Drejtoresha e Shërbimit Sekret dha dorëheqjen pas atentatit të Trump, reagon Joe Biden

Presidenti i SHBA-ve, Joe Biden ka lavdëruar drejtoreshën e Shërbimit Sekret Kimberly Cheatle për “integritetin e saj të jashtëzakonshëm” në dorëheqjen nga posti i saj.

Cheatle njoftoi dorëheqjen për dështimet e agjencisë në lidhje me tentativën për vrasjen e Donald Trump.

Presidenti tha se duhet nder dhe guxim për të “marrë përgjegjësinë e plotë për një organizatë të ngarkuar me një nga punët më sfiduese në shërbimin publik”.

“Ajo është përkushtuar me vetëmohim dhe ka rrezikuar jetën e saj për të mbrojtur kombin tonë gjatë gjithë karrierës së saj”, tha ai.

“Ne e falënderojmë veçanërisht atë që iu përgjigj thirrjes për të udhëhequr Shërbimin Sekret gjatë administratës sonë dhe i jemi mirënjohës për shërbimin e saj ndaj familjes sonë”.

Biden shtoi se do të emëronte një drejtor të ri, duke pritur me padurim përfundimin e hetimeve për ngjarjen e 13 korrikut.

“Ne të gjithë e dimë se çfarë ndodhi atë ditë nuk mund të ndodhë më kurrë”, tha Biden.