Një qendër masazhesh e përshtatur për prostitucion është zbuluar nga policia e Tiranës. Në pranga ka rëndë M.H 28 vjeçe, menaxhere në një qendër masazhesh dhe është shpallur në kërkim 29-vjeçari M.XH.

Gjatë hetimeve ka rezultuar se M.XH administronte një qendër masazhesh, në Unazën e Re, me menaxhere M. H., dhe përveç aktivitetit të regjistruar ligjërisht si qendër masazhesh, ushtrohej edhe aktiviteti i kundërligjshëm i prostitucionit.

‘Specialistët e Seksionit për Hetimin e Krimeve të Komisariatit të Policisë Nr. 6, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, në vijim të punës për goditjen e paligjshmërisë, pas një pune të mirëfilltë hetimore, organizuan dhe finalizuan operacionin policor të koduar “Flower”.

Si rezultat i tij:

▪️u arrestua në flagrancë shtetasja M. H., 28 vjeçe, menaxhere në një qendër masazhesh;

▪️u proceduan në gjendje të lirë shtetaset E. H., 26 vjeçe, E. C., 35 vjeçe, K. O., 26 vjeçe, B. K., 25 vjeçe, punonjëse në qendrën e masazheve, dhe shtetasi L. Q., 49 vjeç, banues në Tiranë;

▪️u shpall në kërkim shtetasi  M. Xh., 29 vjeç.

Gjatë hetimeve të kryera ka rezultuar se, shtetasi M. Xh., administronte një qendër masazhesh, në Unazën e Re, me menaxhere shtetasen M. H., dhe përveç aktivitetit të regjistruar ligjërisht si qendër masazhesh, ushtrohej edhe aktiviteti i kundërligjshëm i prostitucionit.’- njofton policia.

Ambasada e Francës në Prishtinë ka thënë se Parisi zyrtar rekomandon që Qeveria e Kosovës të dorëzojë Draft-Statutin për Asociacionin në Gjykatë Kushtetuese, në një mënyrë e cila do të jetë e përshtatshme për antaresimin në KiE.

Sipas ambasadës, Statuti ka përkrahjen e plotë të vendeve që mbështesin dialogun e lehtësuar nga Bashkimi Evropian dhe theksoi se Drafti i BE-së deri tani paraqet bazën më të mirë dhe të vetme për themelimin e Asociacionit të Komunave me Shumicë Serbe.

Dërgimi i Draftit në Gjykatë Kushtetuese për interpretim, sipas Ambasadës së Francës, do jepte një sinjal të fortë të përkushtimit të Kosovës për ta themeluar atë dhe do të tregonte përkushtimin e Kosovës për të drejtat e pakicave, si një prej shtyllave të Këshillit të Evropës dhe në të njëjtën kohë do të një hap i mirëpritur për të siguruar përkrahje në rrugën drejt anëtarësimit në Këshill të Evropës.

Të njëjtin qëndrim për rrugën e anëtarësimit në Këshill të Evropës e kanë edhe Gjermania dhe Italia. Edhe emisari i SHBA-së për Ballkanin Perëndimor, Gabriel Escobar, ka thënë se SHBA s’ka votë në Këshill, por që Asociacioni dhe anëtarësimi në KiE janë të ndërlidhura.

Kryeministri Albin Kurti në një paraqitje nga mbledhja e Qeverisë së Kosovës e ka konsideruar si absurd kushtëzimin e anëtarësimit në KiE me themelimin e Asociacionit. Për më tepër, Kurti ka thënë se Draft Statuti i BE-së s’është dokument por vetëm një “non-paper”, meqë i njëjti s’është pranuar në takimin e dhjetorit që të nënshkruhet në kuadër të pakos ku përfshihet edhe Marrëveshja për Normalizim.

Ambasadori i Gjermanisë në Kosovë, Jorn Rohde, ka theksuar se agjenda e Këshillit të Evropës mund të ndryshohet në minutën e fundit, duke aluduar se votimi final i anëtarësimit të Kosovës në këtë organizatë ndërkombëtare mund të hyjë në agjendën e mbledhjes së Komitetit të Ministrave në KiE e cila pritet të mbahet më 16-17 maj.

Por, që një gjë e tillë të ndodhë Kosova sipas diplomatit gjerman duhet të bëjë një hap substancial në raport me Asociacionin – të paktën dërgimin e draft-statutit të këtij mekanizmi në Kushtetuese për shqyrtim.

Ndërkohë kryeministri i Kosovës, Albin Kurti, të mërkurën në mbledhjen e radhës së Qeverisë së Kosovës e ka quajtur “absurde” kërkesën e Gjermanisë dhe Francës që draft-statuti i Asocaicionit të dërgohet në Gjykatën Kushtetuese para anëtarësimit në KiE.

“Qeveria e Kosovës nuk mund të dërgojë dokumente të cilat s’i ka pranuar dhe që nuk janë zyrtare në Gjykatën Kushtetuese. Kjo kërkesë ndaj nesh ka qenë dhe mbetet absurde”, ka thënë Kurti.

NTV.AL, ditë më parë raportoi se Qeveria e Kosovës është pajtuar në parim me komunitetin ndërkombëtar që pas përkrahjes që ka marrë me 16 prill nga Asambleja Parlamentare e Këshillit të Evropës për anëtarësimin e Kosovës në këtë organizatë, të dërgojë deri më 10 maj për shqyrtim në Gjykatën Kushtetuese draft-statutin për Asociacionin.

Fushata kundër përfaqësuesit special të Departamentit Amerikan të Shtetit për Ballkanin Perëndimor, Gabriel Escobar, e cila është zhvilluar prej disa kohësh përmes portalit pro-shqiptar të internetit Frontliner, i regjistruar në Londër, politika editoriale e të cilit përkon në mënyrë interesante me pikëpamjet për aktualitin politik të qeverisë së Kosovës, vazhdoi me egërsi të pashuar, pavarësisht se diplomati me përvojë, ditë më parë kishte paralajmëruar se në fund të majit, sipas rotacionit të rregullt zyrtar, do të kalojë në një pozitë të re. Akuzat bombastike të Frontliner për gjoja korrupsion në lidhje me Escobarin, ku përmendet gruaja e tij dhe Ministria e Punëve të Jashtme e Serbisë, për të cilën, siç thuhet në shkrim, ai në fakt u hoq, janë mohuar absolutisht nga qeveria amerikane. Megjithatë redaksia e kësaj medie vazhdoi me një titull goditës që i jep një dimension të ri temës – “Nën rrethim: Sulmi i SHBA-së ndaj gazetarisë së pavarur në Kosovë”.

Frontliner, sipas redaktorit Vedat Dyimshiti, hetimi hodhi hije mbi neutralitetin e Escobarit në dialogun e ndjeshëm midis Kosovës dhe Serbisë, një rol që kërkon paanshmëri duke pasur parasysh historinë e vështirë të rajonit dhe ekuilibrin delikat të paqes.

Sipas redaktorit të portalit Kosovo Online, Millosh Gariç, “Është një rastësi shumë interesante që e gjithë kjo po ndodh në një kohë kur nga SHBA po vijnë kritika serioze për gjendjen e lirisë së mediave, korrupsionin dhe gjyqësorin në Kosovë, gjë që është krejt në kundërshtim me narrativën e shpallur për nivelet e larta të Demokracia e Kosovës, të cilat Albin Kurti i përmend shpesh. Sigurisht, politika e qeverisë aktuale të Kosovës në një masë të madhe ka ende mbështetjen e fuqishme të aleatëve perëndimorë, përfshirë Uashingtonin, kështu që kjo mund të dëshmojë për gjendjen jo shumë të mirë të lidhjeve të komunikimit në administratën amerikane.

Megjithatë, lind pyetja se si ekipi i Frontliner erdhi me idenë për të kryer një hetim mbi Gabriel Escobar. Çfarë i shtyu ata të hynin në “luftë” me qeverinë amerikane? Cili është roli i Albin Kurtit në gjithë këtë histori?

“Nuk është sekret që Kurti ka kohë që ka probleme në marrëdhëniet me përfaqësuesit e lartë amerikanë në Ballkan. Insajderët thonë se lideri i shqiptarëve të Kosovës përtej Atlantikut trajtohet si një politikan jo i besueshëm dhe ekstremist, me profil marksist-leninist, i cili nuk e mban fjalën dhe është i prirur për sjellje të pahijshme. Ajo që është atuti i tij, është vetëdija e plotë e tij se me këto sjellje politike, ai u siguron votuesve shqiptarë pjesën e nevojshme të kënaqësisë kombëtare” – ka theksuar  Gariç në një shkrim editorial.

Sipas tij, Berlini dhe Londra po i japin mbështetje të plotë Kurtit, kurse

në Uashington e kuptojnë se formimi i asociacionit është një kërkesë e arsyeshme e Serbisë.

“Dhe këtu kemi ardhur te historia e Gabriel Escobar. Asociacioni është një “mëkat” që Kurti me sa duket nuk mund ta falë. Mbeten ende të freskëta kujtimet e fjalisë së diplomatit amerikan: “Bashkësia e komunave serbe do të formohet me ose pa Kurtin”, edhe pse ka kaluar gati një vit pa rezultat konkret. Sigurisht që mediat shqiptare në Kosovë nuk e kanë të lehtë të sulmojnë hapur politikanë nga Uashingtoni. Është shumë më e lehtë ta bësh atë nga Londra. Edhe pse tashmë në fund të mandatit, Frontliner e tërhoqi zvarrë Eskobarin nëpër baltë me hetimin dhe “gjetjet” e tij, por akuzat ndaj Escobar mund të jenë një hipotekë e pavolitshme dhe një barrë për këdo që e pason. Besimi se Amerika do të jetë gjithmonë gati për t’i mbështetur dhe për të dalë në mbrojtje të interesit të Shqipërisë së Madhe, me sa duket u jep lirinë disa njerëzve të godasin ata, nga dora e të cilëve hëngrën, sot Escobarin, nesër ndoshta edhe vetë Joe Biden” – ka potencuar redaktori i portalit Kosovo Online, Millosh Gariç.

Tentativa e kryeministrit të Kosovës Albin Kurti, për të shmangur “elefantin në dhomë”, duke refuzuar te dërgojë draftstatutin e Asociacionit në Gjykatën Kushtetuese si kusht për anëtarësim në Këshillin e Evropës dhe deklarimi i tij se çështja e këtij mekanizmi nuk qenka e ndërlidhur me pranimin e Kosovës në KiE, nga ish-deputetë të Lëvizjes Vetëvendosje dhe ambasadorë po shihet si “manipulim me opinionin publik” dhe jep indikacione “për zgjedhje të parakohshme”.

Në këndvështrimin e Afrim Kasollit, pretendimet e Kurtit se procesi i anëtarësimit të Kosovës me Këshillin e Evropës me atë të zbatimit të themelimit të Asociacionit nuk kanë lidhje njëra tjetrën, “janë të paqëndrueshme”.

Sipas tij, Kurti duke mos e dërguar draftstatutin në Kushtetuese ka për qëllim që të krijojë përshtypjen se kjo është qeveria e vetme e cila “pa kompromise me Serbinë” ia del që të anëtarësojë shtetin në organizata ndërkombëtare.

Kasolli u shpreh gjithashtu se shihet qartë qe i pari i Qeverisë së Kosovës, ka vendosur që ta shndërrojë edhe këtë temë në agjendë të brendshme elektorale, duke e ekspozuar veten si lider që nuk bënë kompromise me demokracinë dhe se nuk pranon shantazhe nga Perëndimi.

“Prandaj, tani si vetmitar, ai do që të shndërrohet në mbrojtësin heroik të Kosovës. E tërë kjo dramë, nuk paraqet asgjë tjetër, përveçse transformimin e politikës së jashtme të shtetit, në një lojë të brendshme elektorale për përfitime momentale” – ka potencuar Kasolli.

Nga ana tjetër, diplomati dhe themeluesi i ambasadës së Kosovës në Romë, Albert Prenkaj, tha se me dërgimin e Asociacionit në Kushtetuese, Kurti do të humbiste kartën kryesore për fushatën e parakohshme elektorale.