Kronike

Reagimi i analistit Endri Tafani për rastin e vajzës që vrau veten

Sot në kuadrin “e zbardhjes të plotë të së vërtetës” qarkullonte në internet foto e viktimes që vrau veten pasi i kishin publikuar foto intime. Nga së shtyhen ata që e bëjnë këtë gjë ka plot shpjegime psikologjike, por që të gjitha tregojnë për një shoqëri të sëmurë që ka humbur busullën e moralit.

Meqë jemi në temën e ruajtjes së privatësisë. Ka dhe një fenomen tjetër të ngjashëm për të cilin flitet pak ose aspak. Publikimi i screenshoteve të bisedave, whatsapp messenger. etj. hyn në të njëjtën kategori imoraliteti.

Nëse dikush të bezdis me çfarë të shkruan apo nis në ato aplikacione, bëji bllok. Nëse dikush të kërcënon, bëji kallëzim penal në polici.

Publikimi i bisedave “për t’ia nxjerrë bojën” është thjesht një “hakmarrje” për ta dëmtuar tjetrin publikisht e ngjashme me publikimin e fotove intime që ashtu si publikimi i screenshoteve ka po të njëjtin qëllim, cenimin e figurës morale të personit në publik. Dikujt mbase mund t’i duket ndryshe, por të dyja sjelljet janë të ngjashme dhe moralisht të dënueshme.

Është e vërtetë që morali në shoqëri ndryshon me kalimin e kohës, por që një shoqëri të funksionojë si një e tërë në harmoni, duhet të ketë disa piketa të përbashkëta.

Është mirë që të niset një diskutim publik mbi këto piketa e t’i vendosim, përndryshe do jemi nën mëshirën e çdo rryme te imponuar apo importuar nga jashtë që do na çojë në çoroditje totale dhe mungesë kohezioni social për të reaguar si një shoqëri.

Related Topics:Analisti arrestohet foto intime reagim tiktok

Kronike

Dy makina përplasen me njëra-tjetrën, plagoset shoferja (Detajet)

Një aksident ka ndodhur në vendin e quajtur “ Ura e Mbrostarit” në hyrje të Fierit. Mësohet se 2 automjete “ Tip Nisan” dhe “Wolsvagen“ janë përplasur me njëra-tjetrën ndërsa ka pasur vetëm me dëme materiale. Bëhet me dije se drejtuesja e mjetit “Wolsvagen” ka marrë lëndime të lehta dhe është dërguar në spitalin rajonal të Fierit ku mori ndihmën mjekësore.

Në vendngjarje kanë mbërritur policia dhe grupi hetimor të cilët po punojnë për zbardhjen e shkaqeve të këtij aksidenti.

Kronike

Tiranë, sherr me armë të ftohta, vihet në pranga një person! 34-vjeçari përfundon në spital

Një 32-vjeçar është arrestuar nga policia e kryeqytetit pasi u konfliktua me një shtetas tjetër, duke e plagosur me mjet prerës.

Ngjarja ndodhi mbrëmjen e djeshme në rrugën ‘Kadri Roshi’ në Tiranë. Shërbimet e komisariatit nr.6 menjëherë shkuan në vendngjarje ku kishte mbetur i plagosur V.B., 34 vjeç banues në Tiranë, i cili ndodhet në spital jashtë rrezikut për jetën.

Ndërkohë vijoi puna për kapjen e autorit dhe në u bë e mundur vënia në pranga e E.L., 32 vjeç, banues në Tiranë.

Si rezultat, u kap dhe u arrestua shtetasi E. L., 32 vjeç, banues në Tiranë, për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.

Nga veprimet hetimore dyshohet se 32-vjeçari, mbrëmjen e djeshme, gjatë një konflikti për motive të dobëta, ka plagosur me mjet prerës shtetasin V. B., 34 vjeç, banues në Tiranë, i cili ndodhet në spital, jashtë rrezikut për jetën.’, thuhet ndër të jera në njoftimin e policisë.

Mësohet nga policia se konflikti mes dy personave nisi për motive banale, ndërkohë materialet proceduriale i janë kaluar Prokurorisë.

Kronike

Skenë e filmuar/ Atentati ndaj Agustin Kazës në një kafe në Bruksel, ngjarja dyshohet për…

Detaje të tjera dalin në dritë pas atentatit me armë zjarri ndaj një 44-vjeçari shqiptar në Bruksel.

Një ditë pas krimit, Agustin Kaza ndodhet në gjendje kome dhe se autoritetet dyshojnë se pas atentatit qëndrojnë çështje kanunore.

Autori është filmuar nga kamerat e sigurisë dhe pritet që ngjarja të zbardhet shumë shpejt. Paraprakisht dyshohet për vrasës me pagesë.

Policia shqiptare ka kërkuar informacion nga autoritetet belge.

Kronike

VIDEO/ Autori eci drejt dhe u kthye me shpejtësi për të qëlluar, publikohen pamjet nga atentati ndaj 44 vjeçarit

Një 44-vjeçar, Agustin Kaza është qëlluar me armë zjarri në trotuarin e një kafeneje në pronësi të një shqiptari mbrëmjen e djeshme (28 prill) në Bruksel rreth orës 22:30.

Mediat e huaja bëjnë me dije se në policia ka gjetur një person të plagosur me armë zjarri kur ka mbërritur në zonën e njohur në rrugën Joseph Brand.

Në videon e publikuar, shihet momenti i atentatit me armë zjarri kur një person me kapuç ka ecur në trotuarin para kafenesë dhe papritmas ka nxjerrë armën nga dora duke qëlluar disa herë ndaj shënjestrës, identiteti i të cilit nuk bëhet me dije.

I plagosuri ndodhet në gjendje të rëndë për jetën ndërsa ende nuk dihet nëse është shtetas shqiptar.