Dorëhiqu/ Limaj: Marrëveshja e Ohrit s’ka njohje dhe ka Zajednicë

Kryetari i Nismës Socialdemokrate në Kosovë, Fatmir Limaj, ka kërkuar nga kryeministri i Kosovës, Albin Kurti që të jap dorëheqje, për arsye se ka pranuar një plan europian që s’ka njohje brenda dhe përmban Zajednicën.

”Saktësisht katër ditë pa mbushur dy vite prej kur mori drejtimin e qeverisë, Albin Kurti do të mbahet mend dhe eshte përgjegjës për dyfishimin e barrës së obligimeve të shtetit të Kosovës. Ujdia e arritur në Ohër është rezultat i politikave mashtruese e populiste dy vjeçare të tij. Për më tepër, kjo marrëveshje është edhe ndëshkim për qasjen e tij për këtë proces“, ka thënë Limaj.

”Nga marrëveshje për njohje reciproke, Kosova përfundoi në marrëveshje pa njohje dhe me “Zajednicë”, brenda. Kurti ka shkelur Kushtetutën e vendit dhe duhet të dorëhiqet menjëherë“, përfundon deklarata e kreut të ‘Nisma’.