“Të bashkojmë financat dhe forcat”, Rama thirrje kryebashkiakëve në takimin me fermerët

Rama: Tani ka ardh koha të veprojmë dhe do të jetë një e mirë shumë e madhe se duke marrë pjesë si një nga aktorët edhe politika e naftës për sektorin bujqësor do të mund të jetë e ndërtuar ndryshe, jo me këtë qasje se ka treguar se ka boshllëqe, por me një qasje tjetër.

Ndërkohë që shohim këto aspekte duhet të mendojmë për uljen e kostove, nuk jemi në kushtet që shfrytëzojmë edhe mbetjet e punës në bujqësi për të përfituar përmes riciklimit, kemi një shembull në Cërrik falë kryebashkiakut të Cërrikut, të angazhohemi bashkarisht për të ndërtuar sistemet e biogazit, në këtë investim duhet të hyjmë ne qeveria, bashkitë duke shfrytëzuar linjat, nëse presim që ta ndërmarrë sipërmarrja…,edhe çështja e mbetjeve të prodhimit të punës do duhet të adresohet në mënyrë kreative dhe me bashkim forcash dhe financash që të bëhet konkrete.

Rruga e bashkimit të forcave po has pengesë që është mungesa e informacionit dhe i të kuptuarit duhet një angazhim të madh për pushtetin vendor. Skandaloze që një sipërmarrje të rrijë një vit dy vjet në pamundësi financash se nuk ka legalizimin e stallës apo certifikatës së pronës për një strukturë të caktuar.