Politike

Vasili denoncon sërish: Diplomat me kusht në mjekësi, vjedhje nga Rama

Nënkryetari i Partisë së Lirisë, Petrit Vasili, është shprehur se plani i qeverisë për dhënien e diplomave me kusht për studentët e mjekësisë, është një gjobvënie e neveritshme.

Nëpërmjet një postimi në Facebook, Vasili shkruan se dhënia e diplomave të studentëve të mjekësisë me kusht, është një ‘gjobëvënie e neveritshme’, teksa e ka quajtur “vjedhje”. Ai citon edhe nenet e Kushtetutës së Shqipërisë, që sipas tij, aty nuk ka asnjë kusht të vendosur për shkollimin dhe diplomimin e studentëve.

Kujtojmë që gjatë kësaj jave studentët e mjekësisë kanë protestuar për kushtin e vendosur nga Ministria e Arsimit për punësimin e detyruar.

Postimi i plotë:

Diplomat me kusht ne mjeksi, nje gjobevenie e neveritshme !

E pabesueshme por e vertete.

Vjedhje e shemtuar tre fishe.

Familjet shqiptare:

◾️️se pari paguajnë taksa,

◾️se dyti paguajnë nga te ardhurat e tyre me djersë e sakrifica të panumërta për mbajtjen e fëmijëve në universitet

◾️se treti u dashka sipas Ramës qe të paguajnë perseri edhe mijëra euro të tjera nëse fëmijët e tyre duan të diplomohen, por nuk shkojne ne punen e detyruar ne menyre arbitrare e te paligjshme nga qeveria

Po ky universitet publik a nuk funksionon me parate e taksave te qytetareve❓️

A ka universiteti ndonje thes me para, qe e hap dhe u ben dhurate studenteve studimet❓️

Jo mor jo Universiteti funksionon me taksat e qytetareve dhe qytetaret s’mund te paguajne tre here shkollimin e femijve te tyre.

Kushtetuta e Shqiperise nuk vendos asnje kusht per diplomimin e tyre pervec aftesise dhe permbushjes se kushteve universitare te formimit profesional, pra nuk ka asnje kusht kontrate pune a shpikje te tjera idiote te ketij soji sic shpikin rilindasit deshtake.

Kushtetuta shprehet shumë qartë:

NENI 57

1.Kushdo ka të drejtën për arsimim.

Arsimi i mesëm profesional dhe i lartë mund të kushtëzohet vetëm nga kritere aftësie.

Pra çdo qytetar në Republikën e Shqipërisë mund të studiojë mjekësi dhe te diplomohet bazuar vetëm në kritere aftësie si dhe të paguaje ato tarifa financiare, që fakulteti ka vendosur dhe ketu maredhenia mes studentit dhe Universitetit mbaron.

Ndërsa sot Edi Rama guxon çmendurisht te vendose, qe mjekët duhet të punojnë me detyrim tre vjet ose të paguajnë mijëra euro se me demek paska shpenzuar shteti për ta.

Dikush duhet ti shpjegoje ketij kryeministri injorant se I vetmi detyrim, që ka një student për t’u diplomuar është që të përmbushë të gjithë detyrimet mësimore e të japë provimet dhe këtu mbyllet cikli i diplomimit.

Fakulteti i Mjekësisë si i gjithë sistemi universitar është një shërbim publik ku e gjithë shoqëria kontribuon per te përmes taksave,qe ai te funksionoje sepse Kushtetuta e kerkon.

Kushtetuta është shteruese kur përcakton se arsimi i lartë kushtëzohet vetëm nga kritere aftësie.

E gjithe kjo eshte nje marrezi shume e madhe edhe per faktin që këto detyrime për marrje diplome do t’i bëhen vetëm atyre, që studiojnë mjekësi ndërsa për degë të tjera të arsimit të larte ky detyrim nuk do te ekzistoje.

Pra te vazhdosh mjeksine qenka nje mallkim i madh perveç viteve mjaft te gjata te formimit profesional.

Indinjata dhe demotivimi i studenteve te mjeksise, por edhe i familjeve te tyre eshte shume i thelle dhe plotesisht legjitim.

Largimi i mjekëve vjen nga administrimi mizerabel, i politizuar dhe antiprofesional, qe krijon nje pasiguri te thelle dhe e ben largimin të mjekëve si mundesine e vetme per te mbijetuar.

Zgjidhja e problemit eshte e qarte dhe e thjeshte.

Edi Rama te mos vjedhe miliarda euro me koncesione, tendera korruptive dhe me mijra punesime patronazhistesh parazite, por te rrise rrogat e mjekëve në mënyrë dinjitoze dhe ne kete menyre jo vetëm që mjeket nuk do të largohen më, por mjaft prej tyre do të kthehen serish në atdhe.

Boll e ndytë ambientin intelektual me zgjidhje te tilla pazarxhinjsh ordinere.

Boll i merzitet, i shqetesuat dhe shperqendruat studentet nga studimi dhe boll jua prishet gjakun familjeve te tyre.

Mjaft eshte mjaft!

Related Topics:dhënien e diplomave Nënkryetari i Partisë së Lirisë petrit vasili politike STUDENTET E MJEKSISE

Politike

GJKKO merr të pandehur një ish-kryebashkiake socialiste, ja akuza ndaj saj

Gjykata e Posaçme kundër Krimit të Organizuar dhe Korrupsionit ka marrë të pandehur ish-kryebashkiaken socialiste të Libohovës, Luiza Mandi. Ajo dyshohet për kryerjen e veprës penale “shpërdorim detyre”.

Hetimi ndaj saj kanë nisur pas një kallzimi të bërë nga një qytetar, i cili pretendonte se në pronat e familjarëve të tij Bashkia e Libohovës po zhvillon një projekt zgjerim rruge ku kishte pajtuar firmën “Alba Kosntruksion” për kryerjen dhe zhvillimin e zonës.

Qytetari pretendon se ka kontaktuar vetë më kryetaren e bashkisë dhe përgjegjësin e urbanistikës ku e kanë sqaruar se pas përfundimit të projektit do të merreshin me riparimin e dëmeve të shkaktuara në tokat e tij.

Megjithatë, qytetari pretenbdon se gjatë punimeve, ndërtimi jo vetëm që nuk ka ndaluar vetëm në murin rrethues të dëmtuar, por ka hyrë edhe më tej në tokat e tij. SPAK ka sekuestruar projektin në fjalë dhe është konstatuar se ishte cënuar prona e denoncuesit.

Sipas shkresave gjatë zhvillimit të projektit në fjalë nuk është zbatuar procedura e shpronësimit, çka ka sjell dhe dënim ekonomik të familjes kallëzuese në një vlerë prej 362,480 lekë.

Politike

A po bën lojë Ilir Meta? Basha habit me përgjigjen: Nuk më plas fare e dashur!

Kryetari i Partisë Demokratike, Lulzim Basha i ftuar në podcastin “Inside Albania” me gazetaren Alice Taylor , është pyetur lidhur me sjelljen e Presidentit të Partisë së Lirisë, Ilir Metës dhe deklaratat e bëra nga ai përgjatë këtyre kohëve të fundit.

Taylor iu drejtua Bashës duke e pyetur nëse Meta ka një “as nën mëngë” dhe a mendon se në vijim do të bëhet një me Partinë Socialiste apo jo? Kësaj pyetje kryedemokrati preferoi t’i përgjigjej me një citim të shkurtër të aktorit Clark Gable, në filmin jashtëzakonisht popullor të shekullit të shkuar, “Iku bashkë me erën”.

Alice Taylor: Pyetja ime e fundit. Ilir Meta. Nuk jam fort e sigurt çfarë po kalon, por mendoni se po bën lojë? Mendoni se mund ta pozicionojë veten si “as nën mëngë” para zgjedhjeve? E shihni të kalojë në krahun tjetër, t’i bashkohet PS-së? Cili është kënvështrimi juaj apo nuk doni të spekulonit?

Lulzim Basha: Ishte pyetja e fundit kjo? Po zgjedh të citoj një fjali shumë të famshme nga një film që të gjithë e dinë. “Frankly, my dear, I don’t give a damn” (Sinqerisht, e dashur, nuk më plas fare”).

Politike

Rama mbledhje të jashtëzakonshme me ministrat dhe deputetët

Kryeministri Edi Rama ka planifikuar zhvillimin e një mbledhje të jashtëzakonshme me grupin parlamentar dhe Qeverinë.

Duke iu referuar burimeve nga Kuvendi, raporton se kjo mbledhje do të transmetohet Live. Të njëjtat burime i thanë se mbledhja do te mbahet pas pushimit të Pashkëve të martën paradite, ku Rama ka kërkuar të mos mungoje asnjë deputet.

Nuk dihet se cili do të jetë mesazhi i Edi Ramës, por mund të merret me mend se ai lidhet me çështjet e aktualitetit dhe axhendën e maxhorancës në kushtet kur tema e korrupsionit ka marrë vëmendje të veçante edhe për shkak të disa goditjeve të SPAK-ut ndaj disa zyrtareve të lartë në institucionet qëndrore apo në Bashkinë e Tiranës.

Politike

Skandal i “RAI 3” në Itali/ Si u hetua drejtuesi i emisionit “Report” për fatura fiktive, deputeti Italian: Më ka kërcënuar me sms

Televizioni “Rai 3” në Itali u përfshi dy vjet më parë në një skandal për të cilin prokuroria nisi hetimet nën dyshimin e prerjes së faturave fiktive për transmetimin e emisionit “Report”.

Nën hetim u vu Sigfrido Ranucci, zëvendës drejtor i RAI3 dhe njëkohësisht drejtues i emisionit “Report” që transmetoi ditë më parë një reportazh kundër Shqipërisë ku fliste edhe për marrëveshjen me Italinë për emgigrantët, duke sjellë më pas edhe reagimin e kryeministrit Edi Rama.

Mediat italiane shkruajnë se bëhej fjalë për faturime fiktive për të cilat Ranucci flet në një video të regjistruar pa dijeninë e tij në vitin 2014 teksa ndodhet në tavolinë në negociata për të marrë material “ekskluziv” për kryebashkiakun e atëhershëm të Veronës, Flavio Tosi.

Një akuzë e tillë është mohuar nga avokati i Ranuccit, zoti Luc Tirapelle i cili përjashton mundësinë që “RAI 3” të ketë pasur fonde për blerjen e materialeve të dobishme për emisionin Report apo për kryerjen e veprimtarive të dosjeve kundër politikanëve të ndonjë partie.

Sipas avokatit, Ranucci në atë takim po luante bllofin për të parë nëse vërtet ekzistonte një video që dëmtonte figurën e Flavio Tosit.

Më tej në artikullin e publikuar nga media italiane, shkruhet se Ranucci mburrej me mundësinë që kishte për të bërë fatura fiktive duke kërkuar ndërhyrjen e një miku të tij, me qëllim mbeledhjen e provave të nevojshme për hetimin.

Lidhur me këtë ngjarje ka reaguar edhe deputeti i “Forza Italia”, Andrea Ruggeri i cili ka deklaruar se ka marrë mesazhe kërcënuese nga Ranucci.

“Sot sjell gjithë materialin që kam: sms kërcënuese nga Ranucci dhe raporte të aktiviteteve të zhvilluara. Është një çështje e një rëndësie të paparë”, tha deputeti ndër të tjera.

Politike

Berisha: Veliaj mos të luajë me nervat e qytetarëve se do varet në shtyllën e turpit të sheshit “Skënderbej”

Ish-kryeministri Sali Berisha në fjalën e tij të mbajtur përpara simpantizantëve poshtë ballkonit të banesës, ku ndodhet në “arrest shtëpie” tha se Veliaj nuk duhet të luajë më me nervat e qytetarëve.

Berisha theksoi se kryebashkiaku Veliaj do të varet në shtyllën e turpit të sheshit Skënderbej.

“Dhe ky është Erion Vjedhësi.

Edhe njëherë, dhe një mijë herë do kërkojmë gjer në një ku janë 135 milionë euro të djegësit që nuk ekziston.

Ku i ke çuar Erion? Ku i ke fshehur o hajdut? Nuk ta falim ne kurrë këtë mo.

Jep dorëheqjen, mos luaj me nervat e qytetarëve se në shtyllën e turpit të sheshit ‘Skënderbej’ do varesh”, tha Berisha.

Pjesë nga fjala e Berishës:

Është e vërtetë se çdo natë denoncojmë vjedhjet e qeverisë. Por e bëjmë këtë se ne duam që të rrisim rrogat dhe pensionet.

Sepse ne duam që t’u faktojmë shqiptarëve se ku do i marrim ne paratë për të dy dhe trefishuar rrogat e tyre.

Sepse ne duam t’u faktojmë shqiptarëve se sëmundja vërtet është një fatkeqësi, por se ajo bëhet dy herë më e madhe kur i sëmuri nuk merr dot ilaçt që i takojnë sëmundjes.

Kur i sëmuri mjekohet me ilaçe të skaduara.

Kur i sëmuri përjashtohet nga operacioni sepse spitali nuk paguan dot sterilizimin e veglave nga kompania Rama-Beqja.

Miqtë e mi, ne jemi kyçur në një betejë pa kthim.

Në një betejë që nuk mund të njohë gjë tjetër përveçse fitores kundër një eksponenti botëror në vjedhje. Botëror në paturpësi. Botëror në pacipësi.

Dhe ky është Erion Vjedhësi.

Edhe njëherë, dhe një mijë herë do kërkojmë gjer në një ku janë 135 milionë euro të djegësit që nuk ekziston.

Ku i ke çuar Erion? Ku i ke fshehur o hajdut? Nuk ta falim ne kurrë këtë mo.

Jep dorëheqjen, mos luaj me nervat e qytetarëve se në shtyllën e turpit të sheshit ‘Skënderbej’ do varesh.

Dhe me germa të zeza do shkruhet emri yt si hajduti më i madh që ka njohur bashkia në tërë historinë e saj.