“Çdo agresion do të përballet me goditje shkatërruese”, Irani paralajmëron nga Hormuzi

Korpusi i Gardës Revolucionare Islamike (IRGC) i Iranit deklaroi se 25 anije kanë kaluar tranzit nëpër Ngushticën e Hormuzit gjatë 24 orëve të fundit, nën koordinimin dhe mbikëqyrjen e marinës iraniane.

Sipas deklaratës së publikuar nga agjencia gjysmëzyrtare Tasnim News, anijet që kaluan përfshinin cisterna nafte dhe anije kontejnerësh, të cilat morën leje sigurie nga Marina e Gardës Revolucionare.

“Anijet kaluan nëpër rrugën ujore strategjike gjatë ditës dhe natës së fundit me koordinim dhe siguri të ofruar nga forcat tona”, thuhet në deklaratën e IRGC.

Garda Revolucionare iraniane deklaroi gjithashtu se po ushtron atë që e quajti “kontroll inteligjent” mbi Ngushticën e Hormuzit, ndërsa paralajmëroi për reagim të ashpër ndaj çdo kërcënimi.

“Çdo akt agresioni do të përballet me goditje shkatërruese”, paralajmëroi Marina e IRGC-së.
CNN raportoi se nuk ka mundur të verifikojë në mënyrë të pavarur shifrat e publikuara nga pala iraniane.

Ngushtica e Hormuzit mbetet një nga korridoret më strategjike të transportit detar në botë, pasi një pjesë e madhe e furnizimeve globale me naftë dhe gaz kalojnë përmes kësaj rruge ujore.