Plagosje me thikë në Kombinat, tritol në Kinostudio, nga aksidenti në rrugë mbetet viktimë një 7 vjeçar

Një konflikt i çastit në zonën e Kombinatit në kryeqytet ka agravuar deri në përdorimin e thikës.

Sipas informacioneve paraprake autori është arrestur.

Ndërkohë policia vijon me hetimet për zbardhjen e plotë të rrethanave.

Policia njofton se një sasi tritoli ka shpërthyer në orët e para të mëngjesit në një lokal në një pallat në Tiranë në territorin e Komisariatit nr. 4, duke shkaktuar vetëm dëme materiale.

Tritoli dyshohet të jetë vendosur prej një konflikti të ndodhur më parë, ndërsa po hetohet nga policia, pasi pronarët nuk deklarojnë gjë.

Në kamerat e sigurisë që kanë siguruar forcat e rendit, dallohet një person i maskuar që vjen pranë lokalit, lë lëndën plasëse dhe largohet në këmbë.

Gjithashtu një ngjarje e rëndë ka ndodhur mëngjesin e sotëm në fshatin Mengel të Elbasanit.

Një fëmijë 7 vjeç është përplasur për vdekje nga një mjet në rrugën Elbasan-Librazhd.