A e forcon lidhjen shprehja e dashurisë në rrjetet sociale?
Sado të pakëndshme të jenë postimet e çifteve dhe deklaratat e tyre të dashurisë në rrjetet sociale, studiuesit kanë arritur në një përfundim befasues. Peshorja anon nga dashuria…
Shkenca na ka dhuruar studime të reja mbi mënyrën sesi rrjetet sociale ndikojnë në jetën e çifteve.
Në një studim të ri të publikuar së fundmi, studiueset Catalina Toma dhe Mina Choi kanë hetuar për lidhjen midis shfaqjes së afeksionit publik në Facebook dhe gjendjen e fatit të marrëdhënieve.
Në këtë aspekt, ato analizuan se sa të angazhuar janë partnerët në këto lidhje dhe sa gjasa ka që marrëdhënia të zgjasë. A janë çiftet që postojnë vazhdimisht foto bashkë më të qëndrueshëm se të tjerët?
Shumë njerëz i mendojnë shfaqjet e afeksionit në Facebook si irrituese dhe mund të besojnë madje se çiftet që e përdorin këtë metodë, janë të pasigurt në vetvete. Megjithatë, çiftet mund të kenë një eksperiencë të ndryshme psikologjike nga sa mund të mendojnë të tjerët.
Kërkime të mëparshme kanë treguar se megjithëse njerëzit pretendojnë të jenë ekstrovertë ose emocionalisht të qëndrueshëm përpara një audience, ata thellë brenda vetes fillojnë të mendojnë se janë vërtet të tillë. Ky ndryshim i konceptimit të vetes nuk ndodh te njerëzit që nuk gjenden përballë një audience.
Duke ndjekur këtë logjikë, kërkueset parashikuan se sa më shumë çiftet të shfaqen të bashkuar në Facebook, aq më shumë do ta perceptojnë marrëdhënien si të rëndësishme për ta.
Facebook është një vend shumë publik, që furnizon audiencën më të madhe që njerëzit normalë kanë pasur ndonjëherë. Ai/ajo që ne mendojmë se gjendet përpara kësaj audience, ndikon shumë në mënyrën se si e perceptojmë veten.
Në kontekstin e çifteve, kërkueset parashikuan se ata që shfaqin më tepër afeksionin e tyre në Facebook, përjetojnë një angazhim më të madh kundrejt partnerit dhe kanë më pak gjasa të ndahen pas gjashtë muajsh.
Kjo ide nuk duhet të jetë plotësisht e paparashikuar. Në fund të fundit, edhe dasmat janë një lloj shprehje e afeksionit në publik. Përse i kemi konsideruar ato të rëndësishme për shekuj dhe në shumë kultura deklarimin publik të dashurisë përpara miqve, familjarëve dhe të njohurve si në ngjarje kyç?
Për të testuar këto parashikime, dy studiueset rekrutuan 180 studentë, të cilët ishin përfshirë në lidhje heteroseksuale. Ata përdorën një aplikacion që krijon një profil të përbashkët të çiftit në Facebook, ku shfaqet i gjithë aktiviteti i tyre i përbashkët.
Rezultatet treguan se sa më shumë pjesëmarrësit postuan foto me partnerët, shkruan në murin e tyre apo ndryshuan statusin “në një lidhje” me ta, aq më tepër të angazhuar ishin ndaj kësaj lidhjeje dhe më pak gjasa kishin që të ndaheshin pas gjashtë muajve.
Me fjalë të tjera, shfaqja e afeksionit publik në rrjetet sociale, influencon për mirë në një marrëdhënie.
Përfitimet shëndetësore të arrave janë mbresëlënëse. Ato kanë një mori lëndësh ushqyese, si yndyrna, omega-3, vitaminë E dhe magnez.
Disa nga arsyet pse duhet të hani arra rregullisht është sepse:
Arrat mund të ndihmojnë në uljen e presionit të gjakut.
Studimet kanë zbuluar se arrat janë në gjendje të ulin nivelin e kolesterolit.
Arrat mund të zvogëlojnë rrezikun e disa kancereve
Për shkak të shumë antioksidantëve dhe lëndëve ushqyese anti-inflamatore që gjenden te arrat, komuniteti shkencor ka zbuluar se arrat mund të zvogëlojnë rrezikun e disa llojeve të kancerit, duke përfshirë atë të gjirit, kolorektalin dhe prostatën.
Arrat mbështesin funksionin e mirë të trurit
Disa studime sugjerojnë se arrat janë të mira për trurin dhe kujtesën tuaj. Një studim zbuloi se arrat përmirësonin ndjeshëm aftësitë e të mësuarit, kujtesën dhe ankthin.
Arrat ju ndihmojnë të keni një plakje të shëndetshme
Arrat janë të mbushura me lëndë ushqyese të shëndetshme që përmirësojnë trurin tuaj dhe ju ndihmojnë të plakeni mirë.
Një studim vëzhgues i mbi 50,000 grave të moshuara tregoi se ato me dietat më të shëndetshme kishin një rrezik 13% më të ulët të problemeve shëndetësore dhe arrat ishin ndër ushqimet që dhanë kontributin më të fortë në një dietë të shëndetshme.
Ekzistojnë lloje të ndryshme të inteligjencës – disa janë të lindura, dhe disa i fitojmë gjatë jetës.
Disa njerëz instinktivisht dinë të reagojnë në situata të reja, dhe disa reagojnë bazuar në përvojat e kaluara. Këto janë të gjitha gjëra që përcaktojnë inteligjencën e dikujt, dhe ka faktorë të tjerë. Njëra prej tyre është astrologjia.
Çdo shenjë e zodiakut ka specifikat e veta dhe secila është e veçantë në diçka. Thuhet se Dashi është i pavarur, Akrepat janë besnikë dhe Virgjëreshat janë të organizuara.
Studiuesit britanikë u përpoqën të përcaktonin se cila ishte shenja më e zgjuar, dhe për ta bërë këtë, ata e bazuan kërkimin e tyre në numrin e çmimeve Nobel të dhëna që nga viti 1901.
Binjakët janë treguar të jenë shenja më e zgjuar e zodiakut.
Anëtarët e kësaj shenje morën 97 çmime Nobel në shekullin e kaluar, që është padyshim një arritje mbresëlënëse. Edhe pse mund të mos keni qenë nxënësi më i mirë në shkollën e mesme, tani mund të jetë koha për ta ndryshuar atë dhe për të përqafuar aftësitë tuaja.
Binjakët konsiderohen si shenja më e zgjuar sepse ata gjithmonë përpiqen të jenë më të mirët dhe u pëlqen të mësojnë gjëra të reja, shkruan Astrofame.
Kurioziteti i tyre natyror do të thotë që atyre u pëlqen të sfidojnë veten dhe të shkëlqejnë në gjithçka.
Njerëzit inteligjentë e gjejnë më vështirë dashurinë e jetës
Njerëzit inteligjentë janë më analitikë kur është fjala për dashurinë. Kjo për shkak se njerëzit inteligjentë kanë tendenca të kenë parashikime më të mira sesa të tjerët.
Kur i përmendim ‘parashikimet’, fjala është për aftësinë e të analizuarit një situatë, të rikujtoni përvojat e kaluara relevante dhe t’i shikoni mundësitë adekuate për të ardhmen.
Nëse këtë mentalitet e aplikoni edhe në lidhje të dashurisë, njerëzit inteligjentë largohen më shpejt nga lidhja kur shfaqen shenjat e para të telasheve, transmeton Ekonomia Online. Pra, nëse përvoja është mësuesi më i mirë, atëherë njerëzit e mençur do të mbështeten në të për t’i marrë vendimet.
Inteligjentët “mbrohen”
Efekt tjetër anësorë i të mbështeturit në përvojë kur është fjala për dashurinë, është se inteligjentët kanë tendenca të mbrohen apo ruhen më shumë. Ata kanë më shumë problem të jenë më të hapur sepse truri i tyre analitik asnjëherë nuk ndalon së reflektuari në rrethanat e të kaluarës kur janë hapur me dikë tjetër dhe që janë lënduar nga ky proces.
Për këtë arsye, njerëzit tjerë mendojnë se personi është i ftohët – karakteristikë të cilën askush nuk e dëshiron te një partner.
Njerëzit inteligjentë duan vet të jenë beqarë
Njerëzit me inteligjencë të lartë mendojnë analitikisht, edhe kur vjen fjala për gjërat si lidhjet e dashurisë. Prandaj, njerëzit inteligjentë e kuptojnë se të qenit vetëm është më mirë sesa të qenit me personin e gabuar. Ky është vendim tejet i menduar dhe i arsyeshëm.
Pra, në esencë, njerëzit inteligjentë janë beqarë sepse duan të jenë beqarë.
Pluhuri afrikan pritet të mbulojë Athinën dhe Kretën në Greqi
Autoritetet janë në alarm “të kuq” për shtatë ditët e ardhshme, pasi sipas parashikimeve të ekspertëve pritet të ketë një përqendrim të madh të pluhurit afrikan në atmosferë.
Nëse parashikimet vërtetohen, përqendrimi i pluhurit afrikan në atmosferë do të jetë veçanërisht i lartë dhe spitalet dhe autoritetet kompetente do të duhet të mobilizohen menjëherë, për grupet vulnerabël dhe qytetarët me probleme të frymëmarrjes.
Më konkretisht, nga dita e sotme, e premte, 17 maj, deri të enjten, 23 maj, pluhuri afrikan pritet të mbulojë vendin, ndërsa do të ketë edhe rritje të temperaturës.
Efektet do të intensifikohen gjatë fundjavës dhe do të zgjasin të paktën deri të enjten.
Deri më tani, ato pritet të tërhiqen gradualisht të premten.
Parashikimet tregojnë se zonat ku fenomeni do të jetë më intensiv janë Kreta dhe Athina.
Në këto dy zona pritet një përqendrim i lartë i pluhurit afrikan, por të dhënat e deritanishme nuk tregojnë se fenomeni do të ngjajë me pamjet e frikshme të ndodhura muajin e kaluar.
Efektet do të jenë më të dobëta në Peloponez, ndërsa Greqia e Veriut nuk duket të jetë prekur deri më tani.
Në të njëjtën kohë, në të njëjtat ditë merkuri do të rritet ndjeshëm dhe temperaturat do të lëvizin në kufijtë e valës së të nxehtit, por pa i tejkaluar ato.
Në Kretë temperaturat “do të arrijnë” deri në 35 gradë Celsius.
Harta tregon përqendrimet e vlerësuara të pluhurit pranë tokës për orët e mbrëmjes të së premtes 17/05 në të gjithë vendin, ndërsa grafikët e ngulitur paraqesin përqendrimet e pluhurit në lartësi në tre qytete të zgjedhura (Athinë, Kalamata, Heraklion).
Gjërat për të cilat njerëzit ju gjykojnë më së shumti
Shoqëria sot përballet me një varg problemesh sociale e një ndër to është edhe paragjykimi. Madje, njerëzit shkojnë aq larg, duke bërë gjykime edhe për gjërat më të vogla që ndoshta ju nuk u kushtoni fare rëndësi.
Ngjyra e rrobave
“Psychology Today”, thotë se njerëzit gjykojnë në bazë të ngjyrave të rrobave tuaja. Nëse ju visheni më shumë me ngjyrë të zezë do të thotë se jeni person më serioz dhe më artistik, ndërsa personat që preferojnë ngjyrat si e kuqja, cilësohen më energjik dhe më të hapur.
Kafshimi i thonjve
Nga anketa të ndryshme është vërtetuar se personat të cilët hanë thonjtë e tyre ose lëvizin këmbët gjatë qëndrimit ulur janë më të stresuar.
Këpucët
Njerëzit kanë shkuar deri tek ky element. Psikologët kanë treguar se këpucët luajnë një rol të rëndësishëm në përshtypjen që njeriu krijon tek të tjerët. Për shembull, lloji i këpucëve tregon moshën, pjekurinë, personalitetin, gjininë, nivelin intelektual e gjëra të tjera.
Mënyra si ju i shtrëngoni duart
Për këtë mund të kemi dëgjuar edhe më parë. Shtrëngimi i duarve mund të tregojë vendosmëri, fuqi dhe guxim apo në anën tjetër, dobësi, frikë dhe vetë-dyshim.
Shkrimi juaj
Personat të cilët shkruajnë me shkronja të vogla janë më të ndrojtur dhe më të rezervuar përkundër personave që shkruajnë me shkronja të mëdha që mendohet të jenë më të hapur.
