Politike

Ndoka: Trekëndëshi Tiranë-Durrës-Elbasan, ndëshkim për sektin Rama-AliBasha

Kreu i PDK, Nard Ndoka, tha se zgjedhjet e 14 majit do të sjellin surpriza, ndërsa shtoi se trekëndëshi Tiranë, Durrës dhe Elbasan do të jetë ndëshkimi për atë që e quan “sekti Ramën-AliBasha”.

Ai tha se kandidatët e dalë nga Primaret do të mund të dalë fitues në këto zgjedhje.

Ndërkaq, ai tha se të vetmen bashki që sheh me shqetësim, është ajo e Mallakastrës.

“Të gjitha partitë që janë në opozitë, mbështesin kandidatët e Primareve. Unë shoh një PD ndryshe, edhe në organizim jemi mësuar që kandidatët të shpalleshin në limitet kohore, përzgjedhja e tyre vinte me probleme, ndërsa sot këtë proces e kemi ezauruar.

Bejko është kandidat i sektit AliBasha, ndërsa PD drejtohet nga Berisha, në aspektin politik, ndërsa në aspektin e letrave… Ndikimi do të jetë 0, nuk mund të them që nuk mund të prishin punë në ndonjë bashki, por ka optimizëm dhe ka votë ndëshkuese.

Mallakastra mund të ketë një lloj rezultati që mund të ndikojë, ndërsa në Bashkitë e tjera nuk shoh rrezik. Do të ketë surpriza në këto zgjedhje. Trekëndësha Tiranë, Durrës, Elbasan do jetë ndëshkim për sektin Rama-AliBasha”, tha ai.

Ndërkohë premtimet e kryeministrit Rama i sheh vetëm si marra në një situatë paniku, para zgjedhjeve.

“Rama është mashtrues, dhe këto premtime si i alkoolizuar prej frikës, në panik, në prag të fushatës, krijojnë një gropë të madhe. I bën premtime të parealizueshme dhe nëse realizohen me këtë aventurë që a ai, do të krijojnë një gropë të madhe. Qytetarët e kuptojnë që është mashtrim, dhe mendoj se ndëshkimi do të jetë më i madh”, tha ai.

Related Topics:durres Kreu i PDK nard ndoka politike sekti Ramën-AliBasha Tirane zgjedhjet e 14 majit

Politike

Vizitorët nga Britania hapin sezonin e kroçierave në Durrës, Rama ndan pamjet: Shqipëria po vizitohet në të gjitha format

Kryeministri Edi Rama ka shpërndarë ditën e sotme në rrjetet sociale disa pamje ku shfaqen turistë nga Britania që kanë zbarkuar në Shqipëri me kroçierë.

Sipas kreut të qeverisë ky është një ogur i mirë dhe tregon se vendi po vizitohet në të gjitha format.

“Këtë të diel mirëpritëm vizitorët e parë të cilët zyrtarizojnë edhe nisjen e këtij sezoni turistik me kroçiera, ku 50 turistë britanikë kanë mbërritur mëngjesin e sotëm me kroçierën “Monet” për të vizituar Durrësin dhe sitet turistike të Tiranës, Krujës e zonave përreth, si ogur i mirë për këtë vit turistik ku Shqipëria po vizitohet nga të gjitha anët e në të gjitha format

Rreth 20 mijë turistë britanikë kemi mirëpritur në tre muajt e parë të këtij viti, duke u bërë një prej tregjeve me rritjen më të shpejtë të flukseve turistike për Shqipërinë”, u shpreh Rama.

Politike

5 Maji, Rama homazhe te “Varrezat e Dëshmorëve”, ja kush e shoqëron

Sot më 5 Maj përkujtohen të rënët e Shqipërisë. Kryeministri i vendit, Edi Rama bashkë me figura të tjera të politikës në vend kanë qenë të pranishëm në kryerjen e homazheve te “Varrezat e Dëshmorëve”, mes tyre kryeparlamentaren Lindita Nikolla. Po ashtu në ceremoni merrte pjesë dhe kreu i Bashkisë së Tiranës, Erion Veliaj.

Te monumenti “Nënë Shqipëri” u vendosën buqeta me lule.

Kujtojmë se kjo ditë përkujtimore zanafillën e ka te vrasja e Qemal Stafës në 5 Maj të 1942, e në nderim të kontributit të tij të madh në Luftën Antifashiste Nacional-Çlirimtare u caktua Dita e Dëshmorëve. Në këtë datë kujtohen dhe nderohen të gjithë trimat që luftuan për Shqipërinë e lirë.

Politike

Meta homazhe të Varrezat e Dëshmorëve: PL duhet t’i dalë për zot vendit

Presidenti i Partisë së Lirisë, Ilir Meta mbajti sot homazhe te Varrezat e Dëshmoreve, ku në shenjë nderimi për të rëndët në luftë, vendosi kurora me lule.

Ai pas homazheve u ndal në një prononcim për mediat, ndërsa nënvizoi faktin se sa me rëndësi është atdheu.

“Për lirinë duhet të sakrifikosh, madje duhet të punosh që ta ruash atë. Ishte kënaqësi që të vendosja kurorë me lule bashkë me Silva Cakën. Apo dhe Petrit Vasilin. Jemi këtu sepse besojmë te shenjtëria e gjakut të dëshmorëve. Besoj shumë te atdheu, dhe ai na duhet të jetojmë të lirë. Themeluesit e kësaj force politike 20 vite më parë, krijuan një forcë të re politike. Kjo forcë politike duhet t’i dalë zot vendit dhe mbi të gjitha atdheut. Ndaj kemi në fokus 5 prioritete kryesore për 4 milionë shqiptarë.”, tha Meta.

Politike

Presidenti Begaj i uron Pashkët besimtarëve ortodoksë:

Bashkë me urimin për Pashkë të bekuara e të gëzuara kreu i shtetit përcolli mesazhin e bashkimit dhe mbështetjes së njëri-tjetrit në nevojë, duke shpërndarë besim dhe optimizëm në shoqërinë shqiptare.

Mesazhi i plotë i Presidentit të Republikës për Pashkët:

“Gëzuar Pashkën, ditën e besimit dhe të shpresës për të gjithë besimtarët ortofoksë shqiptarë!

Kjo festë e shenjtë përbashkon sot kudo te gjithe besimtaret ortodoksë.
Pashkët na ftojnë të kemi besim e të jemi shpresëplotë për jetën.
Të mbështesim vëllazërinë, miqësinë e shoqërinë në të mirë e në të keq.
Pashkët simbolizojnë dritën e jetës, ngadhnjimin e jetës mbi vdekjen.
Qirinjtë që besimtarët ortodoksë marrin nga flaka e kandilit në kishë dhe e çojnë në shtëpitë e tyre sonte kanë marre me vete shpresën, besimin dhe optimizmin për një jetesë të paqtë, të gëzuar e plot shëndet.
Ringjallja e këtyre tre elementeve është shumë e rëndësishme për shoqërinë tonë.
Pashkë të bekuara e të gëzuara për të gjithë besimtarët ortodoksë shqiptarë kudo po i festojnë!

Politike

Sot Pashkët ortodokse, ja urimi i kryeministrit Rama

Kryeministri Edi Rama e ka nisur ditën e sotme me një urim për besimtarët ortodoksë, të cilët festojnë Pashkët. Përmes një mesazhi, kreu i qeverisë ka publikuar një foto nga ceremonia e festimit të Pashkëve.

“MIRËMËNGJES
Gëzuar Pashkët Ortodokse ”, shkruan Rama.

Kujtojmë se Pashkët festohen në mbarë botën nga besimtarët ortodoksë.