Pas ambasadës amerikane, për protestën e opozitës përpara Bashkisë së Tiranës ka reaguar edhe delegacioni i BE-së.

Delegacioni i Bashkimit Europian ka dënuar dhunën në këtë protestë. BE shprehet se akte të tilla dhune nuk kanë vend në një shoqëri demokratike dhe nuk kanë të bëjnë fare me të drejtën legjitime për protesta paqësore.

“Ne dënojmë fort dhunën gjatë protestës së sotme në qendër të Tiranës, gjatë së cilës u hodhën mjete ndezëse të improvizuara në godinën e bashkisë. Akte të tilla nuk kanë vend në një shoqëri demokratike dhe nuk kanë të bëjnë fare me të drejtën legjitime për protestë paqësore”, thuhet në reagim.

“Ne dënojmë fort dhunën gjatë protestës së sotme në qendër të Tiranës, gjatë së cilës u hodhën mjete ndezëse të improvizuara në godinën e bashkisë. Akte të tilla nuk kanë vend në një shoqëri demokratike dhe nuk kanë të bëjnë fare me të drejtën legjitime për protestë paqësore”, thuhet në reagim.

Andi Bushati ka folur për shpërthimin e ditëve të fundit të Ilir Metës ndaj kreut të SPAK, Altin Dumani.

Bushati tha se sjellja e Metës nuk është normale, madje nuk do të ishte aspak normale nga asnjë qytetar dhe jo më nga një politikan i rangur të tij.

Por analisti deklaroi se edhe po ta konsiderojmë Metën një person që është “çmendur”, kjo tregon se edhe për një “të çmendur” është e qartë se si SPAK po shënjestron vetëm liderët e opozitës, duke amnistuar Ramën dhe Veliajn.

“Ato që ka bërë Ilir Meta nuk janë normale edhe për njeri të zakonshëm, jo më për një politikan të rangut të tij.

Këtu nuk është as anormaliteti i parë dhe as i fundit. Nëse duhet të bëjmë analizë politike, duhet ta lehtësojmë barrën nga analiza psikologjike, sepse përndryshe shumica janë për spital pesë.

Nuk merret as me ish pushtetarë përpara, si Fatos Nano përshembull. Merret vetëm me ish- pushtetarë që qëllon se janë edhe opozita e sotme. Edhe një i çmendur e kupton që këta normalët e SPAK-ut, vetëm godasin opozitën.

Tani, është i çmendur ky mbi tra, apo janë të çmendur këta fëmijët e heronjve tanë, që po çmendin gjithë Shqipërinë?”, tha Bushati.

Ambasadori i Shteteve të Bashkuara të Amerikës, Jeffrey Hovenier, pas takimit me presidenten e Kosovës, Vjosa Osmani, ka thënë se pret të arrihet një marrëveshje për çështjen e dinarit, teksa në Bruksel dështoi sërish takimi për çështjen.

“Shpresojmë që çështje e dinarit do të zgjidhet, por nuk e vë në dyshim autoritetin e Bankës Qendrore të Kosovës për të rregulluar sektorin financiar. Por, duhet pasur parasysh rendësin e këtij vendimi për qytetarët serbë. E vlerësojmë angazhimin për të gjetur zgjidhje për këtë çështje”, tha Hovenier para gazetarëve duke shtuar se ShBA-ja kërkon që të zbatohet marrëveshja e Brukselit/Ohrit nga Kosova dhe Serbia në mënyrë të plotë dhe pa vonesa.

Kujtojme se dje, pas takimit me Petar Petkoviç per dinarin, Zëvendëskryeministri i Kosovës, Besnik Bislimi tha nga Brukseli se qasja e Serbisë nuk ishte e duhura.

Bislimi tha se pala serbe në takim, “në mënyrë perfekte tregoi kotësinë dhe mosvërtetësinë e konstatimit të tyre të hershme që kemi një çështje urgjente ku disa qytetarë serb nuk kanë arritur të marrin benefitet e tyre”.

“Serbia ka ardhur me një propozim krejtësisht të ri duke dashur që situatën ta kthejë në pikën fillestare” – tregoi Bislimi, dhe ndersa shtoi se kjo s’është pranuar, kryenegociatori kosovar tha se “në fund Serbia ka pranuar që të kthehet tek ajo pikë ku është dashur të jemi sot, rrjedhimisht që në takimin e ardhshëm të diskutojmë kryekëput dhe ekskluzivisht mbi propozimin e palës evropiane”.

Anëtarët e Dhomës së Tregrisë dhe Industrisë Shqipëri-Japoni (AJCCI) u takuan ditën e djeshme me ambasadoren e re të Japonisë në Tiranë, SH.T.Znj Kikuko Kato.

Gjatë fjalës së tij, Presidenti i Dhomës së Tregtisë dhe Industrisë Shqipëri-Japoni, njëherazi edhe Konsull i Përgjithshëm Nderi i Japonisë në Shqipëri, z. Avni Ponari u shpreh ndër të tjera se, forcimi i marrëdhënieve të biznesit Shqipëri-Japoni është në fokusin e AJCCI.

Sipas z. Ponari, vizita e vjetshme në Japoni i dha një hov tjetër Dhomës me anëtarët që shtohen ditë pas dite.

Nga ana tjetër, ambasadorja Kato, teksa falenderoi z. Ponari për organizimin, tha gjatë fjalës së saj se, takimin me anëtarët e AJCCI e kishte kërkuar që me mbërritjen e saj në vendin tonë. Ndërsa shtoi se, edhe me kërkesë të ministrisë së jashtme në Tokio vëmendja ndaj Dhomës në veçanti dhe biznesit në përgjithësi do të jetë më e madhe.

Dhoma e Tregtisë dhe Industrisë Shqipëri-Japoni u çel dy vite më parë dhe ka për qëllim të favorizojë zhvillimin e marrëdhënieve tregtare mes dy vendeve. Rritjen e numrit të bizneseve dhe investimeve japoneze në vendin tonë dhe përthithjen e kulturës së punës nga një vend i zhvilluar si Japonia.

AJCCI synon gjithashtu të vendosë theksin në potencialet që paraqet vendi ynë për investitorët japonezë dhe afrimin e biznesit shqiptar me Japoninë, një ndër Top 3 ekonomitë botërore.

Për më shumë informacione:

Tel: +3554223308

Web: www.ajcci.al 

E-mail: [email protected]

Nga Ylli Pata

Edhe pse është e dukshme e nuk ka nevojë për të parë thellë paranoje e Ilir Metës ndaj prokurorisë Speciale, duket se mankthi më i madh i ish-presidentit është gjetkë.

Është një mankth, që po e përjeton sapo ka dalë nga Presidenca, dhe e sheh ditë për ditë t’i rrëshqasë toka nën këmbë.

Në një video që shfaqi përpara se të hynte të Fevziu të hënën, u ndal para një fotoje të Fatos Nanos me Sali Berishën, e tha se atëherë “legjendari” siç i thotë ai, tha frazën se “politika tani po bëhet tre polare”.

Ndërkaq, sot, fuqia politike e tij jo vetëm është bjerrur, por ditë pas dite relevanca po humbjet edhe mundësitë e vogla për të manovruar.

“Populli i 2 marsit” siç e quan Ilir Meta, masën e radikalëve të PD-së, të cilët pretendoi se do i ketë me vete, si reagim i afërsisë ndaj Berishës, e la në baltë më 25 prill 2021. Ku LSI-në e tij nuk e votuan më ata që me një telefon të Berishës, ja dhanë votat në qershorin e 2017-s për inat të Lulzim Bashës që bëri pakt me Edi Ramën.

Në çdo sondazh që është publikuar së fundmi, pëlqyeshmëria e Ilir Metës si personazh dhe kuota e partisë së tij PL është thuajse e barabartë. Vetë 2.5 përqind.

Një rezultat i cili del në thuajse të gjithë sondazhet që kanë publikuar televizionet, e sipas gjasave edhe në ato që bën vazhdimisht Ilir Meta, i cili përgjithësisht përdor profesionistë të fushës.

Pakti me Sali Berishën, të cilin tentoi ta shpëtojë me 6 mars 2022, por që më pas e fundosi më 14 maj 2023, pikërisht nga ajo katastrofë elektorale po ridimensionohet kjo aleancë. Sipas të gjitha gjasave, sidomos me ardhjen e deputetëve që i ikën Bashës, në partinë e Berishës nuk ka kush terezi të japë vota për Ilir Metën në vitin 2025. Ata kanë hallin të zgjidhen për vete në një përplasje të egër që do të kenë me PD e Lulzim Bashës dhe njerëzit e saj në bazë.

Në monologjet e çartura këto ditë, ku sulmon pa fre kreun e SPAK, Ilir Meta në mes rreshtave ka edhe një mesazh politik për të ardhmen e tij. Duke shënjëstruar qartë atë elektorat radikal të fanatikëve të Berishës që urrejnë SPAK dhe amerikanët.

Jam unë ai që do bëhem ministri i Brendshëm i Berishës për të marrë hak, sikur u thotë radikalëve fanatikë, të cilëve u shtoj se nëse nuk ka terezi “legjenda” për tu bërë kryeministër do bëhem unë.

Përjetimi i likuidimit politik është realisht mankthi më i madh për të, sidomos kur shikon numrin e vogël të fanatikëve që bëjnë peligrinazhin te “Rrugica e Shpresës” e që nuk ndikojnë fare në vendimet e gjykatave që kanë konfirmuar sekuestron e pronave dhe statusin e arrestit në shtëpi.

E sipas gjasave, kur e imagjinon rastin homolog ka mjaft arsye për tu trishtuar edhe më shumë.

Ilir Meta hyri në politikën e madhe si një pykë mes Fatos Nanos e Sali Berishës. LSI-ja e tij që pati në fillim një grup ish-drejtuesish socialistë më radikalë majtas, i mori një fetë jo të vogël së majtës në vitin 2005. Në zgjedhjet e 2009, LSI shpëtoi për një qime, ku mori 4 mandate të dala nga 74 mijë vota në rang kombëtar. Por ato 4 mandate ishin shumë për të mbajtur edhe 4 vjet Sali Berishën në pushtet. Pushtet, me të cilin mendoi dhe ja arriti të rrisë disa fish numrin e votave në 2 zgjedhjet që pasuan në 2013 dhe 2017. Vota që ishin klienteliste dhe interesi të lidhur me pushtetin, të cilat jo vetëm nuk kanë gjasa të kthehen më, por as rezultatin e 2021-shit nuk e arrin dot.

Ndaj do të bëjë rolin e një personazhi tik-toku alla reality shovv që ta mbajë në vëmendje sa të shtyjë. E në fund do të vijnë zgjedhjet, siç ndodhi 14 majin e shkuar, ku u pa qartë se kishte humbur shumican e votave të 2021. Nuk mundet realisht asnjë rithemelim i LSI apo PL që të rikthejë një jetë një trupë politike që nuk reagon më. Ndaj edhe mankthi i Ilir Metës më shumë se një dosje e hapur në SPAK, është mungesa e një partie për ta mbrojtur.