FOTO+VIDEO/ Të shtëna me armë në Turqi, një viktimë dhe…

Një incident me të shtëna ka ndodhur mesditën e së hënës jashtë gjykatës së Izmirit, në periferi të Bayrakli.

Siç u bë e ditur, dy grupe janë përfshirë në një konflikt në ambientin e një restoranti përballë gjykatës, teksa prisnin të fillonte një gjyq për një vrasje. Disa persona nxorën armët dhe filluan të hapin zjarr, duke vrarë një person dhe duke plagosur tre të tjerë.

Një dëshmitar okular që ndodhej në vendngjarje tha ndër të tjera se “Unë isha larguar nga gjykata. Dy grupe u përplasën.

Ne ishim shumë të frikësuar. U fsheha nën një makinë të parkuar. Mendova se ishte një sulm terrorist. Fatkeqësisht ka pasur persona të lënduar rëndë” .

Policia ka nisur hetimet për ngjarjen.