Kërcënoi dhe i grabiti makinën një personi për shkak të një borxhi, arrestohet 37-vjeçari

Një 37-vjeçar është arrestuar në Durrës, pasi ka kërcënuzar një person dhe i ka vjedhur makinën sepse nuk i kishte shlyer borxhin. Në pranga ka rënë Ergys Vogli, i cili grabiti automjetin një tjetër personi, pasi ky i fundit i detyrohej 1200 euro. Ngjarja raportohet të ketë ndodhur 2 javë më parë.

Sipas Policisë, në momentin e arrestimit, atij iu gjetën në banesë disa doza lëndë narkotike gati për shitje, peshore elektronike dhe municion luftarakk.

“Gjatë operacionit u vu në pranga shtetasi E. V., 37 vjeç (Ergys Vogli), banues në Durrës, pasi dyshohet se më datë 17 Janar 2025, me anë të kanosjes dhe shtrëngimit, i ka marrë automjetin një shtetasi, sepse pretendonte se ky i fundit i kishte borxh 1200 euro. Në momentin e ndalimit, në banesën e këtij shtetasi u gjetën një sasi kanabisi e ndarë në doza gati për shitje, dhe një sasi municioni luftarak. Si prova u sekuestruan dozat e lëndës narkotike, 1 peshore elektronike dhe municioni luftarak”, njofton Policia.