Politike

Minxhozi: Duhet t’u thoni boll Berishës e Bashës

Analisti Skënder Minxhozi dhe deputeti demokrat, Ervin Salianji, patën një debat teksa po flisnin për situatën në PD. Minxhozi thotë se demokratët duhet të kërkojnë vazhdimisht largimin e Berishës dhe Bashës nga kjo forcë politike.

Salianji theksoi se këtë gjë e ka kërkuar por shton se nuk mund ta shmangin vëmendjen nga qeveria dhe të bëjnë opozitë kundër opozitës. Ai thotë se Berisha ka shumicën dhe se Rama nuk mund të rrëzohet dot pa votat e mbështetësve të tij. Minxhozi shtoi se partia s’ka liderë dhe do të humbë sërish.

Minxhozi: Ideja është këtu që nuk prisja dhe nuk pres, më dëshpëron paksa që asnjë nga ata që është në platenë e PD-së sot, në të gjitha llojet e PD-ve, nuk del dhe të thotë ‘basta’ me këto dy persona.

Salianji: E kanë thënë…

Minxhozi: Duhet thënë tamam, në mënyrë të përsëritur, jo ta thuash njëherë dhe më pas t’i bësh skip 10 herë. Duhet ta kesh sjellje politike….

Salianji: Domethënë ta shmangim vëmendjen nga qeveria dhe ta mbajmë këtu….Unë jam votuar që të bëj opozitë ndaj qeverisë dhe jo opozitë ndaj opozitës.

Minxhozi: Po nuk kërkove të tretin….

Salianji: Ka një periudhë ku bëhet betejë edhe luftë, ka një periudhë ku bëhet paqe.

Minxhozi: Janë bashkë të gjitha…

Salianji: Nëse ka fushata siç ishin edhe ato brenda partiake, u bënë dhe mbaruan.

Minxhozi: Të erdhën zgjedhjet prapë….

Salianji: Këto zgjedhje e ka përcaktuar votuesi se kush është shumicë dhe kush pakicë.

Minxhozi: Shumicë brenda oborrit…

Salianji: Shumicë a është Sali Berisha apo jo

Minxhozi: Nuk ke kundërshtar Lulzim Bashën apo Berishën. Ke Edi Ramën. Ju nuk keni dalë akoma nga oborri i 8 Janarit.

Salianji: Kemi kundërshtar Ramën. Sali Berisha tek ky oborr që quani ju shumicë, ju thoni se të paktën ju mund të fitoni me atë duke qenë pakica….

Minxhozi: Të kanë mbaruar liderët. Të janë lodhur kuajt e betejës. Nuk e fiton dot garën….7 bashki keni marrë në maj, 30 mandate do të merrni në zgjedhjet parlamentare.

Politike

Vizitorët nga Britania hapin sezonin e kroçierave në Durrës, Rama ndan pamjet: Shqipëria po vizitohet në të gjitha format

Kryeministri Edi Rama ka shpërndarë ditën e sotme në rrjetet sociale disa pamje ku shfaqen turistë nga Britania që kanë zbarkuar në Shqipëri me kroçierë.

Sipas kreut të qeverisë ky është një ogur i mirë dhe tregon se vendi po vizitohet në të gjitha format.

“Këtë të diel mirëpritëm vizitorët e parë të cilët zyrtarizojnë edhe nisjen e këtij sezoni turistik me kroçiera, ku 50 turistë britanikë kanë mbërritur mëngjesin e sotëm me kroçierën “Monet” për të vizituar Durrësin dhe sitet turistike të Tiranës, Krujës e zonave përreth, si ogur i mirë për këtë vit turistik ku Shqipëria po vizitohet nga të gjitha anët e në të gjitha format

Rreth 20 mijë turistë britanikë kemi mirëpritur në tre muajt e parë të këtij viti, duke u bërë një prej tregjeve me rritjen më të shpejtë të flukseve turistike për Shqipërinë”, u shpreh Rama.

Politike

5 Maji, Rama homazhe te “Varrezat e Dëshmorëve”, ja kush e shoqëron

Sot më 5 Maj përkujtohen të rënët e Shqipërisë. Kryeministri i vendit, Edi Rama bashkë me figura të tjera të politikës në vend kanë qenë të pranishëm në kryerjen e homazheve te “Varrezat e Dëshmorëve”, mes tyre kryeparlamentaren Lindita Nikolla. Po ashtu në ceremoni merrte pjesë dhe kreu i Bashkisë së Tiranës, Erion Veliaj.

Te monumenti “Nënë Shqipëri” u vendosën buqeta me lule.

Kujtojmë se kjo ditë përkujtimore zanafillën e ka te vrasja e Qemal Stafës në 5 Maj të 1942, e në nderim të kontributit të tij të madh në Luftën Antifashiste Nacional-Çlirimtare u caktua Dita e Dëshmorëve. Në këtë datë kujtohen dhe nderohen të gjithë trimat që luftuan për Shqipërinë e lirë.

Politike

Meta homazhe të Varrezat e Dëshmorëve: PL duhet t’i dalë për zot vendit

Presidenti i Partisë së Lirisë, Ilir Meta mbajti sot homazhe te Varrezat e Dëshmoreve, ku në shenjë nderimi për të rëndët në luftë, vendosi kurora me lule.

Ai pas homazheve u ndal në një prononcim për mediat, ndërsa nënvizoi faktin se sa me rëndësi është atdheu.

“Për lirinë duhet të sakrifikosh, madje duhet të punosh që ta ruash atë. Ishte kënaqësi që të vendosja kurorë me lule bashkë me Silva Cakën. Apo dhe Petrit Vasilin. Jemi këtu sepse besojmë te shenjtëria e gjakut të dëshmorëve. Besoj shumë te atdheu, dhe ai na duhet të jetojmë të lirë. Themeluesit e kësaj force politike 20 vite më parë, krijuan një forcë të re politike. Kjo forcë politike duhet t’i dalë zot vendit dhe mbi të gjitha atdheut. Ndaj kemi në fokus 5 prioritete kryesore për 4 milionë shqiptarë.”, tha Meta.

Politike

Presidenti Begaj i uron Pashkët besimtarëve ortodoksë:

Bashkë me urimin për Pashkë të bekuara e të gëzuara kreu i shtetit përcolli mesazhin e bashkimit dhe mbështetjes së njëri-tjetrit në nevojë, duke shpërndarë besim dhe optimizëm në shoqërinë shqiptare.

Mesazhi i plotë i Presidentit të Republikës për Pashkët:

“Gëzuar Pashkën, ditën e besimit dhe të shpresës për të gjithë besimtarët ortofoksë shqiptarë!

Kjo festë e shenjtë përbashkon sot kudo te gjithe besimtaret ortodoksë.
Pashkët na ftojnë të kemi besim e të jemi shpresëplotë për jetën.
Të mbështesim vëllazërinë, miqësinë e shoqërinë në të mirë e në të keq.
Pashkët simbolizojnë dritën e jetës, ngadhnjimin e jetës mbi vdekjen.
Qirinjtë që besimtarët ortodoksë marrin nga flaka e kandilit në kishë dhe e çojnë në shtëpitë e tyre sonte kanë marre me vete shpresën, besimin dhe optimizmin për një jetesë të paqtë, të gëzuar e plot shëndet.
Ringjallja e këtyre tre elementeve është shumë e rëndësishme për shoqërinë tonë.
Pashkë të bekuara e të gëzuara për të gjithë besimtarët ortodoksë shqiptarë kudo po i festojnë!

Politike

Sot Pashkët ortodokse, ja urimi i kryeministrit Rama

Kryeministri Edi Rama e ka nisur ditën e sotme me një urim për besimtarët ortodoksë, të cilët festojnë Pashkët. Përmes një mesazhi, kreu i qeverisë ka publikuar një foto nga ceremonia e festimit të Pashkëve.

“MIRËMËNGJES
Gëzuar Pashkët Ortodokse ”, shkruan Rama.

Kujtojmë se Pashkët festohen në mbarë botën nga besimtarët ortodoksë.