Jemi të rrethuar…Vuçiç në dëshpërim, kryen aktin ekstrem

Sinjalet që kanë ardhur nga Serbia kohët e fundit kanë ushqyer frikën për një përshkallëzim të rrezikshëm të situatës në Veriun e Kosovës. Pamjet që tregojnë forcat serbe në kufi, Vuçiçi që sugjeron një sulm të mundshëm dhe ushtria serbe që fuqizohet çdo ditë e më shumë me ndihmën e Rusisë dhe Kinës, të gjitha këto i komentoi analisti dhe publicisti serb Dushan Janjiç

“Në përgjithësi, në dy vitet e fundit Vuçiç, partia e tij dhe ai vetë si president, po menaxhon njëlloj fushate sigurie dhe propagande. Në realitet, ai në thelb po përpiqet të krijojë një perceptim në mesin e njerëzve në Serbi se janë të rrethuar nga armiqtë dhe se në thelb, vetëm ai mund të na shpëtojë. Gjithsesi, deklarata e fundit, dhe gjithashtu aktet, si ceremonitë përkujtimore për viktimat e viteve nëntëdhjetë, duke përfshirë bombardimet e NATO-s, janë padyshim të orientuara kundër perëndimit dhe në thelb përpiqen t’u tregojnë njerëzve se ai duhet të luajë vetë në të ashtuquajturën lojë të madhe politike. Fatkeqësisht, mendoj se realiteti është shumë larg kësaj dhe kjo është shenjë e humbjes së kapacitetit të tij për të përballuar dhe menaxhuar krizën në Serbi” – deklaroi Janjiç.

I pyetur se si ai i sheh marrëdhëniet mes Serbisë dhe Rusisë në kontekstin gjeopolitik, ku Moska fajësohet për nxitje të destabilitetit në Ballkan, analisti I njohur u shpreh: – “Serbia është lojtari i vetëm i vogël, por i rëndësishëm për Ballkanin Perëndimor nga pikëpamja e Rusisë. Por Kremlini nuk i beson Vuçiçit. Gjatë viteve të fundit ai nuk ka rezultuar si një njeri që jep rezultate. Ata po përdorin të gjitha burimet për ta kontrolluar atë, veçanërisht duke përfshirë borxhet e mëdha në sektorin energjetik që Serbia ka ndaj Gazprom dhe të tjerëve, plus ndikimin vërtet të fortë diplomatik dhe të shërbimit sekret jo vetëm në partinë drejtuese, por edhe në shoqëri, e quajtur lufta hibride… Perceptimi im është se Rusia ka luajtur me Vuçiçin përgjatë 9 muajve të fundit… Pse nëntë? Sepse mendoj se ato po shpresojnë të arrijnë disa marrëveshje me shtetet për Gazën dhe Ukrainën. Dhe në këtë lojë ata nuk duan të rrezikojnë me Serbinë, dhe veçanërisht kjo është e lidhur me Kosovën dhe Shqipërinë, sepse Serbia ka ndikim në korridorin e 8 dhe Detin e Zi.

Në thelb Rusia nuk do të rrezikojë në këtë lëvizje, sepse Rusia është gjithashtu e shqetësuar për ardhjen e fuqisë kineze. Synimet e Moskës për të luajtur me Vuçiç janë të kufizuara dhe synojnë të gjejnë një pasues apo dikë në opozitë që do të promovojnë më mirë interesat e Rusisë” – theksoi Janjiç