Kujdes! Vendi rrezikohet sërish nga stuhia! Ja ku paraqitet situata me problematike

Shqipëria pritet të përfshihet sërish nga stuhi të forta ere dhe shiu. Sipas sinoptikanëve e premtja, krahas erës së fuqishme do të ketë edhe rebeshe shiu.

“Rikthehen stuhitë e erës dhe rebeshet e shiut, fillojnë nga pjesa perëndimore, vija bregdetare dhe përfshin gjithë pjesën e territorit pothuajse i gjithë vendi”, tha sinoptikania, Lajda Porja.

Qarku i Vlorës prite të jetë më problematik ku shpejtësia e erës do të jetë mbi 85 km në orë.

“Era shumë e fortë mbi 85 km/orë do jetë në Vlorë, Sarandë, Gjirokastër dhe Korçë”, tha Porja.

Stuhitë e erës do të jenë prezentë në territorin shqiptar edhe ditën e hënë.

“Rikthehen stuhitë e erës të hënën, sepse është kjo masa e ftohtë nga Europa”, tha Porja.

Vetëm dy ditë më parë dy persona, një elektriçist që po punonte për rikthimin e energjisë dhe një peshkatar, humbën jetën nga stuhia që goditi vendin tonë.

Shirat të shoqëruara me erëra të forta shkaktuan edhe dëme të shumta materiale, kryesisht në jug./tvklan