Trump dhe Putin/ Bisedë e rëndësishme për konfliktin iranian, Hegseth jep detajet

Sekretari amerikan i Mbrojtjes, Pete Hegseth, deklaroi të martën se Rusia nuk duhet të përfshihet në konfliktin që lidhet me Iranin, duke komentuar bisedën telefonike që presidenti i SHBA-ve, Donald Trump, zhvilloi të hënën me presidentin rus, Vladimir Putin.

Hegseth theksoi se Trump ruan marrëdhënie të forta me liderë të ndryshëm botërorë, gjë që – sipas tij – krijon mundësi dhe alternativa për Shtetet e Bashkuara në një mjedis ndërkombëtar gjithnjë e më dinamik.

“Presidenti, siç kam thënë edhe më parë, ka marrëdhënie të forta me udhëheqës globalë, dhe kjo krijon mundësi dhe opsione për ne në mënyra shumë dinamike. Prandaj presidenti tha se ishte një bisedë e mirë”, u shpreh Hegseth.

Ai sqaroi se nuk kishte marrë pjesë personalisht në bisedën telefonike mes Trump dhe Putin, por shtoi se personat që ishin të pranishëm e kanë cilësuar atë si një komunikim të rëndësishëm dhe domethënës.

“Nuk mora pjesë në këtë bisedë, por ata që ishin të përfshirë thanë se ishte një diskutim i fortë, që shpresojmë rikonfirmon mundësinë për një lloj paqeje në luftën Rusi-Ukrainë dhe gjithashtu njohjen se, sa i përket këtij konflikti, Rusia nuk duhet të përfshihet”, shtoi ai.