U kap në flagrancë duke shitur doza të lëndëve narkotike, arrestohet 44-vjeçari

Njoftimi i policisë:

Vihet në pranga një 44-vjeçar që u kap në flagrancë duke shitur doza të lëndëve narkotike, të cilat i përgatiste në banesë.         

Sekuestrohen doza heroine dhe kokaine.   

Shërbimet e Komisariatit të Policisë Lushnjë, në kuadër të megaoperacionit “Tempulli”, kanë goditur një tjetër rast të prodhimit dhe shitjes së lëndëve narkotike. Për këtë rast, nga Sektori për Hetimin e Narkotikëve u arrestua në flagrancë shtetasi: 

Artur Alla 44 vjeç, banues në Lushnjë. 

 Gjatë kontrollit fizik ndaj këtij shtetasi dhe kontrollit në banesën e tij, shërbimet e Policisë kanë gjetur doza të lëndëve të dyshuara narkotike heroinë dhe kokainë, të cilat u sekuestruan në cilësinë e provës materiale. 

Nga veprimet hetimore dyshohet se ky shtetas siguronte lëndë narkotike heroinë dhe kokainë, i ndante në doza në banesën e tij dhe i shiste në lagje të ndryshme.    

Materialet procedurale i kaluan Prokurorisë, për veprime të mëtejshme, për veprën penale “Prodhimi dhe shitja e narkotikëve”.