fasadën e një lavazhi automjetesh.
Burime bëjnë me dije se drejtuesi i automjetit dhe pasagjeri në automjet kanë marrë dëmtime dhe janë dërguar në spital, ndërsa personat e tjerë të përfshirë në aksident nuk kanë lëndime serioze.
Në vendin e ngjarjes kanë mbërritur efektivë të policisë, të cilët teksa kanë rrethuar vendin e aksidentit deri në përfundim të hetimit, po punojnë për zbardhjen e shkaqeve.
Aktualitet
Ndalimi i tregtisë me Izraelin/ Erdogan: 9.5 mld dollarë më pak, për ne nuk ndryshojnë gjë
Presidenti turk Rexhep Tajip Erdogan ka reaguar pas vendimit të qeverisë së Turqisë për të ndaluar tregtinë me Izraelin. Ai tha se tashmë është koha për të vepruar dhe se durimi kishte përfunduar.
Sipas Erdogan opozita në Turqi shfrytëzoi faktin që qeveria nuk ndërmori masa kundër Izraelit dhe e përdori diçka të tillë për zgjedhjet në vend.
“Zhvillimet e fundit në operacionet ushtarake të Izraelit në Gaza nuk janë të pranueshme. Kjo është arsyeja pse ne besojmë se ishte e nevojshme të ndërmerreshin këtë hap. Ne prisnim të shihnim qetësimin e situatës përpara se të merrnim këto masa, por opozita e shfrytëzoi këtë për të na sulmuar Pasi të kenë përfunduar zgjedhjet, ne kalojmë te veprimet dhe faktet”, tha Erdogan.
Ndalimi i importeve dhe eksporteve do të vazhdojë derisa të ketë një armëpushim dhe të garantohet aksesi i popullatës në ndihma humanitare.
“Ndërmjet 40 dhe 45 mijë civilë të pafajshëm u vranë me bashkëpunimin e Perëndimit dhe në veçanti të Amerikës. Tani durimi ka mbaruar dhe ne kemi marrë këtë masë. Tregtia me Izraelin ishte 9.5 miliardë dollarë, për ne nuk ndryshon asgjë hiqni dorë, dera është e mbyllur”, përsëriti Erdogan.
Aktualitet
Vrasja e të moshuarve në Dropull, shoqërohen 9 banorë në Komisariat, çfarë gjeti policia
9 banorë të fshatit Bodrishtë dhe një bari shtegëtar të imëtash janë shoqëruar nga policia e Gjirokastrës, nën cilësinë e personave që mund të kenë dijeni për krimin ndaj dy të moshuarve Kosta dhe Kleoniqi Ilia bashkëshortë mes tyre.
Deri tani të shoqëruarit janë banorë që jetonin në afërsi të banesës së çiftit, persona me të cilët mund të kenë pasur debate për kufijtë e pronës si dhe bariu që nuk është banor i fshatit, por që mendohet se mund të ketë qenë në rrugën para banesës në momentin e krimit e që dyshohet se ka dijeni për të.
Policia gjithashtu ka gjetur një levë hekuri në pjesë e pasme të banesës objekt që është marrë në konsideratë në cilësinë e provës pasi dyshohet se të moshuarit kanë marrë goditje nga i njëjti objekt, burri në pjesën anësore të kokës dhe gruaja në pjesën e shpinës. Goditjet sipas ekspertëve kanë qenë vdekjeprurrëse sepse janë shkaktuar nga një mjet i fortë.
Hetuesit janë duke pritur analizat e ADN-së për të hedhur më shumë dritë mbi ngjarjen dhe identifikimin e autorit të këtij krimi.
-
Kosova19 hours ago
Serbia merr shansin nga KiE, tani ka shumë më tepër pasiguri për Kosovën
-
Pinknews6 hours ago
Çmenduri/ Romeo dhe Erjola të lidhur bashkë? Graciano plas skandalin
-
Bota9 hours ago
Shoferin e zuri gjumi në timon/ Raportohet për 2 të vdekur dhe 34 pasagjerë të lënduar
-
Bota6 hours ago
Çnjerëzore/19-vjeçarja lind foshnjen në tualetin e konviktit dhe e hedh në kosh
-
Pinknews6 hours ago
TRONDITET rrjeti/ Juli shokon Romeon: Kam bërë ALEANCË me Heidin
-
Pinknews10 hours ago
“Tradhtare”/ Egla shpërthen ndaj akuzave të Romeos: Do më puthësh prapë duart
-
Pinknews10 hours ago
Tension mes Eglës dhe Rozës/ Agravon gati në përplasje fizike: Mos prek me dorë moj vajzë
-
Kosova12 hours ago
DRIDHET Serbia, dy ngjarjet që shkaktojnë tërmetin apokaliptik