Klodiana Lala shpërthen: Hidh baltë se diçka do mbetet

Gazetarja Klodiana Lala ka reaguar me një mesazh të fortë në faqen e saj në Facebook, duke denoncuar atë që ajo e cilëson si një metodë mafioze për të goditur njerëzit që guxojnë të thonë të vërtetën.

Sipas Lalës, ndaj zërave kritikë përdoret shpesh strategjia e baltosjes, me shpresën se edhe kur akuzat nuk provohen, diçka do të mbetet në opinionin publik.

“Një nga metodat mafioze për t’u mbyllur gojën njerëzve që guxojnë të thonë të vërtetat është: hidh baltë se diçka do mbetet”, shkruan gazetarja.

Megjithatë, ajo thekson se ka parë shumë luftëtarë dhe luftëtare që nuk janë trembur përballë presioneve apo sulmeve, pasi besojnë në drejtësinë e kauzës së tyre.

“Sepse sado të përpiqen, kur je me të drejtën, e vërteta vonon, por nuk harron. Pikë!”, përfundon Lala.

Në reagimin e saj, gazetarja nuk përmend emra konkretë dhe as nuk sqaron nëse mesazhi lidhet me ndonjë ngjarje të caktuar, por deklarata përcjell një qëndrim të prerë kundër baltosjes dhe presionit ndaj personave që denoncojnë publikisht.