Vendimi mbi Manastirin e Deçanit/ SHBA përgëzon qeverinë e Kosovës: E domosdoshme

Në një reagim të bërë në rrjetin social ‘X’, Hovenier shprehet se vendimi tregon përkushtimin e Kosovës për të ruajtur sundimin e ligjit dhe pavarësinë e gjyësorit.

“Siç tha sot në mëngjes zëvendësndihmës sekretari Gabriel Escobar, vendimi i sotëm për Manastirin e Deçanit ishte një hap i domosdoshëm dhe falënderojmë liderët kosovarë për përpjekjet e tyre për ta çuar këtë përpara”, shkroi ambasadori amerikan në rrjetin social “X”.

Vendimi për pronat e Manastirit të Deçanit u mor në mbledhjen e qeverisë së Kosovës të mërkurën. Kurti tha se vendimi u mor në mënyrë që të hiqej ky kusht për pranimin e Kosovës në Këshillin e Europës.

Për vendimin pati edhe një reagim nga kryeministri Edi Rama i cili shprehu mbështetjen e plotë duke theksuar se e inkurajon Kurtin që të bashkëpunojë me aleatët, për të treguar se Kosova është partner i besueshëm i komunitetit euroatlantik.