Connect with us

Aktualitet

‘Pasaportat e arta’, BE thirrje Shqipërisë: Rrezikoni…

Shqipëria duhet të frenohet nga zbatimi i Programit të Pasaportës së Artë të njohur edhe si Skema e Shtetësisë së Investitorëve dhe të shfuqizojë bazën ligjore për një program të tillë, duke aplikuar ndryshime të reja në Ligjin për Shtetësinë.

Ky rekomandim erdhi nga Komisioni Europian në raportin e tij të pestë në kuadër të mekanizmit të pezullimit të vizave. Komisioni thekson se avancimi në një program të tillë mund të çojë në pezullimin e regjimit të vizave.
Ky rekomandim vjen teksa projekti i Marinës së Jahteve në Durrës, filloi në 8 dhjetor shitjen e apartamenteve dhe për blerësit potencialë të huaj në projektin “Marina & Jahtet e Durrësit” pritet që të bëhet një ligj i veçantë, që tu japë atyre nënshtetësinë.

Sipas Monitor, në marrëveshjen kuadër “Jahtet dhe Porti i Marinës” mes qeverisë shqiptare dhe konsorcumit të Eagle Hills Real Estate Development, Albanian Seaports Development Company, sh.a., dhe Nshmi Development L.L.C”, për projektin e investimit strategjik “Marina & Jahtet e Durrësit” parashikohet që: “Investitorët e huaj që blejnë drejtpërdrejt nga prona e Investitorit Strategjik në Projekt, do të kenë të drejtë të aplikojnë për shtetësi dhe/ose rezidencën e përhershme të Republikës së Shqipërisë bazuar në blerjen e tyre nga Investitori Strategjik, nëse kjo shumë e blerjes përmbush kriteret, kushtet dhe regjimin specifik që do të përcaktohet nga një vendim i Këshillit të Ministrave në bazë të kësaj Marrëveshjeje dhe të plotësimit të kritereve të kërkuara nga Legjislacioni i Zbatueshëm”.

Që prej vitit 2020 qeveria po përpiqet të zbatojë një plan për pasaportat e arta për të huajt dhe investitorët. Në fund të korrikut 2022, qeveria bëri disa ndryshime në ligjin për partneritetet publiko-private (PPP) duke shtuar programet e shtetësisë. Vendimi mundëson punësimin e firmave private për të promovuar këtë skemë tek të huajt.

Aktualitet

U arrestua për korrupsion/ GJKKO lë në burg zyrtarin e Kadastrës Shtetërore

Gjykata e Posaçme ka lënë në masën e sigurisë arrest me burg për zyrtarin e Kadastrës Shtetërore Dritan Stoka. Stroka u vu në pranga dy ditë më parë së bashku me Agim Osmanin.

Stoka arrestua për korrupsion në zgjedhje, pasi iu premtonte qytetarëve kryesisht të zonës së Saukut legalizim të banesave në këmbim të votave. Po ashtu GJKKO ka ndryshuar masën e sigurisë dhe për ish-kryeplakun e lagjes së re në Sauk, Agim Osmanin, nga “arrest shtëpie” në “detyrim paraqitje”.

Dritan Stoka dhe Agim Osmani u arrestuan gjatë ditës së premte pas aksionit të policisë me urdhër të SPAK. Ata akuzohen për korrupsion zgjedhor gjatë zgjedhjeve vendore të vitit 2019. Sipas hetimeve të SPAK, në atë kohë rezultoi se Dritan Stoka dhe Agim Osmani, kanë kryer veprat penale “Ushtrimi i ndikimit të paligjshëm ndaj personave që ushtrojnë funksione publike” dhe “Korrupsioni aktiv në zgjedhje”.

Continue Reading

Aktualitet

Shkëmbim kokë më kokë të shënjestrave dhe para/ Pazaret Bajri-Dumani për vrasje

Prishja e pazarit mes të “fortit” të Shkodrës Behar Bajri dhe vrasësit me pagesë nga Sinaballaj, Nuredin Dumani, për ekzekutimin me 1.2 milion euro të Genci Tafilaj dhe Dorian Dulit, ka zhvendosur palët në një marëveshje tjetër.

Ku këtë herë nuk do ishte në lojë vetëm sasia e madhe e parave, por dhe shkëmbimi i hasmëve për tu vrarë, nga secila palë.

Në dosjen me Nr.9 që njihet për publikun si dosja “Metamorfoza”, ku aktualisht të pandehur janë marë 10 persona dhe 8 të tjerë janë shpallur në kërkim, tregohet i qartë pazari që kanë bërë dy personazhet e njohur të botës së krimit, për vrasjen e Dorian Dulit dhe Talo Çelës.

Është një pazar, ku shkëmbehen kokë më kokë dy njerëz të planifikuar për tu vrarë nga secili grup kriminal.

Një pjesë të kësaj marëveshje, në dosjen “Metamorfoza” SPAK e ka dokumentuar edhe përmes dëshmisë së bashkëpuntorit dhe vrasësit me pagesë, Nuredin Dumani.

Sipas rrëfimit të tij në “Metamorfoza”, në momentin kur i ka kërkuar Behar Bajrit 1.2 milion euro për vrasjen e Dorian Dulit dhe Genc Tafilaj, Behari ia ka shfaqur një reagim duke i thënë Dumanit se: “…ça thua mër vlla, unë 1.200.000 euro nuk i jap sikur të më çohen ato që kanë vdek…”.

Për shkak të këtij reagimi, Dumani ka treguar për llogari të dosjes nr.9, se Behar Bajri nuk paguante para për të kryer vrasje dhe nisur nga kjo situatë, ai ka hedhur idenë e një marëveshje tjetër, duke i kërkuar që këtë punë kriminale ta bënin me ndrim, kokë më kokë.

“…unë do të godisja kë donin “Bajrat”, Dorian Dulin, Licin e Tafilin, ndërsa “Bajrat” do më gjenin Talo Çelën.

Këtë kërkesë ja kam bërë pasi kisha informacione që “Bajrat” kishin lidhje me Suel Çelën dhe Talo Çela qëndronte pranë Suelit.

Bajri, pranoi ta bënin me këmbim dhe premtuan që do e gjenin Talon, dhe kërkonin që unë ti vrisja Dorian Dulin…”-ka treguar Nuredin Dumani.

Veë kësaj më tej në rrëfimin e tij për llogari të dosjes “Metamorfoza”, Dumani ka treguar se:
”…Behari më ofroi edhe para që të bëja vrasjen, duke më ofruan 200.000 për të bërë vrasjen, por unë i kam kërkuar që paratë t’ja jepnin djemve, ku me djem i referohesha Henrik Hoxhës dhe Skerdi Tases.

Behari, ra dakord me dhënë 200 mijë euro. Paratë nuk mi solli, por e kemi lënë që për çdo gjë do flisnim në aplikacionin “SkyEË”.

Në këtë kohë, Behari gati përditë më pyeste se çfarë po bëja. Dua të shtoj, se gjatë kohës që flisia me Behar Bajrin, unë kam komunikuar me Aleksandër Bahon në aplikacionin “SkyEË”, kodin nuk ja kujtoj por pseudonimin Sandri, e ka patur “SA”.

Aleksandër Baho, me pati thënë që Genc Tafilin do ma gjente ai. Aleksandri më ka informuar që Genc Tafili lëvizte me një VE “Golf 7 R32”, e cila ishte një makinë e shpejtë.

Duke marrë këtë informacion nga Aleksandri, i kam kërkuar Beharit që të më gjente një makinë të fuqishme dhe ai më ofroi një “Mercedes Benz” 500 kupe, të cilin unë ja kërkova të ma sillte në Milot dhe i kam thënë të rrinte gati e të ma sillte kur ta kërkoja, për dy apo tre ditë.

Aleksandër Baho, gjatë kësaj kohe më ka mbajtur me informacione për Dorian Dulin dhe Genc Tafilin. Goditja e Dorian Dulit dhe Genc Tafilit, nuk u realizua asnjëherë pasi Aleksandri nuk konfirmoi ditë apo orë takimi të tyre.

Behari sa herë që flisnim intersohej se çfarë po bëhej. Behari ndonjëherë më thoshte që kishte edhe grupe të tjera, por ma kishin dhënë mua si punë.

Ai madje u shprehte se nuk kishte gjë me Dorian Dulin dhe Ibrahim Licin, por kërkonte që tu vrisnin se ata ishin ngatarruar me punët e tyre.

Dua të saktësoj, në një moment të komunikimit në “SkyEË” midis meje dhe përdoruesit të Behar Bajri, unë kam dyshuar që përdoruesi të jetë Behar Bajri nga shkrimi dhe mënyra e komunikimit.

E kam pyetur se kush ishte ai?. Përdoruesi më është përgjigjur që ishte djali xhaxhait së Beharit. Datën nuk e kujtoj…”.

Tashmë SPAK ka finalizuar hetimin dhe çështje ditësh dosjen “Metamorfoza”, do e kalojë për gjykim në gjykatën e posaçme, duke shpalosur 234 prova shkresore, duke përfshirë dhe një seri dëshmitarë, si ish-drejtuesi i komunës Velipojë, Nikoll Marku, e deri tek deklarimet e dy gjyqtarëve të Shkodrës, Besmir Struka dhe Sokol Shehu.

Mes emrave të vënë nën akuzë, është Drejtuesi i prokurorisë së Kukësit, Xhevahir Lita, Drejtuesi i Operacionales në Policinë e Shtetit, Oltian Bistri, biznesmeni i lojrave të fatit Pëllumb Gjoka, dhe kreu i klanit “Bajri” në Shkodër, Behar Bajri, Nuredin Dumani, ish-zv/drejtori i Policisë Shkodër Ardrit Hasanbegaj, Astmer Bilali, shoferi i Gjokës, Edmond Preka, Nehat Fojleta dhe Sabjan Troshani.

/Ora News

Continue Reading

Aktualitet

Të veshur me të zeza/ Hamasi publikon videon rrëqethëse të dy pengjeve izraelite që po mbahen në Gazë prej 7 tetorit

Hamasi, grupi i shpallur organizatë terroriste nga Shtetet e Bashkuara dhe Bashkimi Evropian, publikoi një video të shtunën të dy pengjeve izraelite, të cilët është duke i mbajtur në Rripin e Gazës prej 7 tetorit.

Videoja është e xhiruar ngjashëm sikur videot e kaluara të pengjeve që i kishte bërë publike grupi radikal palestinez. Këto video janë dënuar nga Izraeli si “terrorizëm psikologjik”.

Dy burrat, të identifikuar si Keith Siegel 64 vjeç, dhe Omri Miran 47 vjeç, flasin ndaras në këtë video. Ata u shprehën dashuri familjarëve të vet dhe kërkuan të lirohen, sipas REL.

Mirani ishte rrëmbyer nga shtëpia e tij në komunitetin Nahal Oz në sy të bashkëshortes dhe dy fëmijëve të vet të rinj gjatë sulmit vdekjeprurës të Hamasit në jug të Izraelit më 7 tetor, e cila e nxiti luftën në Gazë.

Siegel, i cili ka shtetësi amerikane dhe izraelite, u rrëmbye bashkë me gruan e vet nga një qytet tjetër kufitar. Bashkëshortja e tij u lirua më vonë gjatë një armëpushimi të shkurtër në nëntor.

Videoja e tyre u publikua të shtunën gjatë festës së Pashkëve izraelite.

Për një çast duke folur, Siegel shpërthen në lot duke e kujtuar kremtimin e kësaj feste së bashku me familjen vitin e kaluar dhe duke shpresuar se do të bashkohet me ta.

Rreth 250 izraelitë dhe të huaj u rrëmbyen në jug të Izraelit nga Hamasi dhe u dërguan në Rripin e Gazës.

Gjatë marrëveshjes së nëntorit Hamasi i liroi 105 pengje – shumica e të cilëve gra dhe fëmijë – në shkëmbim të një armëpushimi njëjavor dhe lirimit të 250 të burgosurve palestinezë nga burgjet izraelite.

Besohet se edhe 133 pengje janë duke u mbajtur ende në Gazë, prej të cilët 30 mendohet se kanë vdekur.

Bisedimet indirekte mes Izraelit dhe Hamasit për ta siguruar lirimin e pengjeve të mbetura po vazhdojnë tash e shumë javë.

Hamasi e ka hedhur poshtë propozimin e kaluar për një armëpushim gjashtëjavor në këmbim të lirimit të 40 pengjeve.

Ky grup thotë se marrëveshja duhet të përfshijë armëpushim të përhershëm, tërheqje të plotë të ushtrisë izraelitë nga Gaza dhe kthimin e të zhvendosurve në shtëpitë e tyre.

Por, Izraeli ngul këmbë se do t’i vazhdojë sulmet ushtarake derisa ta mposhtë Hamasin dhe se do ta vazhdojë praninë ushtarake në Gazë edhe pas luftës.

Lufta e Izraelit në Gazë kundër Hamasit nisi pasi pjesëtarët e këtij grupi i vranë rreth 1.200 njerëz, kryesisht civilë, dhe i rrëmbyen rreth 250 të tjerë gjatë atij sulmi në jug të Izraelit.

Më shumë se 34.000 palestinezë janë vrarë, prej të cilëve dy e treta fëmijë dhe gra, si pasojë e luftës izraelite në Gazë prej atëherë, sipas zyrtarëve shëndetësorë palestinezë.

Continue Reading

Aktualitet

Tritoli ndaj gjyqtarit/ KLGJ: Ky akt përbën kërcënim serioz për gjithë shoqërinë

Këshilli i Lartë Gjyqësor ka reaguar në lidhje me krimin e regjistruar në orët e para të mëngjesit të kësaj të diele, ku iu vendos tritol derës së oborrit të banesës së gjyqtarit Tonin Sterkaj, ku nga shpërthimi pati vetëm dëme materiale.

KLGJ përcjell shqetësimin për këto akte që sipas saj, cenojnë rëndë sigurinë e gjyqtarit dhe përbëjnë kërcënim serioz për gjithë shoqërinë shqiptare. KLGJ dënon aktin kriminal dhe i kërkon organit të akuzës hetimin, zbardhjen e ngjarjes dhe të nxjerrë para përgjegjësisë ligjore personat e përfshirë.

Dyshimet e para të grupit hetimor janë se motivi i ngjarjes lidhet për shkak të detyrës së gjyqtarit Tonin Sterkaj. Ai është gjyqtar pranë Gjykatës së Shkalles se Parë të Juridiksionit të Përgjithshëm Shkodër.

Reagimi i KLGJ-së:

Duke marrë shkas nga informacionet e përcjella nga media e shkruar dhe vizive si edhe bazuar në informacionin paraprak të Policisë, ditën e sotme lidhur me ngjarjen e ndodhur në banesën e magjistratit z. Tonin Sterkaj, me funksion gjyqtar në Gjykatën e Shkallës së Parë të Juridiksionit të Përgjithshëm Shkodër, Këshilli i Lartë Gjyqësor përcjell shqetësimin për këto akte që cenojnë rëndë sigurinë e gjyqtarit dhe përbëjnë kërcënim serioz për gjithë shoqërinë shqiptare.

Këshilli i Lartë Gjyqësor dënon aktin kriminal dhe i kërkon organit të akuzës hetimin, zbardhjen e ngjarjes dhe të nxjerrë para përgjegjësisë ligjore personat e përfshirë.

Këshilli i Lartë Gjyqësor i shpreh mbështetjen të gjithë gjyqtarëve të sistemit gjyqësor për të garantuar sigurinë e tyre, në mënyrë që të ushtrojnë detyrën pa frikën e kërcënimeve, pasi respektimi i funksionit dhe dinjitetit të tyre, është parakusht për një proces të rregullt ligjor, për një sistem drejtësie efektiv dhe efikas, por edhe për funksionimin normal të shtetit të së drejtës.

Continue Reading

Aktualitet

Të mërkurën rikthehet shiu dhe vazhdon disa ditë, si pritet të jetë moti javën e ardhshme

Për javën që presim përpara, vendi ynë do të ndikohet nga kushte atmosferike relativisht të qëndrueshme pasi fillimi i javës parashikohet me mot me diell dhe temperatura relativisht të larta por më pas nisin edhe reshjet e shiut.

Në këtë mënyrë, sipas Shërbimit Meteorologjik Ushtarak, për ditën e Hënë dhe atë të Martë moti parashikohet i kthjellët në të gjithë territorin si dhe temperatura disa gradë më të larta për periudhën që ndodhemi.

Më pas duke filluar nga dita e Mërkurë dhe deri ditën e Premte pritet një paqëndrueshmëri e kushteve atmosferike. Moti parashikohet me kthjellime si dhe vranësira mesatare deri të dendura të cilat do të shoqërohen me reshje shiu të herëpashershme dhe kryesisht intensitet të ulët. Në periudha afatshkurtra këto reshje do të jenë me intensitet deri dhe mesatar në formën e shtrëngatave.

Era përgjatë këtyre ditëve do të fryjë me drejtim kryesor nga kuadrati i jugut e lehtë dhe shpejtësi mesatare 1-5 m/s ndërsa përgjatë vijës bregdetare dhe zonat luginore ajo hera-herës bëhet relativisht intensive dhe shpejtësi deri në 8-12m/s.

Continue Reading
Advertisement

TRENDING