‘Ose marrëveshje ose do të shkatërrohen’ – Trump: S’kemi nevojë për ndihmën e Kinës në negociatat me Iranin

Presidenti amerikan, Donald Trump tha të martën se planifikon të zhvillojë një “bisedë të gjatë” rreth luftës së Iranit me udhëheqësin kinez Xi Jinping kur të mbërrijë në Pekin, megjithëse minimizoi idenë se do të kishte nevojë për ndihmën e Kinës për t’i dhënë fund konfliktit.

“Nuk mendoj se kemi nevojë për ndonjë ndihmë me Iranin. Do ta fitojmë në një mënyrë ose në një tjetër”, i tha Trump gazetares Alayna Treene të CNN, në lëndinën jugore të Shtëpisë së Bardhë. “Do ta fitojmë në mënyrë paqësore ose jo.”

I pyetur se cili është mesazhi i tij për Xi-në mbi Iranin, Trump tha: “Mendoj se ai ka qenë relativisht i mirë, për të qenë i sinqertë me ju. Nëse e shikoni bllokadën, nuk ka problem. Ata marrin shumë naftë nga ajo zonë. Ne nuk kemi pasur problem. Dhe ai ka qenë një mik i imi.”

Disa minuta më vonë, Trump minimizoi rëndësinë e diskutimit të Iranit me Kinën, duke pretenduar se SHBA-të e kanë situatën “shumë nën kontroll”. Ai shtoi se “më shumë se çdo gjë tjetër”, tregtia do të jetë tema kryesore e diskutimit të tyre.

Kemi shumë gjëra për të diskutuar; për të qenë i sinqertë me ju, nuk do të thoja që Irani është një prej tyre, sepse e kemi Iranin shumë nën kontroll. Ose do të bëjmë një marrëveshje ose ata do të shkatërrohen”, tha ai.