“Nuk është mirë”/ Lefter Alla kërkon lirimin nga qelia

Ish-kryebashkiaku i Bulqizës Lefter Alla ka kërkuar ditën e sotme lehtësimi ne masës së sigurisë të vendosur ndaj tij. Mësohet se Alla ka depozituar një tjetër kërkesë në gjykatë për një masë më të lehtë sigurie se ajo e arrestit me burg. Në seancën e zhvilluar ditën e sotme në GJKKO, avokati mbrojtës i Allës ka depozituar prova të reja nga ekspertët mjeko ligjorë sa i takon gjendjes shëndetësore të Lefter Allës.

Sipas avoatit Hysni Demiraj, gjatë një kontrolli të bërë për gjendjen shëndetësore ka rezultuar se ish kryebashkiaku nuk është në gjendje të mirë për të përballuar burgun. Seanca e radhës nga gjykata u caktua në 29 korrik orën 13:30.

Pak kohë më parë Alla përfundoi në spitalin e burgut për shkak të probleme shëndetësore. Ai po mbahet në paraburgim deri në përfundim të hetimeve lidhur me një tender 3 mln euro për ujësjellësin dhe kanalizimet në Bulqizë.