‘Gjenerali bërthamor Armagedon’ nis shfaqen…

Sipas burimeve të ndryshme të inteligjencës, vendimi për të goditur objektivat civilë me raketa në shkallë të gjerë në Kiev është urdhëruar nga komandanti i ri i forcave të armatosura ruse në Ukrainë, i famshëm për operacionet e tij brutale. Është fjala për Sergej Surovikin, i cili me urdhërat e tij po gjeneron një përshkallëzim të mëtejshëm të konfliktit.

Surovikin ka fituar në terren nofkën, “Gjenerali bërthamor Armagedon”, për aftësinë e tij për të kryer veprime jokonvencionale dhe brutale gjatë konflikteve.

Vëzhguesit e konsiderojnë atë “të preferuarin e Vladimir Putinit”, njeriun tek i cili mbështetet presidenti rus për të kryer detyra të ndërlikuara, si bombardimi i Kievit, pas disfatës në Kharkiv dhe pas shpërthimit të zjarrit në urë e Krimesë.

Një përgjegjësi edhe më e madhe, ajo e Surovikin, duke qenë se me emërimin e tij për herë të parë që nga fillimi i ofensivës, Mbrojtja e Moskës ka shpallur zyrtarisht emrin e komandantit të saj në konflikt, edhe për t’iu përgjigjur kritikave të brendshme të kohëve të fundit të skifterëve të ushtrisë, duke filluar nga lideri çeçen Ramzan Kadyrov

E kaluara e Surovikin ka shumë pika të errëta. Në kaosin post-sovjetik, ai u hetua dy herë. Fillimisht në gusht 1991, gjatë grushtit të dështuar të shtetit ku u akuzua se kishte vrarë tre persona. Pastaj ne vitin 1995, I akuzuar për trafik armësh. Në kurrikulën e tij ka edhe shumë episode dhune