Vendet ku makina është e ndaluar, lëvizet me gomerë
Sigurisht, është mirë të kesh një makinë, shkurton mjaft udhëtimin nga pika A në pikën B dhe udhëtimi ndoshta bëhet më mirë në komoditetin e makinës tënde, pasi mund të ndalosh ku të duash.
Megjithatë, imagjinoni për një moment një botë pa makina – ajri do të ishte më i pastër, rrugët do të ishin më të qeta dhe ne do të ecnim ose do të bënim biçikletë më shumë.
Në vendet e mëposhtme njerëzit bëjnë pikërisht këtë, sepse ngasja është – e ndaluar!
Civita di Bagnoregio, Itali
Në këtë fshat italian nuk ka makina, por edhe më interesant është fakti se e vetmja dalje apo hyrja në të është përmes një urë këmbësore. Vendndodhja piktoresk e qytetit – në majë të një kodre me pamje nga një kanion i madh, duket vërtet magjepsës.
Halibut Cove, SHBA
Fshati i izoluar i Alaskës Halibut Cove ka vetëm rreth 90 banorë të përhershëm, gjë që i shton hijeshinë këtij vendi të bukur pa makina. Nëse kjo nuk duket mjaft paqësore, ajo strehon gjithashtu një zyrë postare unike lundruese në SHBA.
Lamu, Kenia
Kur të vizitoni qytetin Lamu në ishullin me të njëjtin emër në Kenia, në vend të makinave, do t’ju presin gomarët. Sapo të shkelni në ishull, do ta kuptoni pse. Rrugët, pra shtigjet, janë të ngushta dhe gjarpëruese, gjë që e bën pothuajse të pamundur lëvizjen me makinë.
Guithorn, Holandë
Ky mund të jetë vendi më i lezetshëm që do të shihni ndonjëherë. Fshati është i mbushur me shtigje për ecje dhe çiklizëm, si dhe rrugë ujore. Në fakt, mënyra më e njohur për vizitorët për të parë shtëpitë shekullore të qytetit është të eksplorojnë kanalet me varkë.
Zermatt, Zvicër
Zermatt është një destinacion popullor udhëtimi, por ky qytet malor në Alpet zvicerane ende e merr seriozisht politikën e tij pa makina. Ata që duan të qëndrojnë në këmbët e Matterhorn – i famshëm për ski, ecje dhe ngjitje – duhet të udhëtojnë me tren, helikopter ose taksi, të cilat janë makinat e vetme të lejuara në rrugën për në Zermatt dhe mund t’ju çojnë në një hotel.
Hidra, Greqi
Jo shumë larg nga Athina është ishulli Hidra. Sapo të zbrisni nga taksia e ujit, do ta keni të vështirë të gjeni një makinë apo edhe një biçikletë në ishull. Në vend të kësaj, vizitorët udhëtojnë në këmbë ose me varkë në burimet natyrore dhe plazhet e veçuara të Hidrës.
Ishulli Cies, Spanjë
Imagjinoni të shtriheni në një plazh të pacenuar pa një mori turistësh. Ky është pikërisht realiteti në këtë arkipelag në brigjet e Galicisë. Ishulli është i aksesueshëm vetëm me varkë, nuk ka hotele dhe lejon vetëm 1800 vizitorë (plus 600 kampistë) në ditë
“Kievi i ka mohuar Putinit qëllimin kryesor”/ Blinken: Ukrainasit nuk janë vetëm, SHBA do të qëndrojë pranë
Sekretari amerikan i Shtetit, Antony Blinken ka realizuar një vizitë të papritur në Ukrainë në mes të një ofensive të re ruse, nga ku ka theksuar se ukrainasit “nuk janë vetëm”.
“Shtetet e Bashkuara kanë qenë pranë jush që nga dita e parë. Ne jemi me ju sot dhe do të qëndrojmë pranë jush”, pohoi ai.
“Ju i keni mohuar Putinit qëllimin kryesor, fshirjen e Ukrainës nga harta”, tha Sekretari amerikan i Shtetit.
Ai shtoi se Ukraina gjithashtu ia doli të ndalojë sulmin e Rusisë ndaj Kievit.
“Ne do t’ia vështirësojmë punën Rusisë që t’ju godasë”, tha Blinken, duke shtuar se “koha është element thelbësor”.
Aksident i rëndë në Florida, tetë të vdekur pas përplasjes së autobusit
Tetë persona kanë humbur jetën dhe po aq janë plagosur rëndë pasi një autobus që transportonte punëtorë të një ferme u përplas dhe u përmbys herët në mëngjes të martën në veri të Floridës.
Në aksident u përfshi një autobus që transportonte punëtorët e një ferme dhe një kamion.
Dy automjetet rrëshqitën ndërsa autobusi doli nga rruga përtej një gardhi dhe u përmbys.
Tetë persona mbetën të vdekur ndërsa 37 u shtruan në spital – tetë prej të cilëve janë plagosur rëndë
Patrulla e autostradës në Florida ka nisur hetimet gjersa nuk është e qartë se çfarë e shkaktoi përplasjen fillimisht të dy automjeteve.
“Kina po ndihmon Moskën për të vijuar luftën”/ Stoltenberg: NATO duhet të përfshihet edhe në Azi
Pekini po ndihmon Moskën në konfliktin e Ukrainës, ka pohuar Sekretari i Përgjithshëm i NATO-s, Jens Stoltenberg, duke argumentuar se blloku i udhëhequr nga SHBA duhet të përfshihet në Azi dhe jo vetëm në Atlantikun e Veriut.
“Lufta në Ukrainë tregon se siguria nuk është rajonale, siguria është globale”, tha Stoltenberg. Vendi kryesor që po i mundëson Rusisë të zhvillojë luftën e saj të agresionit kundër Ukrainës në Evropë, është Kina.
Stoltenberg vazhdoi të argumentonte se Kina është “partneri më i madh tregtar” i Rusisë, duke e furnizuar Moskën me “komponentë kritikë” për raketa, dronë dhe armë të tjera. Ai gjithashtu akuzoi Iranin për “ofrimin e dronëve” për Rusinë dhe Korenë e Veriut për “ofrimin e municioneve dhe armëve”.
“Irani, Koreja e Veriut dhe Kina, ato janë kyçe për aftësinë e Rusisë për të luftuar”, tha Stoltenberg. “Pra, kjo ide se ne mund të ndajmë Azinë nga Evropa nuk funksionon më.”
Kundë Rusisë/ Scholz u bën thirrje vendeve evropiane që të ofrojnë më shumë ndihmë për Kievin
Kancelari gjerman Olaf Scholz u bëri thirrje vendeve evropiane që të bëjnë më shumë për të mbështetur Ukrainën, duke thënë se ai shpresonte se do t’i siguronin Ukrainës “municion, artileri, tanke dhe mbrojtje ajrore, dhe mbi të gjitha sistemet e mbrojtjes ajrore Patriot”.
Duke folur në Stokholm, kancelari gjerman premtoi mbështetje për Ukrainën për aq kohë sa duhet. Ai gjithashtu shpjegoi se njoftimi i Gjermanisë në muajn prill për vendimin për të dërguar një sistem të tretë Patriot në Ukrainë nuk ishte një vendim i lehtë pasi Gjermania nuk ka shumë sisteme të saj të prodhuara në vend.
Blinken vizitë të paparalajmëruar në Kiev, Rusia bombardon Kharkivin
Sekretari amerikan i Shtetit, Antony Blinken, ka mbërritur në Ukrainë ndërsa armët nga një paketë e re ndihme amerikane kanë filluar të shkojnë në vijën e frontit. Kjo ishte një vizitë e paparalajmëruar, ndërsa Blinken mbërriti gjatë Natës në Kiev me një udhëtim me tren nga Polonia. Kjo është vizita e katërt e tij në Ukrainë që prej nisjes së luftës.
Blinken do të takohet me presidentin Volodymyr Zelensky, kryeministrin Denys Shmyhal, dhe ministrin e Jashtëm ukrainas, Dmytro Kuleba.
Sipas zëdhënësit të Departamentit amerikan të Shtetit, Matthew Miller, kryediplomati amerikan dhe udhëheqja ukrainase do të diskutojnë për “më të rejat nga fushëbeteja, për ndikimin e ndihmës së re amerikane në fushën e sigurisë dhe ekonomisë dhe për zotimet afatgjata për siguri dhe zotime të tjera”.
Vizita e Blinken vjen ndërsa ushtria ukrainase po përballet me sulme të ashpra nga Rusia, sidomos në rajonin e Kharkiv, i cili u sulmua mbrëmë. Ushtria e Ukrainës pranoi se Rusia “po arrinte sukses taktik” pasi filloi një sulm tokësor të premten që rezultoi në evakuimin e afro 6,000 njerëzve. Por presidenti Volodymyr Zelensky theksoi se Ukraina kishte dërguar përforcime dhe se një “kundërsulm” ishte duke u zhvilluar:
Blinken ka mbërritur në Kiev 3 javë pasi Kongresi amerikan miratoi ndihmën prej 61 miliardë dollarësh për Ukrainën.
Përpara mbërritjes së Blinken në Kiev, një zyrtar i lartë amerikan tha se armët e financuara nga Amerika që mbërrijnë tani në vijën e frontit përfshinin interceptorë të mbrojtjes ajrore, artileri dhe raketa me rreze të gjatë veprimi ATACMS.
“Ne kemi filluar tashmë të dërgojmë artileri dhe ATACMS me rreze të gjatë, si dhe sisteme të mbrojtjes ajrore që synojnë të përmbushin nevojat më urgjente”, tha zyrtari.
