Politike

Rindërtimi – Rama inspekton Shkollën “Bedrie Bebeziqi dhe një nga 12 pallatet e reja

Programi i Rindërtimit të objekteve arsimore po mundëson rifunksionimin e qindra shkollave, të shkatërruara në themel nga fatkeqësia e nëntorit të shkuar. Një prej tyre, shkolla 9 vjeçare “Bedrie Bebeziqi“ e cila pësoi të njëjtin fat si shumë objekte të rrënuara në Durrës, po ringrihet më e fortë, më e bukur dhe më e sigurt, në qendër të qytetit.

Shkolla e re do të ofrojë kushtet më optimale për 450 nxënës. Për të inspektuar ecurinë e punimeve të saj ishte sot në Durrës, Kryeministri Edi Rama.

“Është një objekt, i cili u dëmtua nga fatkeqësia dhe rindërtimi nisi menjëherë me shembjen e objektit. Janë 450 nxënës që do të akomodohen në këtë godinë. Janë 12 klasa, 4 laboratorë. Objekti zhvillohet në 4 dhe në 5 kate. Shkolla është e pozicionuar në qendër të qytetit. Korridori është me klasa të pozicionuara në një anë të tij, duke marrë dritë kështu nga të dy anët. Korridori është me shkallë emergjence dhe shkolla do të ketë një oborr të brendshëm”, – u shpreh Kryetarja e Bashkisë së Durrësit, Emiriana Sako.

Shkolla 9 vjeçare “Bedrie Bebeziqi” do të jetë gati për nxënësit dhe stafin e mësuesve brenda muajit janar.

Në Durrës ka nisur ndërtimi i 12 pallate të reja në të njëjtin vend ku pallatet e vjetra e të dëmtuara nga tërmeti i nëntorit të vitit të kaluar u shembën. Puna për ndërtimin e tyre ka nisur tashmë dhe ritmi i punimeve është i lartë, teksa në gjithë bashkinë e Durrësit janë 2084 familje që do të marrin një apartament të ri.

Kryeministri Rama, i shoqëruar nga ministri i Shtetit për Rindërtimin, Arben Ahmetaj dhe nga kryetarja e Bashkisë së Durrësit, Emiriana Sako, inspektuan punën në një nga pallatet që do të ringrihet më i fortë, më i madh, më i bukur se ai para tërmetit shkatërrimtar. “Ky është pallati i dytë që ka filluar në Durrës. Në qytet do ndërtohen 12 të tilla, që kanë ardhur nga kërkesa e banorëve për të mos u spostuar dhe për t’u bërë në të njëjtin vend. Në total janë 597 apartamente në këto 12 objekte. Po t’i shtojmë Spitallën dhe objektet që do ndërtohen në njësitë administrative dhe në Manzë kemi në total 2084 apartamente në gjithë qytetin e Durrësit”, – tha kryebashkiakja Sako.

Kjo godinë e re do të jetë me 7 kate, ku kati i parë do të jetë i dedikuar për njësi tregtare, ndërsa 6 katet e tjera do të jenë për banim. “Sot kemi në Durrës përfaqësuesin më të lartë të kompanisë nga Emiratet e Bashkuara që ka marrë përsipër ndërtimin e gjithë 2000 apartamenteve. Baza do jetë në lagjen e re që do ndërtohet në Spitallë dhe njëkohësisht, edhe këto godinat e tjera të pikëzuara siç i quajmë ne, individuale, pallate që do ndërtohen aty ku faktikisht janë shembur, do të jenë pjesë e të gjithë projektit që së bashku me kompaninë e famshme të Emirateve do ta çojmë përpara”, – theksoi Kryeministri.

“Kjo ka qenë një periudhë shumë intensive pune, – vijoi Kryeministri – sepse dihet sa shtresa ka kjo punë, që nga pastrimi i shesheve deri tek ndërtimi, por në këtë rast kemi pasur edhe problemin e hartimit të gjithë rrugës së marrëveshjes me qeverinë e Emirateve, që e firmosëm para pak ditësh kur ishim atje. Ata menjëherë kanë çuar njerëzit dhe ka ardhur vetë drejtuesi më i lartë i kompanisë për të vijuar punën. Ndërkohë jemi shumë të lumtur, sepse njëkohësisht është konfirmuar dhe shprehja e vullnetit për të filluar transformimin kolosal të Portit të Durrësit, që do të thotë transformim kolosal i Durrësit, që do të ketë një impakt të jashtëzakonshëm, sepse do të transformohet në një port turistik. Ndërkohë do të ndërtohet porti i ri dhe me këtë partner që kemi mund të jemi të bindur që do kemi një nga portet më të bukura turistike të Mesdheut në Durrës. Kështu që të gjithë ato që vijnë mbrapa nga pikëpamja ekonomike janë jo thjesht me impakt për Durrësin, por për gjithë Shqipërinë, si investim që shkon në mbi 2 miliardë dhe vetëm atje, pa llogaritur investimin e portit të ri, punësimet e të gjitha me radhë”.

Politike

Monika Kryemadhi: Nuk na rruhet as për burgun, as për SPAK

Monika Kryemadhi ka mbajtur një fjalë të fortë sot gjatë mbledhjes së Komitetit të Partisë së Lirisë, duke mos kursyer sulmet e ashpra dhe të drejtpërdrejta ndaj bashkëshortit të saj, Ilir Meta.

Kryemadhi e nisi fjalimin e saj duke kritikuar metodat e Metës për të luftuar atë që e quan “nepotizëm” në parti, duke e akuzuar se i ka mbyllur derën e PL-së jo vetëm asaj, por edhe shumë vajzave dhe djemve që i quan “tradhëtarë”.

Kryemadhi tha se ndihet e keqardhur kur sheh se si Ilir Metës po i “shkërmoqet imazhi”, teksa ai e mendon veten jo si lider, por si roje partie.

Në fund, teksa bëri thirrje për hapjen e partisë, Kryemadhi nuk ngurroi të tregojë vendosmërinë e saj: “Nuk më rruhet as për burg e as për SPAK”, tha ajo.

Pjesë nga fjala e Kryemadhit:

Nepotizmi është një metodologji për të larguar njerëzit që kanë dhe meritat e tyre. Në një parti politike, servilizmi dhe të qenurit dakord i mbyllin derën asaj partie politike. Ju kanë mbyllur derën një pjesë të madhe tuajën, dyert e LSI-së prej 2017-ës kanë qenë të mbyllura.

Prioritetet e PL-së nuk janë përjashtimet, por janë hapja, përfshirja. Edhe për të mësuar nga gabimet e Monika Kryemadhit.

PL në këndvështrimin tim nuk ka nevojë për prerje kokash, se nuk ka çfarë koka të presë. Nuk ka nevojë për gra dhe vajza që përdoren dhe ngrihen kundër njëra tjetrës, por gra dhe vajza që i japin dorën njëra-tjetrës. Votat nuk bëhen as me like dhe as me share.

Ka dhimbje, kur shikojnë se si shkërmoqet imazhi i Ilir Metës, kryetari i partisë nuk është roje, është lider. Sot më shumë se kurrë, kemi nevojë për hapje, për mendim të ri, për të riformatuar. Faji nuk është jetim, fajin do e marr unë.

Dua t’ju falenderoj edhe për ndihmën morale që më jepni edhe në telefon secili veç e veç, edhe pse keni frikë për të më uruar edhe ditëlindjen. Në një parti politike, nepotizmi nuk është fatkeqësi, se partia jonë është një parti që bazën e ka te familja.

Unë nuk besoj te lideri, unë besoj te institucioni. Shumë nga ju thonë do shkosh në burg, nuk më rruhet fare për burgun dhe SPAK-un. Por një gjë të keni të qartë, halli im nuk është halli juaj. Halli juaj është halli im.

Politike

Reagimi “en bloc” i ndërkombëtarëve për protestën para Bashkisë, Këlliçi: Ne nuk jemi vend i botës së tretë

Pas reagimeve në seri të ambasadave perëndimore në Tiranë në lidhje me protestën e opozitës para bashkisë së kryeqytetit ku u përdor edhe molotov, një nga organizatorët e protestës, Belind Këlliçi iu përgjigj me fotografi të protestave të fermerëve në Bruksel pak muaj më parë. Ai bën apel që evropianët të pranojnë të njëjtin standard si në Shqipëri.

“Një përshëndetje për të gjithë qytetarët shqiptarë kudo janë dhe partnerët ndërkombëtarë, me foto nga protesta e fermerëve e zhvilluar vetëm 2 muaj më parë, më 26 shkurt 2024, në Bruksel, ngjitur me zyrat qendrore të Bashkimit Evropian. Të gjithë ndërkombëtarët e veçanërisht evropianët, duhet të pranojnë në Shqipëri të njëjtin standard që pranojnë për vendet e tyre. Ne NUK jemi dhe NUK mund të trajtohemi si një vend i botës së tretë!”, shkruan ai.

Politike

Sondazhi: PD e bashkuar nuk duhet të ketë në koalicion të madh PL-në e Metës

Për të kuptuar se çfarë mendojnë qytetarët për organizimin e opozitës përpara zgjedhjeve të përgjithshme të 2025, Barometri në Euronews Albania ju ka drejtuar një tjetër pyetje për koalicionin e madh kundër qeverisë që qytetarët konfirmojnë si një lëvizje të duhur të opozites.

“Nëse bashkohet PD a duhet të bëhet pjesë e këtij bashkimi edhe Partia e Lirisë në një koalicion të madh kundër qeverisë“

Shumica e qytetarëve nuk duan që Partia e Lirisë të jetë pjesë e këtij bashkimi.

Janë 56,6 % që janë përgjigjur jo kësaj pyetje duke shprehur kundërshti me bashkimin e partise së lirisë me Partinë Demokratike në një front opozitar, dhe 32,2 % që janë dakord me idenë e bashkimit të Partisë së Lirisë me PD në një front opozitar. 11.3 % janë përgjiggjur nuk e di në këtë pyetje

Politike

Lela: Kemi parë një PL që nuk e dinim ku ishte, ka një traumë nga zgjedhjet e shkuara

Analisti Alfred Lela ka deklaruar se qytetarët duan një model të ri politik.

Përsa i përket Partisë së Lirisë, ai theksoi se kjo e fundit ka pasur paqartësitë e veta prej një viti dhe ka shpërthyer këto ditë, referuar daljeve televizive të Ilir Metës dhe deklaratat e tij.

“Duan një model të ri. Jam për bashkimin me të gjithë. Kurrizin e Shqipërisë nuk e mban dot një person. Opozita ka nevojë për figura të reja. PL ka një tundim politik për të renë, ka një traumë nga zgjedhjet e shkuara. Nuk është një traumë e shkaktuar nga Meta dhe nga PL por nga Rilindja dhe qeveria.

Është trauma e demokratit që shkon për të votuar dhe nuk sheh kryetarin e partisë së vet po demokrati shkon dhe voton për atë që i ka thënë Edi Rama të votojë. Ka një paqartësi te PL dhe unë mendoj se kjo reflektohet te gjetjet e “Barometri”. Prej një viti PL ka pasur paqartësitë e veta që dolën dhe kulmuan këto ditët e fundit. Kemi parë një PL që nuk e dinim ku ishte”-tha ai.

Politike

“Sekuestroji të gjitha, vila e shtëpi”/ Meta: SPAK tarallaku…

Ilir Meta, gjatë fjalës në Komitetit Drejtues Kombëtar të Partisë së Lirisë, ka patur një mesazh edhe për SPAK-un, ku tha se aty do e kenë gjithmonë dhe nuk do të arratiset.

Ai iu drejtua SPAK-ut se mund të sekuestrojë shtëpi e vila e të gjitha, por jo Partinë e Lirisë. Sipas tij, nëse ndodh kjo, ai do e bëjë SPAK-un shembull për të gjithë botën.

“Për SPAK tarallakun se mos i ka ngelur hatri njeriu kam këtë mesazh. Ilir Meta është këtu e do jetë gjithmonë këtu. Edhe në ‘92 kur e thërrisnin çdo javë për të ikur për tu larguar jashtë vendit që të mos arrestohej përgjigja ishte pse prisni një javë ju ja ku më keni. Bëjeni punën dhe madhëria ju falenderon. Më thirri mua një prokuror më erdhi fletëthirrja. Edhe e kishte lënë derën hapur ai Lona. Edhe tha sekretarja hyni. Ai si figurë e madhe pas ishte dritarja edhe bënte sikur nuk kuptonte me poza ke parasysh ti, prokuror i jashtëzakonshëm…

Florinjtë e Ilir Metës, e ka thënë Tedi. Ku janë Tedi florinjtë? (Te “Abi Bank”). Shtëpi vila, le ti sekuestrojnë të gjitha. Po e pash keq do vë një krevat te shtëpia e nënë Selvisë, ose kemi dhe selinë. Por PL ta harrojë SPAK-u torallaku. Se i bëhet ajo që bëhet shembull në të gjithë botën. Italia kishte Antonio Di Pietron. E dini ça ishte Di Pietro, hajdutë tenderash… Siç i përdorte Nano disa hajde ti biem Metës… Ne jemi për reformën në drejtësi që arreston Edi Ramën. Atë e ka paralajmëruar drejtori i prokurimeve”, tha Meta.