Erëza që forcon kujtesën dhe lufton stresin

Kanella, erëza aromatike popullore e përdorur në gatim mund të bëjë më shumë sesa thjesht të ‘zgjojë’ shijet tuaja. Një studim i ri zbulon se konsumimi i kanellës mund të ndihmojë në përmirësimin e kujtesës dhe të mësuarit, dhe gjithashtu mund të zvogëlojë disa simptoma të ankthit.

Hulumtimet e mëparshme kanë raportuar se kanella ka një efekt pozitiv në shëndet. Studimet kanë zbuluar se kanella ka veti anti-inflamatore, antioksiduese dhe antikancerogjene. Kjo erëz gjithashtu mund të ndihmojë në rritjen e funksionit të sistemit imunitar.

Tani, një ekip studiuesish nga Universiteti i Shkencave Mjekësore të Birjandit ka përfunduar një meta-analizë të punimeve të mëparshme kërkimore, duke raportuar se konsumimi i kanellës mund të ndihmojë në uljen ose parandalimin e humbjes së kujtesës dhe përmirësimin e të mësuarit.

Ndërsa studiuesit zbuluan se kanella dhe përbërësit e saj duket se kanë një efekt të dobishëm në njohjen dhe të mësuarit, ata thonë se duhet bërë më shumë kërkime. Ata shpresojnë se studimet e ardhshme do të fokusohen në ndikimin e kanellës në tru me synimin për të hetuar potencialin e saj për të ngadalësuar dëmtimin njohës dhe për të përmirësuar shëndetin e përgjithshëm të trurit.