VJEN SHPETIMI PER KOSOVEN/ Goditet fitorja e Trumpit, lajme të këqija për Serbinë

Eksperti austriak, Gunther Fehlinger ka komentuar fitoren e Donald Trumpit dhe rizgjedhjen e tij si president i SHBA-së. Në këtë pikë, ai foli edhe për marrëdhëniet Kosovë-SHBA dhe politikat që Trump mund të i zbatojë gjatë qeverisjes së tij.

“Miqësia shqiptaro-amerikane është e përjetshme. Ajo u ndërtua kur Amerika mbështeti dhe imponoi rivendosjen e Shqipërisë në vitin 1920 dhe u farkëtua në gjak gjatë luftërave të pavarësisë së Shqipërisë,të cilat u fituan vetëm falë fuqisë amerikane të zjarrit, gati për të goditur në zemër të Perandorisë Jugosllave. Kushdo që të jetë president, Amerika do të garantojë pavarësinë e Kosovës dhe sigurinë për shqiptarët në Ballkan. Ky është interesi kryesor kombëtar i Amerikës dhe ndihmon që shqiptarët tani janë po aq aktivë në politikën amerikane sa edhe armenët, grekët dhe serbët”, theksoi Fehlinger

Sipas tij, Donald Trump do vazhdojë politikën pro-Kosovës, duke theksuar se kohët e fundit marrëdhëniet politike mes Amerikës dhe Kosovës ishin të komplikuara

“Sigurisht, Trump është një sfidë për shqiptarët që më së shumti mbështetën demokratët siç bëjnë shumica e grupeve të emigrantëve në SHBA, por ajo që ka rëndësi është politika pro Kosovës e Amerikës dhe se Trump do të vazhdojë. Dhe le të jemi të sinqertë, liderët e majtë të Kosovës dhe SHBA-së, Joe Biden dhe Albin Kurti nuk kishin një marrëdhënie kaq të madhe dhe marrëdhëniet e fundit politike mes Amerikës dhe Kosovës ishin të komplikuara. Tani me kthimin e Trumpit dhe i bashkangjitur Richard Grenell gjërat do të ndërlikohen edhe më shumë për kryeministrin Kurti” – theksoi eksperti amerikan.

Më tej ai tha se Albin Kurti duhet urgjentisht që të rregullojë raportet me SHBA-në dhe i kërkoi të bëj koalicion me LDK-në, pasi kjo e fundit është në të njëjtën familje politike me Trump dhe kancelarin e ardhshëm gjerman.

Me këtë rast, Fehlinger përmendi edhe presidenten Vjosa Osmani, të cilën e vlerësoi shumë dhe e cilësoi si një personalitet me qasje të denjë në institucionet amerikane.

“Albin Kurti duhet ta rregullojë raportin e tij me Amerikën dhe mënyra më e mirë është të ndërtojë një koalicion të unitetit kombëtar me LDK-në që është në të njëjtën familje politike me Trump dhe kancelarin e ardhshëm gjerman Friedrich Merz. LDK-ja do të marrë ministrin e Jashtëm dhe kjo do të ndihmonte në mënyrë të konsiderueshme që LDK të ribashkohet me Presidenten Osmani, e cila është i vetmi personalitet nga Kosova me qasje të denjë në publikun, mediat, elitën dhe institucionet amerikane dhe kjo është ajo që Kosova ka nevojë urgjente” – deklaroi eksperti austriak…………………………….