Bota
Gjashtë të vdekur nga rrëzimi i helikopterit në Himalaje, mes viktimave edhe piloti
Gjashtë persona kanë humbur jetën pas rrëzimit të një helikopteri në një luginë në Himalaje, në Indi. Mes viktimave janë pesë pasagjerë dhe piloti i mjetit fluturues.
Helikopteri ishte nisur nga Badrinath, në shtetin verior të Uttarakhand, dhe u rrëzua në luginën Hoshimath. Autoritetet konfirmuan se të gjashtë personat që ndodheshin në bord humbën jetën nga përplasja.
“Po bëhen përpjekje për të zhvendosur trupat nga vendi i paarritshëm i përplasjes në rrugën më të afërt”, njoftoi policia shtetërore në një deklaratë.
Deri më tani, autoritetet nuk kanë bërë të ditur shkaqet e aksidentit.
Ndërkohë, Departamenti Meteorologjik i Indisë kishte parashikuar reshje shiu në të gjithë shtetin, dy ditë pasi cikloni Arnab goditi bregun juglindor të vendit.
Shteti i Uttarakhand është një destinacion i rëndësishëm pelegrinazhi për hindutë. Aty ndodhet edhe Badrinath, ku tempulli i shenjtë kushtuar perëndisë Vishnu tërheq miliona pelegrinë çdo vit.
Për të lehtësuar udhëtimin drejt faltoreve malore, kompani të ndryshme ofrojnë shërbime transporti me helikopterë me qira, të cilat përdoren kryesisht nga pelegrinët që dëshirojnë të shmangin udhëtimet e vështira në terrenet malore.
Rekord votash të hershme në SHBA, mbi 47.9 milionë amerikanë kanë votuar para zgjedhjeve të mesit të mandatit
“Partneriteti më i thellë i mundshëm”, Kanadaja dhe BE shpallin aleancën e re
RRUGA QË PO SHTRENJTOHET PA MBARUAR, 388 MILIONË EURO DHE FATURA ENDE E HAPUR!
Foshnja, si mjet propagande/ Deri këtu paska arritur spektakli i keqardhjes për Veliajn!
Nesër opozita në protestë, PL: Të gjithë në shesh në mbështetje të revoltës së studentëve
Ina Zhupa në Parlamentin italian, në fokus protestat, trashëgimia kulturore dhe zonat e mbrojtura
Zgjedhjet në Izrael përfundojnë pa fitues të qartë, Netanyahu përballet me bllokadë politike
