REAGIM
Sonila Meço kërkon ku është akti: Për ju që na mbani pishtarin
Ku është akti në opozitarizmin e atyre që pretendojnë se mbajnë vulën e pishtarin?”.
Kështu titullohet një shkrim i Sonila Meços, e cila ka bërë një koment për situatën e opozitës.
Faktet thonë:
Njëlloj si pushteti i kalbur, ku zgjedhjet e votimet janë zëvendësuar me emërime, kur nuk votohet më për kryetar, ku ministrat e marrin vesh në transmetim live nëse janë emëruar a shkarkuar, ku kandidatët për Kuvend e Administrim Lokal i vendos kur e si i do midja vetëm kryetarit, ku forumet partiake janë dekor festiv a funebër për ”one man show” në varësi të ëndrrave të mëngjesit të liderit. Pa i hyrë kriminalizimit të çdo qelize shtetare. Qëndrojmë tek ajo se si opozitarizmi i vulës i qaset si shpresë për demokracinë e re shqiptarëve.
Opozitarizmi i vulës është i emëruar, i komanduar, i autorizuar, pa forume, vetëm i zgjedhur jo.
Opozitarizmi i vulës nuk dëshmoi vlera demokratike të dorëheqjes në rast humbjesh, dy palë zgjedhje të përgjithshme, dy palë lokale dhe një palë të pjesshme. Edhe një akt dorëheqjeje publike u krye me “anallim loje”, nuk u regjistrua në gjykatë.
Opozitarizmi i vulës nuk dëshmoi vlera demokratike të votës për vendime madhore, duke ia lënë në tagër kryetarit.
Opozitarizmi i vulës nuk dëshmoi vlera demokratike kur bashkëqeverisi me regjimin, që denonconte edhe me Çadrën e Lirisë. Dhe ia dha pa transparencë ndaj forumeve dhe anëtarësisë marrëveshjet në tavolinë “regjimit” edhe në 17 Maj 2017 edhe në 5 qershor 2020.
Opozitarizmi i vulës, që i kujton me përbuzje një pjese tjetër opozitarizmi se solli në pushtet regjimin, harron se bashkëqeverisi me regjimin në periudhën më vendimtare, që i siguroi këtij të fundit lehtësinë për të bërë çdo manovër teknike, politike, juridike, ligjore e jo ligjore për të shfrytëzuar zeitnot-in (pamundësinë e kohës) duke fituar zgjedhjet në 2017-ën edhe pse i dërrmuar pas një beteje disa mujore të suksesshme të opozitës në shesh.
Opozitarizmi i vulës i përdori votat e çdo “qelbësire” (siç i cilëson sot) në 25 Prill. Njohu zgjedhjet më të sakatuara, me patronazhistë, shkelje marrëveshjesh me arbitër ndërkombëtar, ndryshime antikushtetuese të vetë kushtetutës me prekjen e rregullave të lojës para zgjedhjeve, me përdorimin flagrant të burimeve publike, me faktet skandaloze të përdorimit të kartave të identitetit, listave zgjedhore dhe blerjes së votave, të veshura me gjak në mes të Elbasanit, përgjimet skandaloze e flagrante të zyrtarëve publikë për “tërmete”, “ma nalt” me eksponentë të krimit, zyrtarëve shtetërorë, policë, arsimtarë. Dhe e la në mes denoncimin pas masakrës zgjedhore të 25 prillit, sepse e keqja më e madhe nuk qe pushteti i vjedhur, por ish kryetari i vet.
Ndoshta…por a e luftoi pushtetin siç luftoi “non grata”-n?
Opozitarizmi i vulës bashkoi votat me maxhorancën e “regjimit” për shumë ligje të propozuara nga Rilindja, zgjatje mandatesh vetting-u, u përdor për zgjedhjen e Presidentit, lejoi të dëmtohet lustracioni. Kartonat u bashkuan me shumë propozime të tjera të “regjimit”.
Opozitarizmi i vulës u konsumua me betejën brenda vetes, sepse edhe përjashtimet nga grupi parlamentar i bëri me vendim kryetari, se nuk iu drejtua bazës, anëtarësisë kur i plasi në derë “non grata”. Jashtë çdo logjike e parimi demokratik vendimi për përjashtimin u mor nga një njeri i vetëm, duke i vënë kësisoj kyçin dhe bravën kupolës ndaj bazës. Pa asnjë transparencë, pa ia kaluar forumeve dhe pa iu nënshtruar një referendumi, partia iu nënshtrua ndarjes me kokfortësi.
Opozitarizmi i vulës u izolua, deputetët humbën kontaktin me zgjedhësit, nuk zbritën kurrë në bazë të ahpjegonin vendimet e tyre, të jepnin llogari ndaj votuesit të tyre. Asnjë gjasë demokratike përballë regjimit antidemokratik.
Opozitarizmi i vulës kërkoi legjitimimin tek ambasadat dhe nevoja e maxhorancës për ta goditur fatalisht PD-në një herë e mirë. Nuk respektoi asnjë kriter demokratik, asnjë formë legjitimimi prej bazës, asgjësoi përfaqësimin, zhbëri përfshirjen, grisi statutin, blindoi selinë, u përlesh me të vetët.
Opozitarizmi i vulës u tkurr në pak njerëz, me kryetar të dorëhequr “me gjasme”, që braktisi betejën në kuvend, kundërshtimin e ligjeve antikushtetues, denoncimin e aferave dhe skandaleve deri në kufij Atlantiku dhe u shfaq vetëm dy muaj para zgjedhjeve lokale për të marrë “çertifikatën” e kryetarit zyrtar, por të dorëhequr, në një parti me kryetar nënkryetarin e autorizuar, që KQZ nuk e njeh, por ia proftas KAS-i (o Zot ç’paradoks!)
Bjerini Opozitarizmit të Foltores, megjithëse bëri zgjedhje, referendum, primare, proces të plotë gjyqësor, kundërshtoi ligje, denoncoi afera, kërkoi interpelanca e mocione me debat, doli me rezultat trefish më të lartë në zgjedhjet e pjesshme se opozitarizmi i vulës, hyri në proces megjithëse shteti u vesh me mantelin monist e autokratik më keq se në 2019-ën, vijoi protestat (mirë a keq, me a pa rezultat), mblodhi mijra njerëz, riktheu dialektikën në debatin politik…
Po, me imazh të vjetër, “non grata”, të konsumuar pushteti, si të doni cilësojeni Foltoren, Rithemelimin, hiqjani çdo atribut, quajeni Bermudë a Barrakudë po deshët. Ama më shpjegoni opozitarizmin “zyrtar” çertifikuar institucionesh të kapura maxhorance, drejtësie të shantazhuar, shkelje syri ambasadorësh, pa forume, pa zgjedhje, me talljen e atij burrit edhe më të fortë se ç’qe kur u mbyllët me të si Çeçoja gjeri ndaj të gdhirë 6 vjet më parë, sot me vetëm 57 ditë në dispozicion dhe vetëdijen e plotë se vajtja kësisoj në zgjedhje është dënimi më i rëndë për Shqipërinë shqyer e bërë copë prej pushteti absolut ngulfatur korrupsioni e krimi të organizuar.
OPINION
‘Kryeministri i shikon vartësit si minj’/ Reagim i fortë nga Endi Tafani
OPINION
“Fajet” e Albinit, si shërbeu Shqipëria për përkëdheljen e Serbisë
Nga Enton Abilekaj
Nuk është e lehtë të kuptohet çfarë ndodh brenda dhomës ku Albin Kurti ulet me orë të tëra përballë Aleksandar Vuçiç. Jo për herë të parë, pjesëmarrësit pas takimit jepnin informacione kundërshtuese, por për herë të parë, Kryeministri i Kosovës, u quajt fajtor edhe nga përfaqësuesi i lartë i BE, Borrell dhe nga lehtësuesi i bisedimeve, Lajçak. Për herë të parë Vuçiç u paraqit kontruktiv dhe vullnetmirë, ndërsa Kurti, ishte i detyruar të replikonte edhe me Lajçak, duke mos e njohur më si palë të tretë, të paanshme.
Një herë e parë jo e papritur. Që nga takimi i parë, kur Vuçiç u shokua nga 5 pikat e Kurtit, ekuilibrat kanë ndryshuar ndjeshëm. Konflikti në Veriun e Kosovës dhe qëndrimi i Përëndimit në favor të Serbisë që dërgoi banditët për të rrethuar komunat, ishte një këmbanë konfirmimi, për të gjithë ata që kishin filluar të dyshonin se përkëdhelja deri në joshje që po i bëhej Serbisë, mund ta sakrifikojë edhe Kosovën. Se ndryshimi i ekuilibrave perëndimore nuk mund të fshihet më kur ka ndryshuar kahje. Replikat e Kurtit me Blinken apo Osmanit me Macron, janë vetëm episode groteske të një përplasjeje krejt të pabarabartë, që konfirmojnë se Kosova është tashmë pa plan, pa aleatë, në një betejë vendimtare.
Nuk dihet sa është përgjegjësia e Kurtit në këtë ndryshim të qëndrimeve perëndimore, por është e vështirë të besohet se sjellja e tij do të përcaktonte strategjinë e Perëndimit në Ballkan. Me kokëfortësinë e tij të vënë në dukje edhe nga liderët perëndimorë, ka tërhequr vëmendjen, ka acaruar nervat dhe ka ndërprerë një projekt, të paktën përkohësisht, por nuk mund të përmbyste kurrsesi një strategji të hartuar në kushtet e rikompozimit të Botës dhe rireshtimit të fuqive të mëdha, që po reflektohet në luftën e Ukrainës.
Serbia që e ka patur gjithmonë statusin e një trupi europian me kokën në Moskë, për herë të parë që nga ekzistenca, po trajtohet si një shtet sovran, si një trup që mund të braktisë kokën, ose ta ndërrojë me një tjetër në Bruksel. Në këtë përpjekje më shumë se të guximshme të Perëndimit, për fat të keq ka ndihmuar edhe Shqipëria.
Që në fillimin e kësaj ideje, Tirana zyrtare, i ka dhënë statusin e një shteti paqësor, sovran dhe europian Serbisë. Takimet e shpeshta me Vuçiçin, më pas projekti për shkëmbimin e territoreve, pastaj iniciativa e Novi Sadit që u shndërrua në Ballkan i Hapur, i dha Vuçiçit statusin e njeriut paqësor, që ndan vlera perëndimore dhe mund të jetë i pavarur nga Putini dhe Beogradi mund të jetë qendra politike e Ballkanit Perëndimor, me kushtin që Tirana të ishte e dyta.
Përveç kësaj, me Ballkanin e Hapur, por edhe më parë me politikat e hapjes ekonomike, Shqipëria i siguroi Serbisë një treg shqiptar për të çliruar energjinë e investimeve të huaja përfshirë Ruset dhe Kinezet në miliarda dollarë. Kështu, flirtimi i hapur i Serbisë me Rusinë dhe Kinën, në vend ta izolonte, e shndërroi Beogradin në qendrën ekonomike të Ballkanit Perëndimor.
Me statusin e qendrës politike dhe ekonomike të Rajonit, Serbia mund të negocionte me Perëndimin më shumë se të dyja shtetet shqiptare. Ky nuk ishte avantazhi i vetëm strategjik që Edi Rama i fali Vuçiçit. Përveç fuqizimit të Serbisë, i dhuroi edhe përçarjen e shqiptarëve. Ai e izoloi Ramush Haradinajn në Berlin, pastaj Thaçin dhe Hotin për Ballkanin e Hapur, deri te konfikti me Albin Kurtin që u shpalos qartë pikërisht në momentin kur Kosovës i duhej më shumë Shqipëria.
Konflikti në Veri e gjeti Kosovën më të vetmuar se kurrë, pasi Edi Rama anuloi mbledhjen e përbashkët të dy qeverive në Gjakovë, duke shënuar sanksionimin e parë të Kosovës.
Sot, kur konstatohet me dëshpërim kapërcimi spektakolar i Perëndimit nga Kosova te Serbia, nuk mund të lihet pa u thënë se një dorë e ka dhënë Shqipëria, të paktën në 8 vitet e fundit, kur ideja e rehabilitimit filloi të hidhej në tregun ndërkombëtar.
Ashtu si tha në Bruksel që nuk duhet bërë presion ndaj Serbisë për t’ i vënë sanksione Rusisë, ashtu si bëri në kulmin e krizës duke sanksionuar Kosovën dhë në analizën e fundit përpara nisjes për në New York, ku shprehu qëndrimin neutral të Shqipërisë dhe paqartësinë e pafajshme të Serbisë, Edi Rama ka ndihmuar, me aq sa ka patur fuqi, që gradualisht të shkohej aty ku jemi sot.
E vetmja mundësi që i ka mbetur Kosovës së vetmuar, është të rezistojë derisa të mos jetë më e njëjta situatë. Të paktën derisa Kosova ta ketë Shqipërinë në krah.
OPINION
Dhuna e fisit Rraja me shkopa bejsbolli/ Dervishi ironizon: Ishte thjesht film
Prokuroria e Tiranës ka lehtësuar akuzën për grupin e fisit Rraja që rrahu me shkopa bejsbolli dy persona, nga “plagosje e rëndë me dashje, në bashkëpunim në “plagosje të lehtë me dashje”.
Në fakt edhe kështu duket se po i bien në qafë personave me “shkopa bejsbolli”, prokurorët e kanë patur kohën e mjaftueshme, sepse çudia më e madhe zgjat vetëm tri ditë! Prokurorët mund të thonin se ishte “keqkuptim” ose ishte një film, me saktë një “skenë filmi”.
Nuk ka patur nevojë prokuroria të priste disa muaj për të administruar ”provat” për të arritur në këtë konkluzion provat janë sheshit dhe i kanë parë të gjithë me përjashtim të prokurorëve sylesh.
E gjitha ka qenë një keqkuptim. Personat me shkopa bejsbolli po luanin film. E xhiruan vetë skenën (provohet lehtësisht kamera, regjia) madje jo vetëm e xhiruan, por edhe e publikuan.
Nëntë persona me shkopa bejsbolli thjesht kanë shkuar për të xhiruar një film, dhe si në çdo film ajo që duket si “rrahje brutale” në fakt është aktrim i klasit të lartë.
Sikundër e panë të gjithë aty kishte edhe një pistoletë, edhe një shkop gome krahas “shkopave të bejsbollit”, u dëgjuan edhe thirrje “vrite, vrite”, ulërima dhe rënkime. Të gjitha këto janë prova të qarta se ka qenë film, ndryshe mos o Zot nuk mund të fyhen kaq shumë 9 burra të armatosur me armë dhe hunj dhe t’u thuhet se keni kryer “plagosje të lehtë”?! Eshtë turp. Njeriu për një burrëri jeton. Vetë te akuzuarit nuk duhet ta pranojnë këtë turp.
Tani që sipas prokurorëve gjenial, kemi të bëjmë me një “plagosje të lehtë”,
a duhet t’i kthehet mandati deputetit Rrahaj?
A duhet të reflektojë kryeministri Rama dhe të kthejë në detyrë ministrin e Brendshëm Çuçi?
A duhet të kthehen në punë policët e përjashtuar, oficerët e policisë të transferuar për një “plagosje të lehtë”?
Po tre personat e shpallur në kërkim a do t’i kërkoj kush falje?
Po media a duhet të kërkojë falje për raportimin?
Po lajmet për nisjen e hetimit ndaj guroreve a duhen përgėnjeshtrua sot?
P.S. Të ndaluarit për këtë ngjarje janë thjesht njerëz të pafat. Nëse viktima e tyre do të ishte ndonjë prokuror, pra prokurori të provonte në kurriz “shkopat e bejzbollit, shkelmat dhe qytën e pistoletës”, atëherë çështja do të zgjidhej me burrni dhe nuk do të ndodhte gjithë ajo tollovi që mori kokën e ministrit të Brendshëm dhe fytyrën e kryeministrit.
P.S. 2. A e dinë prokurorët kaqolë se çfarë është terrori dhe akti terrorist? Është ushtrimi i dhunës si mjet për të perhapur panik dhe frikë…
Aktualitet
E veshur me bikini dhe e mbuluar me çokollatë, imazhi i gruas në restorantin italian shkakton reagime të forta
Një grua me bikini qëndron e shtrirë mbi tavolinë, me trupin e mbuluar me çokollatë.
Kjo ishte panorama që u ofrohej pushuesve në një resort luksoz në Golfo Aranci në Sassari të Italisë. Një turist që kishte zgjedhur këtë resort postoi foton në profilin e tij në Linkedin në 15 gusht, ku i indinjuar thotë se “trupi femëror është shfaqet si objekt”.
Të menjëhershme kanë qenë reagimin në rrjet, teksa njerëzit kritikojnë zgjedhjen e resortit.
“Mbeta pa fjalë duke parë këtë skenë, në tavolinë një vajzë ‘me kostum çokollateje”, e shtrirë mes ëmbëlsirave”, shkruan sipërmarrësi nga Lombardia.
“Si është e mundur që të lejohen sjellje të tilla, ku trupi i një gruaje, i një punëtoreje, barazohet me atë të një enë për të kënaqur syrin djallëzor të dikujt”, shton ai.
Pas postimit të biznesmenit, erdhi reagimi i hotelit, ku kërkon ndjesë dhe shkruan se “jemi të përkushtuar për të ruajtur vlerat e përbashkëta”.
“Kemi lexuar me shumë vëmendje postimin që keni publikuar në lidhje me episodin fatkeq të ndodhur në resortin tonë gjatë mbrëmjes së 15 gushtit. I kërkojmë ndjesën më të sinqertë familjes vajzës dhe të gjithë klientëve. Duam të theksojmë se çdo ditë jemi të përkushtuar për të praktikuar vlerat e deklaruara, ndër të cilat si prioritet është respekti për bashkëpunëtorët dhe mysafirët tanë. Na vjen keq për incidentin dhe dëshirojmë të ritheksojmë me vendosmëri se kurrë nuk kemi pasur qëllim të përfaqësojmë vlera të tjera përveç atyre që përqafojmë me vendosmëri. Ne do të vazhdojmë të punojmë që situata të tilla të mos përsëriten në të ardhmen”, shkruhet në reagimin e hotelit./topchannel
OPINION
Turistët italianë ikën pa paguar/ Dervishi: Pjepri e ka bishtin prapa
-
Rajon5 hours ago
Krim i rëndë në familje/ Vëllai vret vëllanë dhe kunatën më pas plagos dhe veten
-
Pinknews8 hours ago
Prekëse/ Ish banorja e “BBV” humb babain: Gjysma e shpirtit tim u shua
-
Pinknews7 hours ago
“Nuk e fsheh dot më gjatë”/ Çfarë po paralajmëron Juli pak para “Prime-t” të sotëm?
-
Pinknews9 hours ago
‘Arrita deri këtu përballë njerëzve me peshë’/ Heidi Baçi flet me konkurrentët e “BBV”
-
Politike9 hours ago
Kërkojnë largimin e gjyqtares Gjoka/ Gjokutaj: Nëse nuk jep dorëheqjen brenda tre ditësh…
-
Kronike7 hours ago
“I dogji rrobat Almës…”/ Gazetarja zbulon detaje nga tragjedia: Erdgysi i dërgoi një mesazh kunatës…
-
Aktualitet9 hours ago
Duke pirë “Xanax” dhe pa ndjenja në ambulancë, del VIDEO e dy eskortave që vdiqën në Tiranë
-
Kronike4 hours ago
Aksident në Rrugën e Kombit, plagosen 3 anëtarët e familjes