Connect with us

Kronike

Intervista e aktorit që i dha fund jetës së bashku me gruan shtatzënë

Florind Belliu i dha fund jetës së bashku me gruan shtatzënë, në një ngjarje që ka lënë të shokuar mbarë opinionin në Nju Jork, dhe veçanërisht komunitetin shqiptar atje.

Çifti la pas dy fëmijë të mitur të cilët ishin dëshmitarë të të gjithë skenës së rëndë.

Mund të jenë një sërë arsyesh që e kanë çuar Belliun drejt këtij akti të rëndë, ndërkohë që vetë ai ka pranuar kohë më parë se largimi drejt SHBA-së nuk i kishte realizuar atij ëndrrën që kishte, që të vazhdonte ëndrrën si aktor.

Në një intervistë të dhënë në 2020-tës, vetëm 4 vite pasi ishte larguar drejt SHBA-ve, Belliu ka treguar se kur është nisur nga Shqipëria ka qenë optimist se karriera e tij në Nju Jork do të ishte e mundur.

Vështirësitë ekonomike të fillimit, gjuha angleze, kanë bërë që 35-vjeçari të mos kishte suksesin e ëndërruar. Gjatë intervistës ai flet dhe për të qenurit baba dhe ndërtimit të familjes, ku edhe me doza humori thotë se “më zuri…”

“Nju Jorku është shumë i madh, fillimi ka qenë shumë i vështirë, pasi unë kur erdha, erdha me një ëndërr. Kur u nis avioni me mua, përpara tij u nis një avion tjetër me ëndrrën time. Kisha menduar, që unë do të shkoj dhe të bëhem një aktor i madh, e kam dashur këtë megjithë shpirt, thoja do të shkoj dhe një rol do ta bëj.

Al Paçinon e kam parë dy herë, shkova dhe unë për ta parë, ja shkova por çfarë ti thoja ‘jam aktor nga Shqipëria’. Gjëja e fundit që mendoja se do të ishte problem për ëndrrën time ishte gjuha, me mendjen time ishte do shkoj për dy vjet dhe do e mësoj gjuhën. Edhe mua më thënë të drejtën më zuri… (pjesa e familjes)

Unë jam i kënaqur me jetën këtu, se pavarësisht se kam pasur vështirësi në jetën profesionale, unë prapë nuk kam hequr dorë, po bëj një jetë sociale normale, dhe nga krahu tjetër po mundohem të prek sadopak ëndrrën time, kam bërë një shfaqje për komunitetin shqiptar, por nuk bëj më, një komunitet kështu.. mos më lini të flas më tej! Unë kam nisur dy libra një dramë dhe një komedi“, është shprehur ai gjatë intervistës.

Kronike

Vrau me thikë bashkëjteuesen dhe iku nga vendngjarja, Apeli jep vendimin për Ramiz Micin

Gjykata e Apelit ka lënë në burg të përjetshëm Ramiz Micin, që vrau bashkëjetuesen e tij Jetlira Elezin, për shkaqe xhelozie.

Mici, pasi kreu vrasjen e bashkëjetueses, iku nga vendngjarja.

Continue Reading

Kronike

Pamje/ Makina çan barrierat e rrugës, ‘fluturon’ në kanal

Një aksident ka ndodhur mesditën e sotme në afërsi të rrethrrotullimit të Kolonjës në daljen e rrugës për Bubullimë.

Mjeti tip Benz që udhëtonte nga Bubullima për në autostradë nuk ka mundur të hyjë në rrugë por ka shkuar drejt dhe pasi ka kaluar dy barrierat e hekurta që ndajnë autostradën, ka përfunduar në kanalin anësor të autostradës. Drejtuesi i mjetit K.H. është transportuar me urgjencë drejt spitalit të Lushnjës ku ndodhet nën kujdesin e mjekëve.

Nga të dhënat paraprake, dyshohet se drejtuesi i mjetit ishte me shpejtësi tepër të lartë dhe nuk ka kryer fare manovër frenuese por ka thyer dy barrierat e hekurta në autostradë.

Continue Reading

Kronike

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri

TIRANË- Pasuritë e dy shqiptarëve nga Kosova, Princ Dobroshit dhe Olsi Syziut, të cilët po hetohen nga autoritetet gjermane për trafik në sasi të mëdha nga Amerika Latine në Gjermani, janë sekuestruar nga SPAK.

Njoftimi i SPAK
‘Në zbatim të ligjit Nr. 10 192, datë 03.12.2009, “Për Parandalimin dhe Goditjen e Krimit të Organizuar, Trafikimit, Korrupsionit dhe Krimeve të tjera nëpërmjet Masave Parandaluese kundër Pasurisë”, të ndryshuar, Prokuroria e Posaçme kundër Korrupsionit dhe Krimit të Organizuar, ka regjistruar procedimin pasuror nr.5, datë 26.02.2024, në lidhje me pasuritë në zotërim të subjekteve Princ Dobroshi dhe Olsi Syziu, si dhe personave të lidhur me ta.

Subjekti i këtij procedimi pasuror Princ Dobroshi, shtetas i Republikës së Kosovës, aktualisht po hetohet nga autoritetet ligjzbatuese të Republikës Federale të Gjermanisë, për kryerjen e veprave penale “Trafikimi i paligjshëm i lëndëve narkotike në kuadër të grupit të organizuar kriminal”, parashikuar nga legjislacioni penal i Republikës Federale të Gjermanisë, pasi gjatë vitit 2020, ky shtetas së bashku me bashkëpunëtorë të tjerë, kishin planifikuar dhe kanë transportuar sasira të konsiderueshme lëndësh narkotike të llojit kokainë, nëpërmjet rrugës detare nga Amerika e Jugut për në Gjermani.

Gjithashtu nga burime të hapura, siç janë mediat online, si dhe informacioneve të partnerëve, rezultonte se Princ Dobroshi në vitin 1993, ishte kapur, dhe më pas ishte dënuar në Norvegji me 14 vjet burg për trafikim të heroinës.

Subjekti tjetër i këtij procedimi pasuror Olsi Syziu, shtetas i Republikës së Shqipërisë, aktualisht po hetohet nga autoritetet ligjzbatuese të Republikës Federale të Gjermanisë, për kryerjen e veprave penale të “Trafikimit të paligjshëm të lëndëve narkotike të një sasie të konsiderueshme”, si pjesëtar i një bande, parashikuar nga legjislacioni penal i Republikës Federale të Gjermanisë, pasi gjatë vitit 2020 dhe më pas, ky shtetas së bashku me bashkëpunëtorë të tjerë, kishin planifikuar dhe kanë transportuar sasira të konsiderueshme lëndësh narkotike të llojit kokainë nëpërmjet rrugës detare nga Amerika e Jugut për në Gjermani, si dhe ka shpërndarë lëndë narkotike  në Gjermani.

Subjektet e hetimit pasuror kanë lidhje krushqie me njëri tjetrin, pasi Princ Dobroshi ka për grua motrën e subjektit Olsi Syziu.

Nga hetuesit e Byrosë Kombëtare të Hetimit, janë bërë hetime në lidhje me pasuritë e fituara në mënyrë të paligjshme prej subjekteve Princ Dobroshi dhe Olsi Syziu, si dhe personave të lidhur me ta.

Pas kërkesës së Prokurorisë së Posaçme kundër Korrupsionit dhe Krimit të Organizuar me vendimin nr.10, datë 27.02.2024, Gjykata e Posaçme e Shkallës së parë për Korrupsion dhe Krimin e Organizuar, ka vendosur sekuestrimin e disa pasurive të luajtshme dhe të paluajtshme të subjekteve nën hetim pasuror Princ Dobroshi dhe Olsi Syziu, si dhe të personave të lidhur me ta.

Në zbatim të urdhërit të ekzekutimit të datës 29.02.2024, të Prokurorisë së Posaçme Kundër Korrupsionit dhe Krimit të Organizuar, nga oficerët e shërbimit të Policisë Gjyqësore në Departamentin e Policisë Kriminale në Drejtorinë e Përgjithshme të Policisë së Shtetit, në bashkëpunim me përfaqësuesit e Agjencisë për Administrimin e Pasurive të Sekuestruara dhe të Konfiskuara, Tiranë, janë sekuestruar pasuritë e poshtëshënuara:

1.    Dhjetë llogari bankare me gjendje në total rreth 133 000 (njëqind e tridhjetë e tre mijë) Euro;

2.    Pasuria e paluajtshme e llojit godinë banimi, me adresë, “Gjiri i Lalzit”, Draç, Durrës, me sipërfaqe: kati përdhe 92 m², kati i parë 97 m², kati i dytë 55 m² + verandë me sipërfaqe 42 m² dhe sipërfaqe e përbashkët 576 m², në pronësi të shtetases S.R;

3.    Pasuria e paluajtshme e llojit apartament me sipërfaqe 61.38 m², e regjistruar në emër të shtetasve Olsi Syziu, B.S, A.S dhe M.C (S), në Rezidencën “Kodra e Diellit”, Selitë, Tiranë;

4.    Pasuri e paluajtshme e llojit apartament, me sipërfaqe 95.96 m², e regjistruar në emër të shtetasve Olsi Syziu, B.S, A.S dhe M.C (S), në Rezidencën “Kodra e Diellit”, Selitë, Tiranë;

5.    Pasuria e paluajtshme e llojit apartament, me sipërfaqe 198.4 m2 banim, dhe dy poste parkimi, me sipërfaqe totale 234.1 m2 me adresë “Liqeni i Thatë”, Tiranë;

6.    Pasuria e luajtshme automjet i markës “Volvo”, modeli “XC 60”, viti i prodhimit 2015, ngjyrë e zezë, në pronësi të shtetases A.S.

7.     Shoqëria tregtare “SLAI”, me numër identifikimi tatimor (NIPT): M18330301H, me adresë në qytetin e Lezhës, si dhe me ortak të vetëm shtetasin Olsi Syziu.’- njofton SPAK.

Continue Reading

Kronike

EMRI/ U kap në shtëpi bari, djali ish-policit dënohet me burg në Britani

Djali i një ish-efektivi shqiptar është dënuar me burgim në Britani, pasi akuzohet për kultivim të bimëve narkotike në një shtëpi bari.

Bëhet fjalë për shtetasin Klajdi Toli 27 vjeç. Ai u kap duke u kujdesur për 1,339 bimë kanabisi, se bashku me një tjetër shqiptar Fabian Xhika 26 vjeç.

Klajd Toli, djali 27-vjeçar dhe Fabian Xhika, 26 vjeç, u arrestuan të dy në shtëpi bari, ndërsa ditën e djeshme (27 mars) u burgosën secili me 20 muaj burgim.

Dy të rinjtë pranuan para Gjykatës akuzat për kultivimin e lëndëve narkotike.

Continue Reading

Kronike

E zuri poshtë një ngarkesë që peshonte mbi një ton, humb jetën tragjikisht shqiptari në Itali (EMRI)

Një shqiptar i Kosovës ka humbur jetën tragjikisht në Itali

Ngjarja e rëndë ka ndodhur në vendin e punës. 52-vjeçari Nazmi Morina humbi jetën pasi u shtyp nga një ngarkesë që peshonte mbi një ton.

Incidenti ndodhe teksa ai punonte në kantierin e shtëpisë së të moshuarve Orzivecchi.

Sipas asaj që shkruajnë mediat italiane, Nazmi Morina po përdorte një vinç të vogël, duke lëvizur materialin, kur ngarkesa u lirua papritmas dhe e zuri poshtë. Fatkeqësisht ndihma e parë nuk mundi të bënte asgjë pasi ai humbi jetën menjëherë.

Morina kishte gati 20 vjet që jetonte në zonën e Breshias me gruan dhe 4 fëmijët e tij të

Continue Reading
Advertisement

TRENDING