Aktualitet
Iris Luarasi dorë për dore me ambasadorin Gonzato, pas shpërndarjes së fotove reagon deputetja: Është AI, lajm homofob dhe mizogjin
Deputetja e Partisë Socialiste, Iris Luarasi, ka reaguar pas publikimit në rrjetet sociale dhe në disa portale të një fotografie të manipuluar me inteligjencë artificiale, ku ajo shfaqet duke qëndruar e kapur për dore me ambasadorin e Bashkimit Evropian në Shqipëri, Silvio Gonzato.
Përmes një postimi në rrjetet sociale, deputetja shprehet se publikimi i këtij lajmi është njëkohësisht homofob dhe mizogjin, ndërsa akuzon autorët se kanë përdorur inteligjencën artificiale për të fabrikuar një realitet të pavërtetë.
Unë jam kryetare e nënkomisionit kundër dezinformimit. Dhe ju sapo më dhuruat rastin studimor më perfekt që mund të kërkoja. Sepse dezinformimi nuk është shaka: është tallje ndaj lexuesit, dëm ndaj një diplomati dhe një goditje ndaj vetë standardeve që Bashkimi Europian kërkon nga media shqiptare. Kush luan me të vërtetën, duhet të përgjigjet edhe për të. Përgjegjësia mediatike nuk është opsion, por është detyrim.
Kur fabrikon realitete me AI, s’je gazetar. Je mashtrues ordiner. Liria e medias nuk është leje për të falsifikuar! Foto e dytë është fotoja origjinale, e paretushuar: në Spaç, aty ku dikur burgoseshin ata që thoshin të vërtetën. Sot disa e keqpërdorin lirinë që të tjerët e paguan me burg, për të fabrikuar urrejtje”, shkruan deputetja krahas fotove.
Muzgu i Carit/ Lufta në Ukrainë nuk po konsumon vetëm frontin ushtarak, por edhe vetë Rusinë
Flamingot/ Vangjeli: Sot kutitë hapen dhe nuk ka më plumba ndaj protestuesve
Protestat kanë kaluar në anarki/ Albatros Rexhaj: Opozita është më larg pushtetit se kurrë
Aksident në aksin Rrogozhinë-Lushnjë, plagoset rëndë drejtuesi i një mjeti bujqësor
Stuhia në Himarë/ Humb jetën gjatë rregullimit të defektit punonjësi i OSHEE-së
Irani shënjestron Bullgarinë: Nëse lejoni SHBA-në të përdorë bazat tuaja, do jeni bashkëfajtorë lufte!
DOSJA/ SPAK MBYLL HETIMET PER ERVIS MARTINAJ
