FOTOLAJM/ Këta janë 4 vëllezërit Hoxhosmani, 2 u prangosën nga SPAK për trafikim droge

– Këta janë vëllezërit Artur, Renols, Klevis dhe Bledar Hoxhosmani. Në foton e siguruar shfaqen së bashku të katër vëllezërit nga Burreli, 2 prej të cilëve janë vendosur në pranga. Me urdhër të Strukturës së Posaçme kundër Korrupsionit dhe Krimit të Organizuar janë vendosur në pranga Klevis dhe Artur Hoxhosmani.

Hetimet zgjatën për rreth një vit dhe u hapën kryesisht pas rrëfimeve nga Erion Alibej, i cili u shpall “i penduar” dhe ka dhënë informacion kundër grupit të organizuar për trafikun ndërkombëtar të kokainës nga Amerika Latine drejt Europës.

Nga hetimi rezultoi se ky grup ishte aktiv në vitet 2020-2021 në disa shtete europiane, përqendruar në trafikimin e kokainës dhe hashashit nga Kolumbia dhe Ekuadori drejt BE-së dhe Mbretërisë së Bashkuar. Droga fshihej mes konteinerëve, në paleta druri, kuti me banane ose në thasë me kakao