Presidenti amerikan Joe Biden tha sot se Izraeli ka propozuar një marrëveshje të re armëpushimi, e cila madje është gati për tu zbatuar menjëherë. Në fjalën e tij, presidenti amerikan tha se plani për armëpushim, i propozuar nga Izraeli, do të zbatohet në tre faza.

Faza e parë përfshin një armëpushim të plotë dhe total dhe tërheqjen e ushtarëve të IDF nga të gjitha zonat e banuara në Gaza. Gjithashtu është planifikuar lirimi i disa prej pengjeve dhe shkëmbimi i tyre me të burgosur palestinezë. Gjithashtu Biden shtoi se 600 kamionë me ndihma humanitare do të hyjnë çdo ditë në Rripin e Gazës.

Faza e dytë kërkon një ndërprerje të përhershme të armiqësive dhe lirimin e pengjeve të mbetura, përfshirë ushtarët e mbajtur nga Hamasi. Kjo do të thotë një fund i përhershëm i armiqësive. Së fundi, faza e tretë do të përfshijë restaurimin e Rripit të Gazës. Pasi të arrihet, kjo fazë do të përfshijë gjithashtu kthimin e eshtrave të pengjeve që vdiqën në duart e Hamasit.

Biden shpjegoi se SHBA-ja është e fokusuar në mënyrë të pamëshirshme në gjetjen e një fundi të përhershëm të luftës dhe lirimin e pengjeve. SHBA synon të krijojë një të nesërme më të mirë për Rripin e Gazës.

Ai gjithashtu i kërkoi Hamasit të mbështeste planin. Është një moment me të vërtetë vendimtar. Izraeli ka bërë propozimin e tij dhe Hamasi thotë se dëshiron një armëpushim kjo marrëveshje është një mundësi për të vërtetuar nëse vërtet e nënkupton këtë. Hamasi duhet ta pranojë marrëveshjen,” tha Biden.

Presidenti amerika tha se tani është koha që të gjithë të ngrenë zërin dhe të kërkojnë që Hamasi të vijë në tryezën e bisedimeve.

Eksperti austriak, Gunther Fehlinger, ka bërë një parashikim për zgjedhjet presidenciale në SHBA. Ai u shpreh se ka shumë spekulime mbi atë se kush do fitojë zgjedhjet në SHBA, por që sipas tij edhe këtë herë do të fitojë Bideni.

“Bota dhe Ballkani po spekulojnë se kush do t’i fitojë zgjedhjet në SHBA. Për shqiptarët, Biden është alternativa më e mirë dhe ai do të fitojë”, shprehet ai në një intervistë për Bota Sot

Sipas Fehlingerit, janë disa arsye se pse Biden do ta mposhtë Trumpin në zgjedhjet presidenciale.

Ai tha s Trump ka marrë një goditje të madhe nga dënimi i fundit, duke paralajmëruar se e presin probleme të mëdha ligjore në muajt në vijim.

“Biden ka fituar 7 milionë vota më shumë në vitin 2020. Trump ka udhëhequr një kryengritje kundër Zëvendëspresidentit të tij, tani dënimi i fundit është një sinjal se e presin probleme të mëdha ligjore në 2024.

Biden ka një axhendë shumë të suksesshme të rimëkëmbjes së brendshme pas COVID, një ekonomi në rritje dhe e ka menaxhuar relativisht mirë luftën në Ukrainë.

Ai miratoi paketën ndihmëse për Ukrainën kundër opozitës së Trump dhe Putinit, ku municionet amerikane me vlerë 60 miliardë dollarë po bëjnë shumë ndryshim në Frontin Lindor dhe shteti rus po shkatërrohet, pasi në dy vite e gjysëm luftë, pala ruse ka pësuar humbje të mëdha”, shprehet ai.

Donald Trump ka reaguar në rrjetet sociale pasi u shpall fajtor për 34 akuza.

Në një mesazh të gjatë në platformën “Truth Social”, ai kërkoi të minimizonte provat në gjyq, duke pretenduar se “nuk ishte i përfshirë” në shkrimin e “shpenzimeve ligjore” në të dhënat e biznesit dhe duke shprehur mosbesimin se një gjë e tillë do të konsiderohej krim.

“Kontabilisti im e quajti ‘Shpenzime Ligjore’, në linjën e përshkrimit ‘të vogël’ të librit, një ‘shpenzim ligjor’, i paguar për avokatin tim, në atë kohë avokat plotësisht i akredituar dhe kredibil. Unë nuk isha i përfshirë në atë emërtim, por si do ta kishit quajtur tjetër ndryshe, në fakt, një shpenzim, ky është i ashtuquajturi ‘krim’”.

“Nëse ata mund ta bëjnë këtë për mua, ata mund t’ia bëjnë këtë kujtdo,” tha Trump.

Donald Trump u bë ish-presidenti i parë që u dënua për vepra penale pasi një juri në New York e shpalli atë fajtor për falsifikimin e dokumenteve për të fshehur një pagesë në këmbim të heshtjes së një aktoreje të filmave pornografikë, përpara zgjedhjeve të 2016-ës.

Trump u shpall fajtor për 34 akuzat që ishin ngritur ndaj tij. Vendimi i fut Shtetet e Bashkuara në një terren të panjohur përpara zgjedhjeve presidenciale të 5 nëntorit, kur Trump, kandidati republikan, synon të fitojë garën për Shtëpinë e Bardhë përballë presidentit demokrat Joe Biden.

Më 11 korrik do të dihet forma se si do të dënohet, me burg, para ose te dyja.

Presidenti amerikan, Joe Biden ka folur në një konferencë për shtyp rreth gjykimit të djeshëm dhe shpalljes fajtor të Donald Trumpit për falsifikimin e të dhënave të biznesit.

“Parimi amerikan se askush nuk është mbi ligjin u riafirmua”, thotë ai, raporton Skynews.

Ai tha se 77-vjeçarit iu dha mundësia të mbrohej, juria u zgjodh si çdo juri tjetër në SHBA dhe pas një diskutimi të kujdesshëm, ajo mori një vendim unanim.

Presidenti tha se Trumpit tani do t’i jepet mundësia për të apeluar vendimin “si kushdo tjetër” që është dënuar penalisht.

Ai vazhdoi duke thënë se është “e rrezikshme” që dikush t’i quan zgjedhjet të manipuluara – siç ka bërë Trump shumë herë – dhe se drejtësia “duhet respektuar”.

Ndërkohë, republikani e ka sulmuar ashpër presidentin aktual amerikan, i cili është edhe kundërshtari i ardhshëm për zgjedhjet presidenciale amerikane të këtij viti.

“Ai është presidenti më budalla që kemi pasur ndonjëherë”, shton Trump, dhe “presidenti më i pandershëm që kemi pasur ndonjëherë”.

Ndryshe, Trump u shpall fajtor në 34 akuza për blerjen e heshtjes së yllit të filmave pornografik, Stormy Daniels.

Zyrtarët e Kremlinit kanë lëshuar sot deklarata të ndryshme – duke përfshirë kërcënime për luftë me NATO-n, në përgjigje të vendimeve të fuqive perëndimore për të lejuar Ukrainën të përdorë armët që ato i kanë furnizuar për të sulmuar brenda Rusisë.

Megjithatë Jens Stoltenberg, sekretari i përgjithshëm i aleancës ushtarake, ka hedhur poshtë kërcënimet nga Moska dhe këmbënguli se ata po ndihmonin Kievin të mbrohej.

“Kjo nuk është asgjë e re. Ka qenë rasti për një kohë të gjatë që sa herë që aleatët e NATO-s i ofrojnë mbështetje Ukrainës, presidenti Putin po përpiqet të na kërcënojë që të mos e bëjmë këtë,” tha ai në Pragë.

Duke përmendur ofensivën veriore të Rusisë kundër rajonit të Kharkiv në Ukrainë, Stoltenberg shtoi: “Ukraina ka të drejtën për vetëmbrojtje, ne kemi të drejtë të ndihmojmë Ukrainën të ruajë të drejtën për vetëmbrojtje dhe kjo nuk i bën aleatët e NATO-s palë në konflikt.