Bota
Sulm me armë në Jerusalem, 7 të plagosur
Të paktën 7 persona janë plagosur pasi persona të armatosur hapën zjarr në vende të veçanta në qytetin e Jerusalemit, thanë zyrtarët izraelitë.
Sulmuesit qëlluan në një autobus dhe hapën zjarr në një park makinash pranë Murit historik Perëndimor në orën 01:24 me orën lokale (22:24 GMT), thanë zyrtarët e emergjencës.
Policia ka nisur një kërkim për personat e armatosur, të cilët u larguan pas sulmeve.
Një zëdhënës i policisë tha për mediat lokale se incidenti po trajtohet si një sulm i dyshuar terrorist.
Shërbimi i ambulancës, Magen David Adom (MDA), tha se po trajtonte disa njerëz, përfshirë dy që ishin në gjendje kritike.
Të plagosurit, gjashtë burra dhe një grua, janë dërguar në spitalet në Jerusalem shtoi MDA. Mediat hebraike kanë raportuar se policia është në kërkim të të paktën dy të dyshuarve.
Videoja në mediat sociale tregoi policinë e armatosur rëndë në vendngjarje, shkruan BBC.
Një zëdhënës i policisë tha se oficerët “kanë filluar të sigurojnë zonën, të hetojnë rastin dhe të kërkojnë për të dyshuarit, të cilët u larguan”.
Times of Israel raportoi se të paktën një sulmues kishte pritur që autobusi të mbërrinte në stacion, përpara se të hapte zjarr teksa hipnin pasagjerët.
Në një deklaratë për BBC, kryeministri izraelit Yair Lapid tha se forcat e sigurisë “po punonin për të kapur terroristin” dhe u zotua se kushdo i përfshirë në sulm do të “paguante një çmim për çdo dëm ndaj civilëve”.
Muri Perëndimor është një nga vendet më të shenjta në judaizëm dhe mijëra adhurues shkojnë në një pelegrinazh atje çdo vit për t’u lutur.
Sulmi vjen një javë pasi 44 persona u vranë në Rripin e Gazës gjatë shpërthimit më serioz që nga një konflikt 11-ditor në maj 2021.
Tri ditë dhune panë forcat izraelite që synonin udhëheqësit e Xhihadit Islamik Palestinez (PIJ) dhe militantët që gjuanin raketa në Izrael.
Bota
“Nuk i besojmë udhëheqjes së Kievit/ Lavrov i prerë: Rusia nuk i ndalon luftimet
Rusia nuk ka ndërmend të ndërpresë armiqësitë me Ukrainën edhe nëse të dy vendet angazhohen në bisedimet e paqes, pasi Kievi e ka dëshmuar veten të jetë një aktor jo i besueshëm, ka deklaruar ministri i Jashtëm rus Sergej Lavrov.
Në një intervistë për mediat ruse të premten, diplomati theksoi se Moska nuk i beson udhëheqjes në Kiev.
“Ne kemi thënë se jemi gati për negociata, por – ndryshe nga historia e Stambollit – nuk do të bëjmë asnjë pauzë në luftimet gjatë negociatave. Procesi duhet të vazhdojë”, tha ai.
Të dyja palët nuk kanë biseduar drejtpërdrejt me njëra-tjetrën që nga ulja e tyre në Stamboll në fund të marsit 2022. Rusia, e cila fillimisht shprehu kënaqësinë me rezultatet e takimit dhe tërhoqi forcat e saj nga periferitë e Kievit, por më vonë akuzoi Ukrainën se hodhi poshtë përparimin e arritur në Turqi, duke thënë se Moska kishte humbur besimin te negociatorët e Kievit.
Ministri i Jashtëm vuri në dukje se një pengesë e madhe për çdo proces paqeje që presidenti ukrainas Zelensky “e ndaloi veten të negociojë” me autoritetet aktuale në Moskë. Ai i referohej një dekreti që Zelensky nënshkroi në vjeshtën e vitit 2022, i cili ndalonte qeverinë e tij nga çdo bisedë me homologun e tij rus Vladimir Putin.
Bota
Mbante mbi trup një jelek me eksploziv, arrestohet një person në konsullatën iraniane
Një person u arrestua sot në Paris pas kërcënoi se do të hidhte veten në erë në konsullatën iraniane në lagjen e 16-të kryeqytetit francez, jo shumë larg Kullës Eifel. Rreth orës 11 të mëngjesit të së premtes, burri u pa nga një dëshmitar teksa po hynte në selinë konsullore iraniane.
Pasi u fut në ndërtesë, ai kishte hequr pallton duke zbuluar “një jelek me bombë shpërthyese të bërë vetë”, me qëllim për t’u hakmarrë për vdekjen e vëllait të tij, thotë Reuters, por pa saktësuar se për çfarë rasti bëhet fjalë.
Prefektura e Parisit saktësoi se konsullata iraniane bëri një “kërkesë për ndërhyrje” dhe forcat speciale u dërguan në vendngjarje. Si masë sigurie dhe me urdhër të policisë, linja gjashtë e metrosë u ndërpre dhe zona u rrethua, ndërkohë që po vijojnë hetimet për të zbardhur ngjarjen.
Bota
Izraeli përgjigjet ndaj Iranit, godet një bazë ushtarake në Isfahan
Izraeli nisi një sulm ndaj Iranit në shenjë hakmarrjeje orët e para të mëngjesit të 19 prillit, një veprim që kërcënon të përshkallëzojë më tej konfliktin rajonin e Lindjes së Mesme. Izraeli kishte paralajmëruar se do t’i kundërpërgjigjet Iranit, pas sulmit me mbi 300 dronë e raketa.
Menjëherë pas sulmit, Teherani aktivizoi sistemin e mbrojtjes ajrore, ndërsa tha se centralet bërthamore janë të sigurta. Deri më tani nuk raportohet për viktima apo dëme, citojnë mediat shtetërore iraniane një gjeneral ushtrie.
Për shkak të sulmit u pezulluan fluturimet në disa aeroporte, ndërsa tashmë gjendja është kthyer në normalitet. Fluturimet kanë nisur edhe në aeroportin kryesor të Teheranit, Imam Khomeini. Ushtria izraelite nuk ka komentuar për sulmin.
Ndërkohë, Izraeli i kishte thënë SHBA-së të enjten se do të hakmerrej kundër Iranit në ditët në vijim, tha një zyrtar i lartë amerikan për CNN. Zyrtari thekson se SHBA nuk e kishte miratuar kundërsulmin dhe se nuk është përfshirë në operacion. “Ne nuk e miratuam përgjigjen,” tha zyrtari për CNN.
Irani ka qenë në gatishmëri të lartë pasi Izraeli tha se do t’i përgjigjej. Teherani lëshoi më shumë se 300 raketa e dronë në Izrael mesnatën mes 13 dhe 14 prillit, si hakmarrje ndaj sulmit në konsullatën e tij në Damask të Siri, më 1 prill.
Aleatët perëndimorë të Izraelit gjatë gjithë javës, veçanërisht SHBA-ja dhe Britania, i kanë kërkuar qeverisë izraelite që të mos kryejë një përgjigje të rëndë ndaj sulmit raketor iranian.
Sulmi izraelit, Irani: Fluturimet kanë rifilluar në të gjithë aeroportet
Irani njofton se ndërprerja ka mbaruar dhe se fluturimet i janë kthyer normalitetit. Agjencia shtetërore e lajmeve IRNA raportoi se fluturimet kanë rifilluar në aeroportin ndërkombëtar Imam Khomeini të Teheranit.
Ndërkohë, organizata e aviacionit civil të Iranit tha se kufizimet e vendosura më parë në disa aeroporte të tjera janë hequr. Më herët, televizioni shtetëror Mehr tha se aeroportet në Teheran, Isfahan, Shiraz dhe në të gjithë vendet perëndimore, veriperëndimore dhe jugperëndimore të vendit ishin prekur të gjithë.
Bota
Çdo 10 minuta në Gaza vritet ose plagoset një fëmijë
Një fëmijë lëndohet ose vritet çdo dhjetë minuta në Gaza ndërsa sulmet midis Izraelit dhe Hamasit vazhdojnë të pandërprera, sipas shifrave të UNICEF-it.
Që nga fillimi i luftës më 7 tetor, më shumë se 13,800 fëmijë janë vrarë në enklavën palestineze, sipas drejtoreshës ekzekutive të organizatës ndërkombëtare Kathryn Russell.
Në lidhje me numrin e vdekjeve të grave, ajo theksoi se më shumë se 10,000 kanë vdekur në Gaza. Përveç kësaj, nga 10,000 gratë që u vranë, 19,000 fëmijë jetimë mbetën pas, thuhet në njoftim.
Bota
“Do e mbroj kauzën e Palestinës sa të kem jetë”, Erdogan akuza Izraelit: Ka tejkaluar mizoritë e Hitlerit
Presidenti turk Rexhep Tajip Erdogan ka akuzuar Izraelin se ka tejkaluar mizoritë e Adolf Hitlerit duke vrarë 14,000 fëmijë në Gaza.
Duke folur në një takim të ligjvënësve të Partisë së tij për Drejtësi dhe Zhvillim (AK) në parlamentin turk, Erdogan tha se kauza palestineze i ka dhënë kuptim jetës së tij, sipas agjencisë së lajmeve Anadolu.
“Për sa kohë që Zoti të më japë jetë, unë do të vazhdoj të mbroj luftën e Palestinës dhe do të jem zëri i popullit të shtypur palestinez”, tha lideri turk.
Ai gjithashtu e krahasoi luftën e Hamasit me luftën turke për pavarësi (1919-1922) dhe u kujtoi deputetëve se ai kishte dalë në mbrojtje të grupit militant palestinez në Forumin Ekonomik Botëror të vitit 2009 në Davos, Zvicër.
“Kur askush tjetër nuk do të fliste, ne u ngritëm dhe thamë: ‘Hamasi nuk është një organizatë terroriste, por një grup rezistence.’ Ne kemi paraqitur harta në OKB që tregojnë se si Izraeli ka pushtuar gradualisht tokat e Palestinës gjatë 70 viteve të fundit”, tha ai.
-
Pinknews23 hours ago
Tronditëse/ Heidi Baçi frikësohet nga Egla Ceno (VIDEO)
-
Pinknews24 hours ago
“Doja ta ndaja me ty këtë moment…”/ Heidi i rrëfehet Romeos
-
Politike22 hours ago
Berisha në krye të PD? I ngarkuari i SHBA zbulon nëse Amerika do ndryshojë qasje ndaj personave non-grata
-
Pinknews3 hours ago
‘Ke kryer akte të turpshme para kafshës’/Stresit zbulon se Juliana Nura ka qenë në burg
-
Aktualitet8 hours ago
Nuk është Altin Dumani: Ja kush është telashi më i madh i Ilir Metës
-
Politike4 hours ago
“Ballë për Ballë me Regjimin”/ Meta për protestën: Kjo është opozita e vërtetë
-
Pinknews2 hours ago
“Kërkoj falje mamit tim, o budalla”/ Meritoni i përmendi Eglës gjyqin me Saimir Kodrën
-
Pinknews22 hours ago
Nuk u përmend në mesazhin e Donaldit ndaj Romeos/ Heidi zbulon se si ndihet