Lifestyle

Si të thani mollët në kushtet e shtëpisë

Tradita e mollëve të thata është e hershme në kulinarinë shqiptare veçanërisht në zonat e Korçës e Dibrës

Përgatitja e mollëve të thata në formë rrethore është një proces i lehtë dhe shpërblyes.

Mjafton të qëroni dhe të prisni mollët, t’i spërkatni me kanellë dhe t’i piqni në furrë me zjarr të ngadaltë për disa orë.

Tradita e mollëve të thata është e hershme në kulinarinë shqiptare veçanërisht në zonat e Korçës, Dibrës por edhe në zona me prodhim të lartë të mollëve.

Lexoni më poshtë këshillat e AgroWeb.org mbi përgatitjen e mollëve të thata.

Përbërësit:

5 Mollë
¼ e filxhanit me lëng limoni
1 lugë gjelle me kanellë

Udhëzimet

Lajini dhe qërojini mollët. Nëse dëshironi mund t’i lini me lëkurë.

Pritini në feta të holla dhe në mënyrë të rregullt. Lëngun e limonit mund ta hidhni në 250 ml ujë dhe t’i vendosni mollët aty që të parandaloni nxirjen e tyre. Më pas, hiqini nga lëngu dhe thajini me letër kuzhine.

Spërkatini mollët me kanellë pluhur dhe vendosini në mënyrë të rregullt në furrë. Temperatura duhet të jetë 65°C – 80°C.

Herë pas here hapeni furrën që të lejoni qarkullimin e ajrit dhe daljen e lagështisë.

Mollët duhet të piqen për 5 deri në 8 orë, ndonëse koha e përshtatshme varion nga nivelet e lagështisë, furra e përdorur, lloji i mollës, prerja e fetave etj.

Që fetët të konsiderohen të pjekura, ato duhet të jenë të thata tërësisht dhe nuk duhet të ngjiten.

Këputeni një fetë në gjysmë që të shikoni nga afër lagështirën e mbetur. Një fetë e pjekur duhet të ngjajë me një sfungjer të thatë.

Pasi i keni nxjerrë nga furra, lërini të ftohen për disa orë dhe më pas futini në një enë të izoluar mirë.

Ruajini në një vend të errët, të thatë e të freskët për disa muaj nëse nuk dëshironi t’i konsumoni menjëherë.

Nëse ndiheni të pasigurt në lidhje me tharjen e tyre, futini tek ngrirja në frigorifer.

Ndonjëherë ndodh që ushqimi thahet shpejt në pjesën e jashtme por në brendësi vazhdon të mbetet lagështia.

Rrjedhimisht për tharjen e një produkti rekomandohet një temperaturë e ulët.

Megjithatë, nëse planifikoni t’i hani mollët menjëherë, atëherë mund të zgjidhni edhe temperaturën e lartë.

Feta të thata të agrumeve:

Mënyra më e lehtë për t’i dhënë shije ujit dhe çajit. Prisni hollë fetat e portokallit, limonit ose agrumeve të tjera dhe thajini në furrë me temperaturë të ulët. Përdorini në ujë, çaj ose pije të tjera. Përveç shijes, paraqitja e tyre është mjaft e këndshme.

Domate të pjekura në furrë:

Pjekja e ngadaltë e domateve në temperaturë të ulët zgjat disa orë, por ato domate të thara ju mund t’i ruani në zonën e ngrirjes dhe t’i përdorni gjatë gjithë vitit. Klikoni këtu për të mësuar mbi tharjen e domateve.

Related Topics:lifestyle molle molle te tharra ORGANIZMI pergatitje shendeti

Lifestyle

Ja 3 arsye pse disa njerëz refuzojnë të bien në dashuri

Të biesh në dashuri mund të jetë një nga gjërat më emocionuese dhe më përmbushëse që mund t’i ndodhë dikujt. Por, për të arritur këtë destinacion ka shumë “gracka” rrugës që herë janë të paparashikuara dhe herë duhen shmangur për të mbërritur në synimin final, pra emocionet dhe zemrën e dashuruar me një partner/e.

Por, disa syresh thjesht refuzojnë të bien në dashuri dhe për këtë zgjedhje ka disa arsye që qëndrojnë pas.

1. Jeni shumë të fokusuar te pavarësia

Njerëzit e pavarur janë të fortë, ata e dinë se çfarë duan dhe dinë si ta arrijnë atë. Por, sado e bukur të duket liria si personale, financiare apo edhe ajo ndjenjave, sërish vetmia është një mallkim i fshehur. Ata që përkushtohen te pavarësia kanë shumë frikë të jenë “të varur” edhe për gjërat më bazike në jetë, ndaj heqin dorë nga ideja e të qenit çift.

2. Keni frikë të përfshini persona të tjerë në gjërat që i keni arritur vetë

Kur je i/e suksesshme, pse duhet një person tjetër për t’u mbështetur? Ju keni punuar shumë për të pasur jetën që keni ndërtuar për veten tuaj sot. Por, shkaku i vërtetë i statusit beqar është frika për të pasur në shtëpi dikë që do e adhuroni dhe do zaptojë hapësirat për të cilat ju vetë keni investuar ide, para, energji etj.

3. Ju pëlqen të jeni vetëm

Ndoshta, jeni ai tipi i personit që ju pëlqen koha me veten tuaj, pini kafenë në qetësi absolute dhe kjo është zona juaj tipike e sigurisë. Por, të flasësh vetëm për veten dhe të rrish vetëm me veten shpesh sjellë një ndjenjë izolimi. Koha për ju është gjithçka, ndaj nuk lejoni dikë tjetër që ta “pushtojë”./anabrl

Lifestyle

13 ushqimet që s’duhen ruajtur në frigorifer

Të gjithë e ruajmë ushqimin në frigorifer, por jo çdo ushqim është i përshtatshëm për t’u ruajtur në temperatura të ulta. Ka raste që i ftohti përshpejton shpërbërjen ose ndryshon shijen origjinale. Është e vërtetë se shumë produkte ushqimore duhet të ruhen në frigorifer, ndërsa ka disa ushqime të veçanta që kurrë nuk duhet të qëndrojnë në të ftohtë. Më poshtë po ju prezantojmë me një listë produktesh që nuk e “duan” ambientin e ftohtë.

Borziloku
Borziloku nuk mund të ruhet në frigorifer, sepse temperaturat e ftohta e bëjnë të thahet shpejt. Ai gjithashtu ka tendencën të thithë aromat e ushqimeve të tjera në frigorifer.

Domatet
Në qoftë se ruhen në frigorifer, domatet humbasin shijen. I ftohtii i pengon ato të piqen.

Patatet
Patatet përkeqësohen në temperatura të ulëta. I ftohti i bën ato më të pudrosura me miell; niseshteja kthehet në sheqer dhe shija e tyre ndryshon.

Buka
Buka është një nga ushqimet që shumë njerëz e mbajnë në frigorifer dhe ky është një gabim i madh. Me temperaturat e ulëta, buka “plaket” para kohe dhe humbet shije.

Frutat ekzotike
Përderisa bëhet fjalë për fruta që bëhen në klimë të ngrohtë, temperaturat e ulta të frigoriferit nuk bëjnë për to. Ananasi, avokado dhe banania nuk duhet të ruhen në frigorifer, pasi në këtë mënyrë ato dekompozohen.

Qepa dhe hudhra
Qepa dhe hudhra forcohen në frigorifer. I mbani ato në një vend të errët, të ftohtë dhe të thatë.

Pjeshka
Në më pak se 10 gradë pjeshka humb shijen dhe vetitë. Është e preferueshme të mbahet në temperaturë dhome.

Mjalti
Një tjetër gabim është të mbani mjaltin në frigorifer. Mjalti, në sajë të përbërësve dhe pH të tij, ruhet më mirë dhe më gjatë jashtë. Kur ruhet në frigorifer, priret te kristalizohet dhe të humbasë shumë nga vetitë e tij.

Vaji i ullirit
Vaji i ullirit, nëqoftëse ruhet në frigorifer, kondensohet dhe trashet, duke u bërë si gjalpë. Për më tepër, ai humbet shijen e tij origjinale. Ruajeni vajin e ullirit në një vend të ftohtë, larg nga drita.

Çokollata
Kur çokollata futet në frigorifer, në sipërfaqen e saj formohet një shtresë e bardhë, e cila i ndryshon shijen. Kafeja në frigorifer preket nga i njëjti ndryshim me atë të çokollatës.

Drithërat, makaronat, mielli dhe sheqeri
Drithërat, makaronat, mielli, sheqeri dhe ushqime të këtij lloji janë bërë për t’u ruajtur në temperaturë dhome. Nëqoftëse ju i mbani ato në temperatura të ulëta, ata do të humbasin vetitë e tyre, vitaminat, shijen dhe cilësinë.

Disa lloje të proshutës
Ka lloje të ndryshme të proshutave që në frigorifer humbasin shijen e “veçantë” që i dallon ato. Edhe pse kanë karakteristika të ngjashme me mishin, duhet të ruhen në temperaturë dhome.

Lifestyle

Disa arsye pse meshkujt tradhtojnë

1. Nuk ndihen më sikur janë në në lidhje

Arsyeja kryesore përse meshkujt tradhtojnë është sepse emocionalisht, ndihen të shkëputur nga lidhja, ose të paktën në aspektin seksual. Ata mund të kenë humbur interesin në tërësi ose mund të jenë mërzitur me seksin monoton.

2. Iu dha një mundësi dhe e shfrytëzoi

Mund të jetë një kolege, një shoqe klase ose edhe një e panjohur në një lokal. Entuziazmi i diçkaje të re mund ta bëjë atë të ndihet si i dëshiruar sërish.

3. Ai po vuan nga një pështjellim ndjenjash

Meshkujt mund të tradhtojnë edhe kur ndodhen në një kaos emocional, pas një sherri me partneren ose diçka të ngjashme. Meshkuj të ndryshëm i përballojnë situata të tilla duke konsumuar alkool, drogë-ra të ndryshme ose seks të ndaluar. Ata mund të provojnë gjithçka për të larguar dhembjen dhe seksi funksionon më së miri.

Lifestyle

Nëse i mbani vezët te dera e frigoriferit, po bëni gabim! Eksperti tregon vendi e duhur për to

Të gjithë e dinë se për t’i mbajtur vezët të freskëta, nuk duhen lënë jashtë frigoriferit. Eksperti i ushqimit Chris Bwaslwy thotë se ndërsa shumica e frigoriferëve kanë një vend për vezë dhe kuti të dizajnuara posaçërisht në derë, ku nuk është domosdoshmërit vendi më i mirë për ta.

Edhe pse mund të tingëllojë e çuditshme, arsyeja e tij ka kuptim. Dera është vendi më i ngrohtë dhe ku temperatura ndryshon vazhdimisht për shkak të hapjes dhe mbylljes. Kjo është arsyeja pse, si të gjitha ushqimet që prishen, është më e sigurt t’i vendosni në raftin e sipërm, që është më i ftohti.

Gjithashtu ai këshillon që vezët të mos i nxirrni nga kutia e kartonit në të cilën janë blerë. Lëvozhga e vezës është e mbuluar më mijëra pore të vogla që thithin aromat dhe bakteret e padëshiruara. “Mbajtja e vezëve nëkuti është mënyra më e mirë për të parandaluar që bakteret të përfundojnë në to”, tha eksperti.

Përndryshe, vezët që ruhen siç duhet në frigorifer ruajnë cilësinë dhe freskinë e tyre për të paktën dy herë më shumë se ato të lëna në temperaturën e dhomës. Më pas ato duhet të hahen brenda një deri në tre javë, ndërsa mund të qëndrojnë deri në gjashtë javë në frigorifer.

Lifestyle

Për çfarë fëmijët tuaj nuk do t’ju falin kurrë, shmangni këto gjëra

A keni menduar ndonjëherë se cilat nga lëvizjet tuaja mund të jenë veçanërisht të vështira për fëmijët tuaj? Edhe pse prindërit bëjnë shumë gjëra pa dashje, ata vërtet lënë gjurmë tek të vegjlit.

Gjegjësisht, psikologët besojnë se dy gjëra mund t’i lëndojnë aq shumë fëmijët, saqë do t’i mbajnë mend gjatë gjithë jetës. Në radhë të parë janë premtimet e paplotësuara.

Shumë prindër u premtojnë fëmijëve të tyre çmime nëse kryejnë me sukses një detyrë shkollore dhe të ngjashme. Megjithatë, kur përmbushin atë që u kërkohet, në vend të një shpërblimi, të rriturit u vendosin një sfidë të re.

Mund t’ju duket e padëmshme, por nëse i premtoni vazhdimisht një fëmije diçka që nuk e përmbushni, ai do të humbasë besimin tek ju, sepse e keni zhgënjyer. Kur të rriten, nuk do t’ju tregojnë për gjëra serioze që ndodhin në jetën e tyre, sepse nuk ju besojnë.

Në vend të dytë është mosrespektimi. Prindërit shpesh i dëmtojnë pa dashje fëmijët e tyre duke harruar t’i lavdërojnë për diçka që kanë bërë.

Për këtë arsye, është shumë e rëndësishme t’i kushtoni vëmendje gjithçkaje që arrin një fëmijë – një notë të mirë në shkollë, sukses në një hobi, etj. Inkurajoni fëmijët çdo ditë dhe ata do të vazhdojnë të arrijnë sukses më të madh.