Thellohet skandali Biden/ Gjenden të tjera dokumente sekrete

Ka më shumë presion mbi Joe Biden, pasi dokumente të tjera që përmbajnë materiale të klasifikuara u gjetën në një vend të dytë, të paspecifikuar, sipas mediave amerikane. Në fillim të kësaj jave, avokatët e presidentit Biden thanë se grupi i parë i dokumenteve ishte zbuluar në një zyrë në një nga qendrat e tij kërkimore në Uashington.

Sipas Shtëpisë së Bardhë, Presidenti nuk ishte në dijeni.

“Presidenti i merr seriozisht dokumentet dhe informacionet konfidenciale. Ai ishte i befasuar nga ato që u gjetën dhe nuk e di se çfarë përmbajnë,” shpjegoi zëdhënësja e Shtëpisë së Bardhë Karine Jean-Pierre në një konferencë shtypi.

Republikanët përfituan nga zbulimi për të vënë nën shqyrtim trajtimin e informacionit të ndjeshëm nga Biden. Zbulimet vijnë në kontekstin e hetimeve në vazhdim për sekuestrimin e diskutueshëm të dokumenteve të klasifikuara në shtëpinë e ish-presidentit Donald Trump në Mar-A-Lago, në Florida.