Rrëshqitja fatale/ Aksident i rëndë në Tepelenë-Gjirokastër

Dy makina janë përplasur me njëra-tjetrën mëngjesin e sotëm në aksin Tepelenë-Gjirokastër.

Ngjarja ka ndodhur rreth orës 06:10 në vendin e quajtur “Luzat.”

Policia bën me dije se automjeti tip “Dacia”, që drejtohej nga shtetasi K. Ç., është përplasur me automjetin tip “Seat”, me drejtues shtetasin H. S.

Të plagosurit u transportuan në spitalin Rajonal Gjirokastër, për të marrë ndihmën mjekësore.

Në vendngjarje ndodhet grupi hetimor dhe po punon për zbardhjen e shkaqeve të aksidentit.