Politike

Shkarkimi i Çuçit/ Vasili: Të gjithë vegla qorre të Edi Ramës

Nënkryetari i Partisë së Lirisë Petrit Vasili deklaron se vendi ka 10 vjet pa Ministër të Brendshëm, teksa sipas tij këto vite kthyen krimin në sundues dhe Ramën në të punësuar të tij!

Në një postim për zhvillimet e fundit në vend me shkarkimin e ministrit të Brendshëm Bledi Çuçi dhe nomiminimin e Taulant Ballës në këtë post nga kryeministri Edi Rama, Vasili shkruan se Ministria e Brendshme dhe Policia e Shtetit te drejtuara de facto nga Edi Rama dhe de jure nga kukullat e tij të inkriminuara ka thelluar në mënyrë kritike negative të gjithë treguesit dhe duke mos përmirësuar e ndryshuar qëllimisht asnjë prej tyre.

Ai thekson se në dhjetë vjet pa Ministri të Brendshme u krye instalimi i narkoshtetit, që po shkatërron sigurinë, jetën dhe shpresën e qytetareve.

POSTIMI I PLOTË
Dhjetë vjet pa Ministër të Brendshëm kthyen krimin në sundues dhe Ramën në të punësuar të tij!
Edi Rama me qëllimisht e ka lënë Shqipërinë për plot dhjetë vjet pa Ministër të Brendshëm sepse ka qenë ai vetë Ministri i Brendshëm i vërtetë.

Në këto dhjetë vjet pa ministri të brendshme i është krijuar hapësirë veprimi pa fund për narkotrafikun, bandat kriminale dhe pastrimin e parasë.

Ministra të larguar turpshëm dhe të kompromentuar, thjesht vegla qorre në duart e Edi Ramës nga njëra anë dhe krijimi i narkoshtetit nga ana tjetër këto janë dy anët e së njëjtës fytyrë të narkoMinistrisë së Brendshme.

Tahiri i burgosur për përfshirje narkotrafik, Xhafaj i larguar në mënyrë të përbuzur dhe me vëllain narkotrafikant, Lleshaj një dhunues i përbindshëm i opozitës, që mbuloi sa herë Tiranën me gaz të helmuar dhe qe rrinte duarlidhur para trafikut i larguar turpshëm edhe ai, Çuçi një ministër i familjes kryeministrore ku skandalet nuk kishin të sosur deri në shkatërrimin de facto te policisë se shtetit edhe ky i larguar siç deshi Rama, dhe me ne fund qershia mbi torte është Balla, qe e ka mbyllur misionin pa hyre ne zyre, me trajektoren nga Rrajat, tek vrasja e Xhuvanit ne Elbasan e duke vazhduar tek Toyta Jaris e lidhje me bandat etj etj skandale pa fund.

Drejtoret e përgjithshëm te policisë te vendosur e te larguar sipas qellimeve te Rames jane hequr dhe vene duke mos përmirësuar asgjë, por thjesht kane bere figurantin e radhes dhe pastaj jane larguar duke mbyllur gojen e duke i qëndruar omertës së heshtjes.

Pra për dhjete vjet, rendi publik, dhe siguria e qytetareve nuk kane ekzistuar realisht dhe krimi ka komanduar duke pasur nje Polici Shteti, qe trembej, i sherbente dhe i perulej krimit, por nuk ndeshej kurre me te.

Per dhjete vjet kemi pare vetem qe narkotrafiku eshte gjigandizuar duke pasur mbeshtetjen, mbrojtjen dhe bashkepjesmarresen e Policise se Shtetit.

Nuk kane te numeruar komisaret dhe drejtuesit e policise te perfshire ne narkotrafik.
Policia e shtetit me te gjitha segmentet e saj ka sherbyer si krahu i armatosur i qeverise per grabitjen mafioze te zgjedhjeve, duke u perfshire vete ne menyre direkte dhe duke mbeshtetur bandat kriminale per vjedhjen e shitblerjen e votave.

Nuk kane te numeruar rastet e dhunes se pashpirt te policise ndaj qytetareve deri edhe vdekjet e renda ne paraburgime.

Policia ka vrare qytetare te pafajshem si ne rastin e Klodian Rashes dhe eshte sjelle si kriminele duke sajuar prova te rreme e duke mashtruar publikisht pa i hyre nje gjemb ne kembe.

Policia ka dhunuar ne menyre shtazarake opoziten dhe te drejtat demogratike te qytetareve per te protestuar duke mos pare moshe, qe nga te rinj 13- 14 vjecare e deri te moshuar ne moshe te thelle e gra shtatzana.
Policia ka mbeshtetur me dhune operacionet e paligjshme te qeverise ne rrembimin e pronave dhe banesave te qytetareve duke mos kursyer edhe jeten e shendetin e tyre.

Ne prani te kesaj policie shteti, krimi i organizuar ka kryer atentate pa fund ne mes te qyteteve tona deri edhe ne mes te Tiranes ne mes te dites dhe asnje shqetesim nuk i ka ardhur prej saj.
Policia nga mbrojtse e qytetareve eshte kthyer ne nje informatore e bandave dhe krimineleve duke i ndersyer ato kunder qytetareve te thjeshte.

Ministria e Brendshme dhe Policia e Shtetit te drejtuara de facto nga Edi Rama dhe de jure nga kukullat e tij te inkriminuara ka thelluar ne mënyrë kritike negative te gjithe treguesit dhe duke mos permirsuar e ndryshuar qellimisht asnje prej tyre.

Objektivi i vetëm i policisë se shtetit ka qene dhunimi, survejimi, inskenimi i operacioneve mafioze policore dhe presioni i egër policor ndaj opozitës politike dhe i te gjithë aktivitetit te saj për llogari te Edi Rames.
Mjaft shefa policie maskarenj dhe te inkriminuar deri ne fyt janë ngritur ne detyre për meritën e zellit te tyre ne shtypjen e i opozites dhe protestuesve.

Ne dhjete vjet pa Ministri të Brendshme u krye instalimi i narkoshtetit, qe po shkaterron sigurine, jeten dhe shpresën e qytetareve.

Emerimi i Taulant Balles eshte prova finale asgjesuese, qe Edi Rama nuk eshte me as aksioner ne qeverisje, por eshte thjesht dhe vetem nje i punesuar nga krimi per te bere kryeministrin.

Politike

Sot Pashkët ortodokse, ja urimi i kryeministrit Rama

Kryeministri Edi Rama e ka nisur ditën e sotme me një urim për besimtarët ortodoksë, të cilët festojnë Pashkët. Përmes një mesazhi, kreu i qeverisë ka publikuar një foto nga ceremonia e festimit të Pashkëve.

“MIRËMËNGJES
Gëzuar Pashkët Ortodokse ”, shkruan Rama.

Kujtojmë se Pashkët festohen në mbarë botën nga besimtarët ortodoksë.

Politike

GJKKO merr të pandehur një ish-kryebashkiake socialiste, ja akuza ndaj saj

Gjykata e Posaçme kundër Krimit të Organizuar dhe Korrupsionit ka marrë të pandehur ish-kryebashkiaken socialiste të Libohovës, Luiza Mandi. Ajo dyshohet për kryerjen e veprës penale “shpërdorim detyre”.

Hetimi ndaj saj kanë nisur pas një kallzimi të bërë nga një qytetar, i cili pretendonte se në pronat e familjarëve të tij Bashkia e Libohovës po zhvillon një projekt zgjerim rruge ku kishte pajtuar firmën “Alba Kosntruksion” për kryerjen dhe zhvillimin e zonës.

Qytetari pretendon se ka kontaktuar vetë më kryetaren e bashkisë dhe përgjegjësin e urbanistikës ku e kanë sqaruar se pas përfundimit të projektit do të merreshin me riparimin e dëmeve të shkaktuara në tokat e tij.

Megjithatë, qytetari pretenbdon se gjatë punimeve, ndërtimi jo vetëm që nuk ka ndaluar vetëm në murin rrethues të dëmtuar, por ka hyrë edhe më tej në tokat e tij. SPAK ka sekuestruar projektin në fjalë dhe është konstatuar se ishte cënuar prona e denoncuesit.

Sipas shkresave gjatë zhvillimit të projektit në fjalë nuk është zbatuar procedura e shpronësimit, çka ka sjell dhe dënim ekonomik të familjes kallëzuese në një vlerë prej 362,480 lekë.

Politike

A po bën lojë Ilir Meta? Basha habit me përgjigjen: Nuk më plas fare e dashur!

Kryetari i Partisë Demokratike, Lulzim Basha i ftuar në podcastin “Inside Albania” me gazetaren Alice Taylor , është pyetur lidhur me sjelljen e Presidentit të Partisë së Lirisë, Ilir Metës dhe deklaratat e bëra nga ai përgjatë këtyre kohëve të fundit.

Taylor iu drejtua Bashës duke e pyetur nëse Meta ka një “as nën mëngë” dhe a mendon se në vijim do të bëhet një me Partinë Socialiste apo jo? Kësaj pyetje kryedemokrati preferoi t’i përgjigjej me një citim të shkurtër të aktorit Clark Gable, në filmin jashtëzakonisht popullor të shekullit të shkuar, “Iku bashkë me erën”.

Alice Taylor: Pyetja ime e fundit. Ilir Meta. Nuk jam fort e sigurt çfarë po kalon, por mendoni se po bën lojë? Mendoni se mund ta pozicionojë veten si “as nën mëngë” para zgjedhjeve? E shihni të kalojë në krahun tjetër, t’i bashkohet PS-së? Cili është kënvështrimi juaj apo nuk doni të spekulonit?

Lulzim Basha: Ishte pyetja e fundit kjo? Po zgjedh të citoj një fjali shumë të famshme nga një film që të gjithë e dinë. “Frankly, my dear, I don’t give a damn” (Sinqerisht, e dashur, nuk më plas fare”).

Politike

Rama mbledhje të jashtëzakonshme me ministrat dhe deputetët

Kryeministri Edi Rama ka planifikuar zhvillimin e një mbledhje të jashtëzakonshme me grupin parlamentar dhe Qeverinë.

Duke iu referuar burimeve nga Kuvendi, raporton se kjo mbledhje do të transmetohet Live. Të njëjtat burime i thanë se mbledhja do te mbahet pas pushimit të Pashkëve të martën paradite, ku Rama ka kërkuar të mos mungoje asnjë deputet.

Nuk dihet se cili do të jetë mesazhi i Edi Ramës, por mund të merret me mend se ai lidhet me çështjet e aktualitetit dhe axhendën e maxhorancës në kushtet kur tema e korrupsionit ka marrë vëmendje të veçante edhe për shkak të disa goditjeve të SPAK-ut ndaj disa zyrtareve të lartë në institucionet qëndrore apo në Bashkinë e Tiranës.

Politike

Skandal i “RAI 3” në Itali/ Si u hetua drejtuesi i emisionit “Report” për fatura fiktive, deputeti Italian: Më ka kërcënuar me sms

Televizioni “Rai 3” në Itali u përfshi dy vjet më parë në një skandal për të cilin prokuroria nisi hetimet nën dyshimin e prerjes së faturave fiktive për transmetimin e emisionit “Report”.

Nën hetim u vu Sigfrido Ranucci, zëvendës drejtor i RAI3 dhe njëkohësisht drejtues i emisionit “Report” që transmetoi ditë më parë një reportazh kundër Shqipërisë ku fliste edhe për marrëveshjen me Italinë për emgigrantët, duke sjellë më pas edhe reagimin e kryeministrit Edi Rama.

Mediat italiane shkruajnë se bëhej fjalë për faturime fiktive për të cilat Ranucci flet në një video të regjistruar pa dijeninë e tij në vitin 2014 teksa ndodhet në tavolinë në negociata për të marrë material “ekskluziv” për kryebashkiakun e atëhershëm të Veronës, Flavio Tosi.

Një akuzë e tillë është mohuar nga avokati i Ranuccit, zoti Luc Tirapelle i cili përjashton mundësinë që “RAI 3” të ketë pasur fonde për blerjen e materialeve të dobishme për emisionin Report apo për kryerjen e veprimtarive të dosjeve kundër politikanëve të ndonjë partie.

Sipas avokatit, Ranucci në atë takim po luante bllofin për të parë nëse vërtet ekzistonte një video që dëmtonte figurën e Flavio Tosit.

Më tej në artikullin e publikuar nga media italiane, shkruhet se Ranucci mburrej me mundësinë që kishte për të bërë fatura fiktive duke kërkuar ndërhyrjen e një miku të tij, me qëllim mbeledhjen e provave të nevojshme për hetimin.

Lidhur me këtë ngjarje ka reaguar edhe deputeti i “Forza Italia”, Andrea Ruggeri i cili ka deklaruar se ka marrë mesazhe kërcënuese nga Ranucci.

“Sot sjell gjithë materialin që kam: sms kërcënuese nga Ranucci dhe raporte të aktiviteteve të zhvilluara. Është një çështje e një rëndësie të paparë”, tha deputeti ndër të tjera.