Rolandi vrau kunatën dhe më pas veten (Detaje)

Mëngjesin e sotëm në Shkozë të Tiranës, një 43-vjeçar vrau kunatën e tij me armë zjarri, dhe më pas veten. Ngjarja ndodhi rreth orës 04:00 të mëngjesit, brenda banesës ku jetonin viktimat.

Në momentin e ngjarjes, prindërit e Rolandit kanë qënë në gjumë, ndërsa bashkëshorti i Migenës ishte në punë, pasi punon si taksist.

Roland Sinani dyshohet se ishte me probleme të shëndetit mendor pasi merrte mjekime, ndërsa ishte i pa martuar.

Migena Sinani nuk i ka mbijetuar dot plagëve dhe për pasojë ka ndërruar jetë në vendin e ngjarjes.

…

Vrasje e dyfishtë në Shkozë. Personi me inicialet R.S, 43-vjeç ka vrarë me armë zjarri gruan e vëllait të tij, 37-vjeçaren me inicialet M.S. Pas krimit, autori i dha fund jetës së tij. Motivet e kësaj vrasje mbeten ende mister, ashtu sikurse identitetet e personave.

Në cilësinë e provës materiale është sekuestruar arma e zjarrit pistoletë.

Grupi hetimor ndodhet në vendngjarje dhe vijon veprimet me qëllim zbardhjen e rrethanave dhe dokumentimin ligjor të ngjarjes.

NJOFTIMI I POLICISË:

Rreth orës 04:00 të mëngjesit, në Shkozë, në banesë, shtetasi R. S., 43 vjeç, në rrethana ende të paqarta dyshohet se ka vrarë me armë zjarri kunatën (nusen e vëllait) shtetasen M. S., rreth 37 vjeçe dhe më pas ka vrarë veten.

Në cilësinë e provës materiale është sekuestruar arma e zjarrit pistoletë.

Grupi hetimor ndodhet në vendngjarje dhe vijon veprimet me qëllim zbardhjen e rrethanave dhe dokumentimin ligjor të ngjarjes.