Një aksident ka ndodhur në aksin Bajram Curri-Valbonë, ku automjeti tip “Volkswagen” me drejtues një 20-vjeçar, i cili dyshohet se duke drejtuar mjetin me shpejtësi ka humbur kontrollin e tij dhe është përplasur me bordurën anësore të rrugës.

Si pasojë e aksidentit, ka humbur jetën pasagjeri, 20-vjeç, banues në Bajram-Curri, ndërsa drejtuesi i automjetit shtetasi është dërguar në spitalin e Traumës, në gjendje të rëndë shëndetësore. Grupi hetimor po punon për përcaktimin e shkakut të aksidentit.

Tiranë/Arrestohen 11 shtetas, për vepra të ndryshme penale.

Specialistët për Hetimin e Krimeve të Komisariatit të Policisë Nr. 1 ndaluan shtetasin O. Ll., 37 vjeç, banues në Tiranë, pasi dyshohet se duke qenë në gjendje të dehur, ka ushtruar dhunë ndaj familjarëve të tij, dhe i ka kanosur ata me një armë gjahu (me leje), e cila u sekuestrua në cilësinë e provës materiale.

Specialistët për Hetimin e Krimeve të Komisariatit të Policisë Nr. 2 arrestuan shtetasit:

– M. A., 34 vjeç, banues në Tiranë, pasi dyshohet se i ka vjedhur me dhunë, një shumë parash, një shtetasi;
– D. B., 48 vjeç, banues në Tiranë, pasi dyshohet se ka ushtruar dhunë ndaj të dashurës së tij.

Specialistët për Hetimin e Krimeve të Komisariatit të Policisë Nr. 3 arrestuan shtetasin E. Sh., 39 vjeç, banues në Tiranë, dhe po punojnë për shoqërimin e shtetasit E. K., 42 vjeç, të dy banues në Tiranë. Shtetasi E. Sh., duke drejtuar automjetin në efektin e lëndëve narkotike, së bashku me shtetasin E. K., (pasagjer në automjet), në Rrugën e Kavajës, janë konfliktuar me grushte me shtetasin B. B.

Specialistët për Hetimin e Krimeve të Komisariatit të Policisë Nr. 4 ndaluan me iniciativë shtetasin A. K., 64 vjeç, banues në Tiranë, pasi dyshohet se ka ngacmuar seksualisht dy të mitur.

Specialistët për Hetimin e Krimeve të Komisariatit të Policisë Nr. 6 arrestuan shtetasit:

– I. M., 45 vjeç, banues në Tiranë, pasi gjatë kontrollit fizik, shërbimet e Policisë i gjetën dhe sekuestruan, një mjet prerës thikë;
– A. K., 31 vjeç, banues në Tiranë, pasi ka shkelur masën e sigurisë “Arrest në shtëpi”, caktuar nga Gjykata.

Specialistët për Hetimin e Krimeve të Komisariatit të Policisë Nr. 7 ndaluan shtetasin A. A., 33 vjeç, banues në Tiranë, për veprën penale “Dhuna në familje”.

Specialistët e Komisariatit të Policisë Rrugore Tiranë arrestuan shtetasit:

– G. M., 54 vjeç, banues në Tiranë, pasi u kap duke drejtuar motomjetin në gjendje të dehur;
– M. A., 33 vjeç, banues në Hollandë, dhe O. K., 45 vjeç, banues në Tiranë, pasi u kapën duke drejtuar automjetet përkatëse në gjendje të dehur.
–
Më datë 11.05.2024, në një zonë të pyllëzuar në Krrabë, është gjetur dyshohet i vetëvarur shtetasi A. Sh., 47 vjeç, i cili vuante nga probleme të shëndetit mendor.

Materialet i kaluan Prokurorisë.

Një person ka humbur jetën tragjikisht në Tiranë, pasi është gjetur dyshohet i vetëvarur në një zonë të pyllëzuar në Krrabë.

Autoritetet policore raportojnë se viktima është shtetasi A. Sh., 47 vjeç. Sipas bluve të kryeqytetit, viktima vuante nga probleme të shëndetit mendor.

Grupi hetimor po kryen veprimet për sqarimin e plotë të rrethanave të ngjarjes.

“Në këtë ngjarje kemi qenë shumë transparentë. Sa i takon të rejave le të lemë grupin hetimor që të vazhdojë hetimet”, tha Sulaj.

Një sasi prej 65 kg marijuanë në formë çokollate është sekuestruar nga policia e Shkodrës gjatë një operacioni.

Lënda narkotike është gjetur në një tunel në lagjen “Skënderbej” të qytetit. Gjatë operacionit brenda një automjeti tip furgon u gjetën dhe u sekuestruan edhe rreth 31.5 kg kanabis në formë bohçeje.

Policia nuk ka konstatuar persona gjatë operacionit, por ka identifikuar dy persona, për të cilët vijon puna për arrestimin.