Pergjaken rrugët, një tjetër viktimë nga aksidenti

Një aksident i rëndë është shënuar mbrëmjen e sotme në aksin rrugor Milot-Rrubik. 63 vjeçari Pjetër Nikolli ka përplasur për vdekje një 43 vjeçar. Viktima është identifikuar si Mark Lleshi.

Njoftimi i policisë:

Rreth orës 21:00, në aksin rrugor Milot-Rrubik, shtetasi P. N. 63 vjeç, banues në Rrëshen, duke drejtuar automjetin e tij tip “Benz”, ka aksidentuar shtetasin M. Ll. 43 vjeç, banues në Fan, Mirditë, këmbësor, i cili për pasojë ka ndërruar jetë.

Drejtuesi i mjetit është shoqëruar në ambientet e policisë për veprime të mëtejshme procedurale ndërsa grupi hetimor vazhdon veprimet hetimore në vendin e ngjarjes për zbardhjen e plotë të rrethanave të aksidentit.