Kreu i Partisë së Lirisë, Ilir Meta në një takim me strukturat drejtuese në Tiranë deklaroi se partia ka hyrë në një fazë të re organizimi e cila do të shpaloset më 27 prill.

Meta u shpreh se slogani i kësaj lëvizje do të jetë nga tani e tutje “Për ty Atdhe”, ndërsa shtoi se do të garojë për postin e presidentit në PL, si kandidati më i duhur.

“Lekët e nënë Selvisë, të xhaxhait nga Sovjani dhe të gjithë qytetarëve,  nuk do t’i marrë më as Rama as djali i atij miliarderit që vjen çdo ditë në Shqipëri. Le të shkojë në Greqi, e djegin grekët e përvëlojnë. Ndaj nisim për ty Atdhe, për Atdheun bëjmë çdo sakrificë. Do t’ia nxjerrim jashtë loje televizionet këtij tarallakut.

Ne do t’ja kthejmë lekët popullit shqiptar. Jemi krenar që i shërbejmë popullit tonë, familjes, ndaj si kurrë më parë Shqipëria i ka sytë tek kjo konventë. Çdo anëtar dhe simpatizant do e ndjekë, s’do ketë zhvillim pa prezencën e medias. Ka një kandidat më të mirë dhe më të rri se Meta le të vijë.

Sufllaqe nga qielli nuk bien më. Liderët formohen në opozitë, jo në qeveri, përmes sakrificës. Të jesh në opozitë është mision, sakrificë, vetëm liderët e kuptojnë këtë”, tha Meta.

Po ashtu, ish-presidenti deklaroi se PL do të kthehet në forcë politike që do të rrëzojë nga pushteti Rilindje.

“Rilindja do ta marri të shtyrën më 27 prill. Forca drejt konventës, kudo e ndjej që Shqipëria po lëviz, minjtë po dridhen. Përballë tyre do të jetë një shumicë dërmuese. Iku koha kur opozita drejtohej nga lulushët, tani drejtohet nga njerëz me karakter dhe të paepur si nënë Selvija. Drejtohet nga Erisa Xhixho, nga njerëz me vlera të larta morale, nga njerëz me zemër dhe jo nga ata me stomak”, tha Meta

Endrit Braimllari zbuloi në ‘Frontline Intervieë’ se njerëz afër Metës i kërkojnë të tjerëve të mos i bëjnë like apo share postimeve të tij në facebook.

‘Kam dhënë dorëheqjen që të mos shkoj tek ajo pjesë që shkoj Partia Demokratike. Qëndresa ime në ekipin drejtues do detyronte tënndante ekipin në bazë. Ky është problem im, duke pas eksperiencë shumë të madhe dhe duke qenë kundër në mendim, do krijonte çarje të strukturave. Do detyroja të përçaheshin njerëzit. Unë bëj një postim në facebook dhe  personazhe afër kryetarit i thonë mos i bëni like, share’, thotë Braimllari.

Sa i përket dëshmisë së tij në SPAK për lobimin e LSI në SHBA, Braimllari thotë se kjo nuk është arsyeja e ndarjes me Metën.

‘Nuk besoj se ka qenë kjo. Në SPAK kam shkuar për të dhënë shpjegime. Dhe nuk kam merak të shkoj atje sa herë të më thërrasin. Nuk jam thirrur për procedurat e zotit Meta. Nuk ka lidhje zoti Meta që unë shkova. Po të ishte arsyeja e SPAK, nuk do isha kandidat për këshillin bashkiak, nuk do isha drejtues i fushatës së 14 majit’, nënvizon ish-nënkryetari i PL-së

Kreu i Partisë së Lirisë, Ilir Meta ka marrë pjesë në një takim me delegatë të forcës së tij politikë në kryeqytet, teksa ka folur edhe për Konventën e planifikuar për datën 27 prill.

“Rilindja, kjo farë e keqe do të shembet. Ka programuar shpopullimin e vendit. Ne i shërbejmë popullit tonë dhe si asnjëherë më parë gjithë vendi i ka sytë të konventa e PL.

Nëse ka kandidatë të tjerë le të dalin. Nëse ka një që hipën në paralele më lart se Ilir Meta, nëse zgjohet në herët se Ilir Meta, të vrapojë më shpejt se Ilir Meta. Epo tani sufllaqe nga qielli nuk bien më”, u shpreh Meta.

Analisti Skënder Minxhozi në emisionin ‘Real Story” foli për daljet e fundit të kreut të Partisë së Lirisë, Ilir Meta dhe gjuhën kërcënuese e përdorur nga ky i fundit.

Minxhozi u shpreh se Meta nuk po e kamuflon hallin e vetë, por bën të kundërtën duke e shpërfaqur, ndërsa shtoi se ka zgjedhur rrugën e ekspozimit të problemit.

“Imazhet…nuk thonë kot një foto sa një mijë fjalë. Janë deklarata dhe kërcënime të Metës. E re është pamja e Metës që më duket e lodhur dhe e dëshpëruar. Është një imazh që përputhet me humorin e tij. Po del në Shqipëri dhe po kërkon mbështetje, kur para ca kohësh u zhduk. Ky shpërthim është shumë i habitshëm. Si mund të dalë një person që të kujtojë më zor, përdor terma që do duhet të ishin vijë e kuqe për një politikan.

Ka zgjedhur rrugën e ekspozimit total të problemit . Bën llogari që tu thotë njerëzve ‘shihni që doli kjo që ju thashë?”. Ai nuk po e kamuflon hallin, por po e shpërfaq. Meta flet për roje nate, SPAK. Është një amok i zgjatur që është i vështirë pse duhet të jetë i tillë.”, tha ai

Gjatë fjalës së tij të radhës nga dritarja e shtëpisë, Sali Berisha paralajmëroi një tjetër protestë të opozitës këtë të premte.

Nga arresti i shtëpisë ai ftoi militantët e tij dhe të Ilir Metës që të mos lejojnë kthimin në vend të Erion Veliajt, i cili sipas tij ndodhet në Holandë.

“Erion Veliaj, sot nga Hanoveri shkon nesër në Holandë për të takuar hajdutët ku ka çuar paratë e inceneratorit. Askund në botë nuk do mund të kthehej në aeroport ky hajdut. Ndaj dhe betejë, betejë, betejë gjer në fitore. E premtja është dita e triumfit. Dita e fitores. Dita e ngadhënjimit. Dita e drejtësisë”, deklaroi Berisha.