Deputetja e PD, Jorida Tabaku, ka qenë e pranishme së bashku me një numër deputetësh nga parlamenti shqiptar në një konferencë mbi Mekanizmat e Mbikëqyrjes së Investimeve të Huaja në Shqipëri.  Ajo ka postuar në rrjetet sociale postimin dhe diskutimet në këtë konferencë ku i pranishëm ka qenë dhe Deleguari me Punë i SHBA David Wisner.

Gjatë fjalës së saj në konferencë deputejta Tabaku u shpreh se është e rëndësishme që Shqipëria të marrë masa parandaluese nga investimet në pikat kyçe prej bizneseve që vijnë nga vendet jo miqësore me Shqipërinë dhe që përbëjnë një kërcënim për NATO de jo vetëm. Tabaku u shpreh se është e nevojshme që Shqipëria të ketë një mënyrë dhe formë parandaluese për këto ndërhyrje duke nënvizuar rëndësinë e legjislacionit.

Si kryetare e Komisionit të Çështjeve Europiane, Tabaku u shpreh se do të shihte mundësinë se si mund të ndihmohej procesi parandalues. Ajo u shpreh se ka një mënyrë se si Shqipëria mund të operojë duke marrë shembullin më të mirë nga legjislacioni i BE dhe më tej dhe nga SHBA. Tabaku u shpreh se jo rrallë burimet kryesore të natyrës në vend apo portat hyrëse kanë qenë nën drejtimin e këtyre kompanive me origjinë nga vende të dyshimta për Shqipërinë dhe perëndimin.

Postimi i plotë i deputetes së PD, Jorida Tabaku:

Kënaqësi të isha pjesë e konferencës për Mekanizmin e Mbikqyrjes së Investimeve në të cilën pata mundësinë të diksutoja përpara Departamentit të Shtetit mbi Byronë dhe Çështjet Ekonomike në SHBA, charges d’affair të SHBA z. Ëisner dhe kolegë të parlamentit mbi rëndësinë e mjeteve dhe mënyrave për të ruajtur sigurinë tonë kombëtare nga sulmet dhe goditjet e furishme të vendeve armiqësore me ne.

Një nga mënyrat se si mund t’ia arrijmë kësaj është duke implementuar politika dhe forma të testuara në Bashkimin e Europian dhe SHBA për të hetuar me kujdes çdo propozim të huaj që na vjen në sektorët kyç të ekonomisë dhe pasurive tona kombëtare.

Na duhet të mbrojmë vendin tonë nga rreziqet e ndikemeve malinje të vendeve jo miqësore. Një Shqipëri e fortë do të thotë një rajon i fortë. Një Shqipëri e suksesshme do të thotë një shoqëri më pranë qëllimeve tona gjeostrategjike.

Kreu i Partisë së Lirisë Ilir Meta ka folur pas marrjes në pyetje nga SPAK.

Meta ka treguar për gazetarët së është pyetur në lidhje me njohjet me disa persona e me veprime të bashkëshortes së tij Monika Kryemadhi për blerjen dhe arredimin e vilës në Gjirin e Lalzit.

Ai tha se me ato punë merrej Kryemadhi, ndërsa ai në atë kohë merrej me politikë.

“Përveçse seanca e sotme ishte një turp i vërtetë të pyesësh Ilir Metën, a e njeh Albeto Rancini. Nga përgjimet del se të ka bërë dhuratë për ditëlindje te Gjiri i Lalëzit ‘Palma’. Alberto i Luleve i thash shkoni more shikojeni tamam. I ka sjellë lulet dhe i ka marrë pas 24 orësh. Si mund t’i thuash Ilri Metës a ke dhënë leje për kompleksin Lura në Gjirin e Lalëzit që i ka dhënë zhvillim gjithë vendit atje. A ka njeri që ka kërkuar leje për të ndërtuar fshatra turistik në atë kohë dhe nuk ka marrë leje. Shkoje në Gjirin e Lalëzit atë kohë dhe duhet të ikje me kalë se makina nuk shkonte.

Kur kam inauguruar kompleksin kam shkuar me helikopter se doje 4 orë të shkoje atje. Si mund t’i thuash Metës a e njeh Elenën që ka qenë punonjëse financash te LSI. Ta ka dhënë Elena ty 5000 dollarë në 2006. Mua Elena të më jepte kaq, që i keni në një numër llogarie bashkë me bashkëshorten tënde. U thash shkoni pyesni atë. Ke takuar ti Palmerin. Po sigurisht që e kam takuar. Të gjitha këto bëhen me një qëllim për të spostuar vëmendje nga skandalet e Edi Ramës.

Merren me historitë a ke diskutuar me Monikën për veprimet që ka bërë kjo me llogaritë, i thash që për çështje pronash llogari i ka bërë me mirëbesim Monika, unë jam marrë me politikë. Ky është degjenerim nuk është drejtësi”, tha Meta.

Kryetari i grupit Parlamenatr të Partise Demokratike të Rithemelimit Gazment Bardhi, debatoi ashpër me mazhorancën, në nënkomisionin “Për përzgjedhjen e kandidatëve për anëtarë të Këshillit të Lartë Gjyqësorë dhe Këshillit të Lartë të Prokurorisë nga radhët e Avokatëve”,  duke e cilësuar si proces të deformuar dhe me ndërhyrje të fortë politike.

Bardhi tha se e di gjithë Tirana, që Eris Hysi është njeri i Agaçit dhe është piketuar për kryetare e KLP”

“Keni deformuar procesin. Është ndërhyrë politikisht në proces nga Sekretari i Përgjithshëm i Kuvendit. Nuk mund të japim konsensus për një proces të deformur. Më thoni një rast kur keni dalë kundër raportit të Sekretarit  të Përgjithshëm. Asnjë rast, sepse ju e përdorni politikisht atë!

Ne konsesusin e japim vetëm mbi kushtetutë. Në qoftë se ju keni përcaktuar kush do të jetë kryetar i KLGJ apo Kryetar i KLP, ky është problem i juaj dhe ndërhyrje e juaj. Ne jemi me Kushtetutën dhe s’mund të pranojmë këtë ndërhyrje. E di gjithë Tirana,  që njerëzit e Ëngjëll Agaçit janë piketuar për kryetar të KLP”, tha Bardhi.

Kanë nisur lëvizjet e para në grupin e Lulzim Bashës pasi Gjykata e Apelit i dha vulën dhe logon e Partisë Demokratike Sali Berishës.

Deputetja e Partisë Demokratike në Fier, Eralda Tase Bano ka treguar përmes një postimi në rrjetet sociale se do të vazhdojë të jetë pjesë e PD zyrtare.

Bano shprehet se është e bindur se rruga më e mirë për të rikthyer shpresën në çdo vatër shqiptare është që të ketë një opozitë të formuar dhe të papërçarë.

POSTIMI I PLOTË: 

Të dashur qytetarë,

Lufta me veten është lufta më e vështirë dhe forma më sublime e rimëkëmbjes, luftë e cila është e domosdoshme dhe jetike. Kjo luftë do duhet të na forcojë e të na kthejë në modelin më të mirë të vetes.

Demokratë të nderuar,

Dëshiroj të shpreh përulësisht një mirënjohje të thellë për këdo që më ka mbështetur në këto vite!

Jam mirënjohëse ndaj miqve, kolegëve,simpatizantëve të mi dhe kujtdo që ka marrë guximin të më kritikojë. Jam e bindur që në ditë të vështira nevoja për të reflektuar mbi të ardhmen prevalon mbi çdo ideologji, bindje apo mendim.

Jam e vetëdijshme se rruga më e mirë për të rikthyer shpresën në çdo vatër shqiptare është që të kemi një opozitë të formuar, të papërçarë dhe të pathyeshme, sikundër jam e bindur që debati i brendshëm duhet të vazhdojë për të mirën e të gjithëve.

Vendimi im politik është i thjeshtë. Unë jam, dhe do të mbetem deputete e Partisë Demokratike të Shqipërisë.