Sekretari amerikan i mbrojtjes bën paraqitjen e parë publike që nga shtrimi në spital

Sekretari i Mbrojtjes i SHBA-së, Lloyd Austin bëri paraqitjen e tij të parë publike virtualisht nga shtëpia që nga shtrimi i tij në spital. Austin daljen e bëri gjatë një takimi për nevojat ushtarake të Ukrainës të martën. Austin u shfaq në transmetim të drejtpërdrejtë për disa minuta teksa bëri fjalën e tij hyrëse dhe ishte ulur përpara një muri të bardhë me atë që dukej të ishte një tastierë e sistemit të sigurisë në të majtë dhe një vulë e Departamentit të Mbrojtjes në të djathtë, me flamuj të vegjël të SHBA-së dhe Ukrainës në majë pranë tij.

Kujtojmë se ai u pranua në Qendrën Mjekësore Ushtarake Kombëtare Walter Reed në Maryland më 22 dhjetor për të trajtuar kancerin e prostatës. Austin u kthye në spital më 1 janar për shkak të komplikimeve, përfshirë një infeksion urinar. Shtrimi i tij në spital nuk u zbulua vetëm katër ditë më vonë, dhe Pentagoni nuk specifikoi pse ai po trajtohej deri më 9 janar.