Florian Marku rikthehet në ring pas 373 ditësh, për të kërkuar fitoren e radhës ndaj irlandezit Dylan Moran.
Boksieri kuqezi do të zhvillojë në Manchester sfidën e 14-të në boksin profesionist, me besimin se do të vijojë të ruajë statusin si i pathyeshëm.
Pas një dëmtimi që e la jashtë ringut për më shumë se 12 muaj Marku është rikthyer i gatshëm për të arritur një tjetër sukses.
Për “SuperSport”, Marku tregon se kundërshtari që ka përballë ka shprehur dëshirën që të boksojë me të prej shumë kohësh.
“Mezi e kam pritur këtë ndeshje, u bë gati 1 vit që jam jashtë ringut që nga ndeshja në Tiranë. Kam qenë i dëmtuar dhe rikuperimi ka zgjatur shumë kohë. Irlandezi që kam përballë më ka dërguar një mesazh para 2 vitesh në rrjetet sociale. ‘Florian mezi pres të ndeshemi bashkë, e meritoj të ndeshemi bashkë’. Tre muaj më parë menaxheri më mori dhe më tha që kemi ndeshje me këtë kundërshtar. Pasi i pash profilin dhe mesazhet, jam i gëzuar është një kundërshtar i mirë. Është stërvitur me Mc Gregor, e ka mik. Nuk e di nëse do të vijë për ta ndjekur, por kushdo të vijë do jemi unë përballë tij në ring e do i tregoj se sa i përgatitur jam.”
30-vjeçari është besimplotë se këtë ndeshje do ta mbyllë para kohe, pasi ai është i uritur më shumë se kurrë për të arritur fitoren.
“Do jetë një ndeshje shumë e fortë. Jam shumë i përgatitur dhe u garantoj se ai person nuk ka rastisur kurrë dikë në ring si unë, që e do kaq shumë fitoren e do ta shohë. Mbi gjithçka është fitorja, po jam shumë gati dhe nuk besoj se kundërshtari do të rezistojë dot gjithë ato raunde në ring. Duart i kam mirë, jam i shëndetshëm, pa dëmtime siç kam pasur në disa ndeshje, mezi pres të shtunën, ndeshja do të flasë vetë, do e shikoni.”
Marku ka vetëm një mesazh për irlandezin, të cilin e pret të shtunën në ring me çdo kusht.
“Mesazhi që do i nis: Të lutem shpresoj që të vish të shtunën, uroj mos të kesh ndonjë problem, dëmtime, sëmundje, temperaturë. Uroj të vijë në ring të shtunën e gjërat e tjera do ja them në ring.”
Lushnjari beson shumë se së shpejti ai do të arrijë të garojë për një titull kampion bote, për të bërë krenar të gjithë shqiptarët.
“Një titull të madh botëror. Me ndihmën e zotit do të ndodhë, pasi nuk ka boksier në botë që të jetë më i mirë se unë, nëse jam i shëndetshëm dhe duart i kam mire të shtunën e në vijim, kryesorja është e shtuna e pastaj do flasim për më tej.”
Sfida mes Florina Markut dhe Dylan Moran do të zhvillohet të shtunën më datë 2 shtator.
Lionel Messi vazhdon të shkruajë historinë e futbollit botëror, ndërsa tashmë është duke lënë gjurmë në edhe në kampionatin amerikan, MLS.
Vetëm gjatë një ndeshje, atë të Inter Miami ndaj New York Red Bulls, që përfundoi me fitoren 6-2 të vendasve, sulmuesi argjentinas shënoi një gol dhe dhuroi pesë asiste, duke u bëri i pari lojtar që e arrin një statistikë të tillë në futbollin profesionist.
Lionel Messi është bërë i pari lojtar në historinë e futbollit që ka arritur statistikën e 1200 gola +asist (833 gola dhe 372 asiste në 1058 ndeshje), ndërsa sa i përket vitit 2024 në 11 ndeshje argjentinasi ka shënuar 12 gola dhe ka dhuruar 11 asiste./ Supersport
Real Madrid fitoi 3-0 ndaj Cadiz, në ndeshjen e vlefshme për La Liga. Los Blancos vendosën ndeshjen vetëm në pjesën e dytë, me mysafirët që rezistuan 45 minuta.
Diaz zhbllokoi takimin, ndërsa Bellingham dhe Joselu ndezën akoma më shumë festën në shkallët e stadiumit. Me këtë rezultat, madrilenët vazhdojnë të marshojnë drejt titullit kampion.
UEFA më në fund ka vendosur edhe detajet se si do të jenë përbërjet e skuadrave pjesëmarrëse në EURO 2024. Sipas agjencisë “ANSA”, kërkesa e trajnerëve është pranuar, duke çuar në 26 numrin e futbollistëve për çdo ekip pjesëmarrës. Por jo vetëm kaq.
Të njëjtat burime bëjnë të ditur se ky vendim shoqërohet edhe nga ai sipas të cilit trajnerët do të kenë të gjithë lojtarë në dispozicion, pra duke “zgjeruar pankinat” që të gjithë lojtarë të jenë në stol gjatë ndeshjes dhe jo duke çuar 3 në tribunë siç ndodhi për EURO 2020.
Për më tepër, gjithçka do të jetë me të drejtë zgjedhje. Trajnerët do të kenë mundësi të grumbullojnë nga 23, deri në 26 lojtarë për aktivitetin, sipas dëshirës së tyre. Ndaj do të jetë në dorën e Silvinjos për të zgjedhur nëse do të marrë 26 futbollistë me vete në Gjermani, apo nëse do i qëndrojë besnik idesë së tij që me 23 lojtarë përgatitet më mirë aktiviteti.
RREGULLORJA – Sipas rregullores që UEFA ka vendosur për Kampionatin Europian, lista që trajnerët e kombëtareve do të zgjedhin duhet të dorëzohet më datën 7 qershor dhe pas kësaj dite nuk mund të ndryshohet asnjë lojtar për arsye të thjeshtë. Por, vetëm në rastin se dikush dëmtohet, atëherë çdo kombëtare ka të drejtë ta zëvendësojë, por vetëm një lojtar.
Pasi e ka kryer këtë zëvendësim në listë, e vetmja lëvizje që mund të bëjë është në portë. Nëse një portier dëmtohet, çdo skuadër ka të drejtë të marrë një tjetër, edhe pse Europiani mund të ketë filluar. Kështu, shumica e ekipeve kanë lënë një takim miqësor më datën 6-7 qershor dhe pas ndeshjes të vendosin për listën përfundimtare që do të dorëzojnë.
Pasi mbylli bashkëpunimin me Romën, e ardhmja e Jose Mourinhos është shndërruar në një nga temat më të nxehta për median sportive.
Luzitani ka disa opsione ndërsa një prej tyre është edhe rikthimi në Portugali te Benfica.
Megjithatë, vetë Mourinho kërkon që për momentin të mos japë asnjë të dhënë për eksperiencën e radhës teksa i pyetur për Benficën në një event të mbajtur në Portugali, theksoi se këto lloj pyetjesh nuk i duken etike.
“Benfica? Ju lutem mos më bëni pyetje të tilla sepse më shkatërroni fundjavën. Nuk më pëlqen aspak, sidomos kur bëhet fjalë për një klub që e ka një trajner. Gjithmonë e kam mbajtur veten larg sjelljeve të tilla që për mua nuk janë aspak etike”, u shpreh Mourinho./ Supersport
Federata Angleze e Futbollit ka pezullar për dy muaj mesfushorin e Newcastle, Sandro Tonali. Shkak për këtë vendim është bërë përfshirja e italianit në baste sportive, të cilat nuk lejohen për futbollistët profesionistë.
“Mesfushori i Newcastle, Sandro Tonali, është pezulluar për dy muaj nga futbolli konkurrues nga një Komision Rregullator i pavarur pasi vetëdeklaroi shkelje të Rregullave të basteve të FA”.
“Ai gjithashtu është gjobitur me 20,000 paundë dhe është paralajmëruar nga FA për sjelljen e tij në të ardhmen”.
“Periudha e ndalimit është pezulluar plotësisht për kohëzgjatjen e sezonit 2024-25, që do të thotë se ai do të jetë në dispozicion për t’u rikthyer në futbollin konkurrues pas përfundimit të një sanksioni ekzistues dhjetë mujor të vendosur nga Federata Italiane e Futbollit (FIGC) më 27 tetor 2023”.
Piu kafe me kunatën më pas u hodh në lumin Bunë me tre fëmijët, detaji tronditës
“Pse s’më fute kokë më kokë me Romeon?”/ Kërkesa e Meritonit habit Eglën
Akuzohet se çoi drejt vetëvrasjes vajzën e tij, reagimi gjakftohtë i babait
Hap i pakthyeshëm/ Daçiç: Ndërkombëtarët po i bëjnë presion Kurtit për…
Zhdukja e nënës me fëmijët/ Arrestohet bashkëshorti, policia: E mitura u vetëmbyt nga dhuna e ushtruar nga babai
“Narciste e frikshme”/ Krist Aliaj komenton romancën Romeo-Heidi
Ergys Arrazi kishte një lidhje tjetër, i kërkonte bashkëshortes të dalë nga shtëpia
Përplasje e fortë mes Arbrit dhe Julit, opinionisti: I ke përdorur gocat
