Ironizon Meremen/ Spahiu: Nëse bëhesh kryeministre, do e bësh zv.ministër Berishën-VIDEO

Juristi Kreshnik Spahiu me ironi e ka pyetur Mereme Selën (të cilës iu pranua aplikimi për kandidate për kryetare të PD-së) se nëse zgjidhej kryetare e PD-së dhe më pas kryeministre, a do ta bënte Sali Berishën zëvendës-ministër.
Spahiu me ironi deklaroi gjithashtu se më shumë shanse ka Mereme Sela që ta mposhtë kryeministrin Edi Rama në zgjedhje, sesa Sali Berisha.

“Nëse zonja Mereme fiton për kryetare të PD-së dhe mendoj se është shumë pranë fitores, sepse jam i sigurtë që më shumë shanse ka zonja Mereme që ta sjellë në pushtet PD-në sesa Sali Berisha. Dhe duke qenë se më shumë shanse ka zonja Mereme ta sjellë në pushtet PD-në, do të doja të qartësoja ‘nëse ju zonja Mereme, nëse fitoni si kryetare e PD-së, do kandidoni për kryeministre? Dhe nëse fitoni edhe si kryeministre, do e bëni ministër Sali Berishën në qeverinë e ardhshme tuajën? Pra cili është vizioni juaj si kryeministre e ardhshme? Të paktën futeni Berishën ndonjë nivel zv.ministri apo drejtori, mos ta lini pa gjë’”, i tha Spahiu-Mereme Selës.